Bokeh

Leka jaku "bokeh" berasal ari jaku Jepun. Jaku tu dikena nerangka pemanah tauka kualiti gamal background ti kabur dalam gambar.

Bokeh ti alus meh siti ari utai ti dikerindu aku pasal kamera baru aku nya. Taja sensor ba kamera aku nya enda besai iga enti dibanding enggau kamera ti mar agi tang bisi software baka Neat Image ti tau dikena kena ngurang "noise" ba gambar.




Tiap kali utai ka digambar aku pansut manah, aku berasai teperansang! Aku rindu amat ngambar utai semak (close up enggau macro) laban enti jari enda entu begetar bokeh utai digambar selalu pansut alus amat.



Enda rindu kita meda gambar ti diambi aku tu? Ok, ok, ukai gambar baru, tang kena nyadi chunto gambar ti bisi bokeh!



Maya musim chelap tu kamera aku nadai entu pansut iga .. bunga nadai ga entu manah, sida kesulai nadai ga bisi terbai. Burung mayuh tang siga amat, engka lapar! Humming bird ti nutu feeder depan rumah aku, meda ayung aku dalam rumah bekebu terbai! Ni nya ulilh digambar!

Aku nganti bunga ari pun buah ba kebun apai tuai orang seberai kami ngembai. Endang tiap taun aku ngambar bunga ari kebun apai tuai orang nya. Manah amat!

Naka tu aja cherita photography sekali tu!

Alu Terus Macha...

Lansa Aja...

Dua iku burung

Rindu amat aku meda burung Western Blue Bird ayan baru musim chelap taun tu. Udah bekau musim gugur taun nyin kemari aku nadai kala meda burung tu ayan agi. Pagi tu pama ga angin muput alu pama endar ga sida burung terbai sereta turun ka tanah mutik sida ulat bulu. Gambar tu diambi ari dalam rumah. Enti ga chermin rumah aku nya beresi, enda ga ngawa! Tang tau dikenyadi ga gambar burung sekali tu.

Maya musim chelap ukai nadai burung tang pedis amat digambar. Minggu nyin kemari lebuh hari ujan meresi rami endar sida burung atas tali karan seberai rumah aku. Bekareh aku pansut mai payung mit Duncan. Tang sayau amat, lebuh aku download gambar ari memory card, tak rusak (corrupted) memory card aku nya. Akai pedis amat ati aku! 16 gig memory card rusak bakanya! Gambar ka diambi sahari nya berapa iti aja ulih didownload. Gambar burung ti diambi lemai nya siti nadai meh ulih didownload.

Nasib ga copy semua gambar bukai (bisi 2000 iti) dalam memory card nya udah didownload alu disimpan ba computer enggau ba portable hard drive. Enggai nyadi enda ngaga lebih ari siti copy! Takut hard drive rusak!!

Enggai nyadi enda diganti memory card ka rusak nya. Sekali tu aku meli 2 iti 8 gig memory card awak ka enti siti rusak bisi ga siti agi dikena. Memory card tu baru datai kemari, nya kebuah ulih ngambar utai sahari tu.

Hari sahari tu kira ka enda chelap iga kiraka 15°C tang angin ka pama endar. Hari ka enda chelap nyu nyadi chelap gasak angin. Tang enti tak agi mayuh burung bemain ba tanah dia, ngelaban angin meh aku tu lagi!

Alu Terus Macha...

Lansa Aja...

Nostalgia

Diatu enti kitai deka ninga baru lagu ti dikederindu maya kitai agi biak suba, nadai pedis alai ngiga. YouTube siti alai kitai tau ngiga lagu lama. Apin lama tu tadi, semadi ngadai pengawa, aku betaip ka nama grup enggau nama lagu ti popular maya tujuh puluhan kelia ba YouTube. Kelia meh nya laban mayuh bala kita ka macha blog aku tu apin ada maya nya!

Siti ari grup ti dikerindu aku maya nya suba dikumbai The Strollers. Menyadi aku bisi meli siti rekod ari grup tu. Maya aku pulai taun nyin kemari bisi aku nanya indai aku alai rekod lama tang iya madah nadai nemu alai bala sida rekod lama disimpan. Kebendar iya enggai kiruh nyerungkai store room!

Lemai kemari aku bisi nebah berapa buah lagi ari The Strollers ba YouTube. "Tu meh munyi lagi orang putih dibai kumpulan ari Malaysia dalam taun tujuh puluhan suba," ku aku madah ngagai Doug. "Lagu psychelic!" ku aku agi.

Lebuhka macha comments orang ba YouTube pasal lagu The Strollers aku bisi tebacha ka kempeni ari Spain udah meli album nya alu bisi ngeluar album nya baru ba CD. Beguai meh aku be-google ngiga alai tau meli CD nya.



Nah, tu alai aku meli CD nya kemari! Sahari tu aku udah nerima email ari Forced Exposure madahka CD udah dikirum!

Rindu sereta sinu meh ati lebuhka ninga sida lagu lama. Nya meh reti nostalgia.

Alu Terus Macha...

Lansa Aja...

Enggai enda nunda

Ma siku udah ngulu alu ka nunda. Pemakai ti ku aku nya. Nyu baka penyakit, tau bejangkit!

Nindik ga utai ti dikedeka ati ulih digiga. Kemari Lyana mantai ka gambar rujak ka digaga iya. Aku endang bisi 2 butul sambal rujak, dibeli ba Asian supermarket ba Sacramento din. Pagi tadi aku mina meli sida buah nenas, entimun, mengkuang enggau buah epal.

Tau dikenyadi rujak aku nya. Enti bisi suntung nya baru bisi oooooommmmpppphhh!

Kemari aku bisi mega tepeda ka terung tunu Lysther. Alu tenguk meh aku tu tadi. Meli terung mega meh aku pagi tadi lebuh ka market.



Nganti lemai tu lagi nunu terung nya. "Tunu" ku aku. Tepu dalam oven alu ngena broiler. Dapur aku ukai ngena gas, nadai lah api - bansa ka ngena karan.



Ah, dah puas kitai makai, betanda agi kena nyelim ka tubuh!

Alu Terus Macha...

Lansa Aja...

Cherita 1hb Februari

Minggu nyin kemari aku bisi meli 2 igi pisang tanduk. Sepengelama aku diau ba menua tu baru iya aku meli pisang tanduk. Iya ka selalu dipeda aku ba market nyu chelum enggau bekuap nya kebuah aku enda berani meli. Lebuh aku ka market hari tiga minggu nyin kemari aku meda manah endar pisang tanduk.

Aku bedau ka ngaga chuchur enggaika bedau entu mansau pisang. Ngena ga aku nganti laban chukup manis pisang nya alu nyamai endar digaga chuchur sahari tu! Meda teda tepung chuchur agi bisi aku alu ngaga chuchur bubuk. Lama endar aku udah meli bubuk rangkai. Tekenyit Lyana ninga aku bisi ngaga chuchur bubuk! Sigi bisi nyual bubuk rangkai Asian supermarket kami ditu.

♥♥♥♥♥♥♥♥♥♥♥♥♥♥♥♥♥

Duncan nyabak udah kami ka datai ari sekula lemai tu tadi. Sinu ati ngenang diri enda kala bulih Student of the Month. Kena 11 hb Februari tu lagi bala ka bulih Student of the Month enggau Honor Roll Student tau enda ibuh ngena school uniform. Asa endar ati Duncan laban iya ka pan bekena sida jeans ka sekula. Kati ku bulih Student of the Month, ku iya ga nanya. Nya aku madah ngagai iya, enti iya enda entu ninga jaku Cikgu ni nya ulih nyadi Student of the Month! Excellent Class Work and Cooperation ti digiga Cikgu. Denice dua kali udah bulih award nya.

♥♥♥♥♥♥♥♥♥♥♥♥♥♥♥♥♥

Maya ka bepusin ba Walmart lemai hari lima nyin tadi aku tepeda ka sida DVD kena exercise. DVD exercise nunda stail Dancing with the Stars pan bisi. Aku meli DVD Country Line Dancing laban singkang tanda poco poco bisi kabih line dancing.

Ati aja bisi ka exercise tang lagi baka exercise DVD ka bukai! Ngemenuh lachi aja!

Alu Terus Macha...

Lansa Aja...

Kemas Agi

Nah, enda ka kemas agi gamal rumah enti sida kot/jaket begantung manah?

Selemai orang ka masang hallway coat tree nya. Taja bisi dua iku assistant nulung agi meh lubah. Ni nya enda lubah, suah ngetu orang ka gawa! Sempat limpang mai sida assistant makai ais krim ba MacDonald's!

Coat tree dua iti (iya ka mit) pasang aku empu. Semadi nadai mayuh macham chara masang nya kebuah nemu! Enda ibuh bepeda ka diagram indah lebuhka masang.

Au, prujik ngemas perengka/ayam bala anak agi .... enda ulih tembu prujik tu!

Alu Terus Macha...

Lansa Aja...

Gagit ka Pulai

Bala pangan Cina aku ka diau ba menua kami ditu gagit amat ka pulai ka Malaysia maya musim taun baru Cina taun tu. Louisa, pangan aku ka diau ba South Lake Tahoe, mupuk malam hari lima tu lagi ... pulai ka Kuching.

Aku bakaka enggai alah enggau bala sida Cina. Bakaka ka mupuk sereta enggau bala sida ti ka ngintu taun baru sida!

Iya ka bendar ujung bulan lima tu lagi ti ka mupuk! Eh, enggai nyadi enda tumu meli tikit enggaika enda ampit laban bala ti sama berebut rebut ti ka pulai musim Gawai tu lagi!

Nindik endar ga bisi tikit angkat ari KL ka Miri malam 30hb Mei. Tikit ka murah agi badu enda meh abis. Tumu bala Iban meli tikit pulai Gawai! Taun nyin kemari nadai sempat enggau orang ngintu Gawai kami menyanak laban bala anak apin berengkah cuti maya Gawai. Taun tu sekula baru saduai tumu berengkah cuti - 29hb Mei.

Diatu aku mina ngiga tikit murah ari San Francisco ka KL. Begedi endar aku meda rega tikit mar amat laban maya kami ka angkat ila endang maya peak period laban bala nembiak sekula udah berengkah cuti.

Ka pan enda meli tikit mar kena pulai - lelengau ka begulai enggau apai indai, diri menyadi enggau kaban belayan. Kedung kitai agi dapat, kedung kitai agi ulih. Kedung kitai agi bisi apai indai diabas.

Alu Terus Macha...

Lansa Aja...