Friday, October 14, 2005

Jadi ka Laut?

Agi aku sekula di malaya kelia, mayoh endar laki laut ti sigat peda aku. Amat tau tekuing ati enti enda bejimat. Tang nya meh, tegal pengarap ti enda sebaka, nya meh nye nagang diri bepangan enggau bansa laut. Bepangan ngapa nadai salah, laban bansa laut nyamai ga enggau begulai.

Tang enti bala nembiak nanya aku pasal jadi ka bansa laut, endang "anang'" saut aku. Ukai nama, bansa laut tu tau di sebaka ka enggau pengarap sida. Bansa enggau pengarap sida enda ulih di bagi. Jadi ka bansa sida reti iya nitih pengarap sida. Amat meh enti orang udah jadi ka laut, ukai reti iya muai bansa diri empu. Amat meh nya, tang berapa iko anak iban udah di peda kitai jadi ka laut agi ngembuan chara pengidup bansa iban? Tentu enda mayoh.

Anang enda ingat mega, pengarap sida enda nagang sida lelaki bebini datai ka empat iko. Sapa kitai indu rindu bekunsi ka laki kitai? Enda meh kitai rindu, tang pengarap iya udah meri kemendar, ulih tagang nya? Anang enda berunding panjai. Anang tegal pengerindu, runding kitai nyadi kabur.

Pesan aku ngagai kita bujang dara, sebedau utai baka tu nyadi, manah agi mutus dalam ati diri enggai pepangan enggau bansa laut. Enti kita bisi ngembuan runding baka nya, kita ulih nyeliah ka diri ari bepangan enggau bansa laut, ulih ngetan diri ari penguji, lalu ari penusah dudi hari.

4 comments:

  1. pet_pas5:48 PM

    Aku nyukong penemu nuantuk....nya meh anang kitai nunsang ka penemu tuk..

    "senang-senang duluk, tusah kemudian"...

    sepatut ia tusah duluk, baru senang...idup mesti ka freedom enggau penemu ka betul...

    ReplyDelete
  2. Anonymous11:19 PM

    wai diatu ulih ninga radio iban mina browse internet www.WaiFM.com.my

    ReplyDelete
  3. haha....best topic tu arr..baru tetemu ka..nyau pemuas ke bejegau ba ruai nn.ka maca
    randau rama aku(Endun Jera):http://ibankiih.rumahpanjai.com/2008/12/ngangat-ke-isi.html.setuju..setuju 100 peratus tajapan cabaran tu besai endar..akaidai diriempu mimit gi ka teparuk!suba-nasib enda jadi.praise the Lord...buai uras ney

    ReplyDelete
  4. Hehe, tentu bisi sekeda tersinggung macha tu! Topic lama tang very close to my heart laban aku bisi siko menyadi jadi ka laut.

    ReplyDelete
Related Posts Plugin for WordPress, Blogger...