Wednesday, January 04, 2006

Aram Kitai Bekaraoke!

Ah, ulih bekaraoke diatu! Nyau ka 2 minggu aku nganti, baru demalam bunyi microphone bisi pansut ari speaker. Paduhal, ngelama tu Doug nyambung karaoke player enggau speaker ngena optical cable. Ko orang ti nyaut talipon aku ba Ace Karaoke(alai aku meli karaoke player), microphone signal ngena analog, reti nya enti aku ngena optical cable (digital signal) iya sigi enggai nyadi. Ok, bekareh meh Doug meli ka aku adapter kena iya nyambung RCA cable ngagai control pod speaker set aku.

Heheh, udah aku pulai ari Bible Study demalam aku alu nguji bekaraoke ngena RCA cable nyambung speaker enggau player. Nya baru iya ninga nyawa diri empu pansut ba speaker! Sempat bekaraoke enda lama ... enda ulih inggar lah, laban bala anak udah tindok, tambah mega enti kelalu inggar bala ukoi orang sepiak kami tentu begau ninga nyawa aku! Iissssh, enti ga manah endar nyawa di tebah jauh malam! Hahaha!

Bah, ni DeeJay ti ka ngaga ka aku VCD karaoke Iban? Enti enda nuan ga ngaga ka aku, Cuthess. Enda ulih bepekit tua ila enti aku enda nemu lagu iban! Heheh. Nadai lah, ila pangan aku maya iya bisi pulai ka Miri bulan dua tu, aku ngasoh bala menyadi aku meli VCD karaoke Iban, alu ngasoh Rose mai iya pulai ari Miri ka aku. Rose indu Iban ari Miri/Bintulu diau ba Maryland, jadi ka orang ditu serta bisi anak siko.

Limpang mimit cherita ... rindu endar ninga livestream ari Vynne's Interactive Media. Aku bisi nanya Vynne, enti iya beguna ka part-time DJ. Aku ka apply! Heheh. Aku bisi enggau bala orang ari Malaysia ba forum MyBuddies. Sida bisi meh radio show, tang ngena jako cina, bisi ngaga drama meh sida dia. Nya aku berunding nadai salah mega enti kitai ngaga drama radio, enti teulih ka script manah, neh! Maya hari besai baka Father's Day, Merdeka, sida selalu bisi special program ngerami hari besai tu.

Besai endar harapan aku ka pengawa Vynne! Aku endang nyukong serta meri peransang ka pengawa iya. Syabas, Vynne.

2 comments:

  1. Terima kasih for yr support. Meri meri aku idea for the show, then I can get some of my buds and do something. Who knows maybe we might just ask you to give what's happening in your part of the world thru a recording and u emailing me the file. I think it would be great.. Call it Iban Online Radio US correspondent.

    Put a shedule on the main page and u have a show..slit slit ngau lagu lagu.

    ReplyDelete
  2. Heheh, Vynne, aku bisi meh tepikir ka utai baka nya! Call it Salam ari Amerika, or something like that! Au, selit enggau lagu! Heheh, tau mega include news of some happenings involving Malaysians in the US .. :-)

    ReplyDelete

Related Posts Plugin for WordPress, Blogger...