Sunday, January 08, 2006

DVD Cherita Cina

Malam hari lima kami menyanak bisi pansut makai serta shopping. Ba Big Lots aku tetemu ka DVD cina ... cherita kung fu, enggau cherita pedang. Apu, sigi cherita ti dikerindu maya agi mit suba. Berebut rebut enggau bala meli tikit 50 sen ba panggong Lutong kelia! Heheh. Meda rega DVD nya mina $1.00 siti aku bisi meli 3 iti. Ba dua iti DVD nya, bisi dua iti cherita ba siti DVD. Reti nya empat iti cherita dalam dua iti DVD. Mina siti aja aku enda entu rindu ... cherita cina nya udah di alih bahasa ngagai English ... ka agi aku ninga jako cina, lalu macha subtitles!

Malam nya aku alu main siti DVD. Aahh? Kati aku tau rindu meda cherita baka tu suba? Heheh, special effects maya nya suba enda baka ke diatu. Orang ti bekung-fu dia, endang peda endar jari, lengan serta kaki enda entu datai maya ti bebekut tauka besipak! Ko Doug, cherita cina nya "too hokey", reti nya baka cherita bula, seula-ula.

Kelimpah ari DVD china, aku bisi meli siti DVD cherita Bruce Willis: Blind Date enggau siti DVD cherita lama ... agi ngena filem chelum putih. Ba DVD cherita lama bisi dua iti cherita lalu siti cherita nya di kumbai Three Came Home. Cherita tu di ambi ari bup di tulis Agnes Keith. Agnes Keith, maya musim Jepun suba, di tan ba siti kem Jepun di Sabah. Doug bisi bup tu, nya kebuah aku meli DVD tu. Ila nganti udah meda cherita tu baru nyerita lebih agi pasal pemanah tauka enda cherita tu!

Pama endar ga Big Lots bisi nyual DVD cherita lama enggau DVD cherita cina! :-)

3 comments:

  1. Auk amat rindu meda cerita action cina suba bala sida Bruce Lee and Jackie Chan. Tang diatu dah nemu kati trick sida ngaga movie nyau enda syok meda. sekumbang aku ke tusah online lama tok nyau bosan, diatu aku berjinak-jinak ngaga animation ngena macromedia Flash, bendar nguji nyau enda ingat utai ke tiga tahun lepas. arap ke nyadi utai meh.

    ReplyDelete
  2. Pama nuan nemu ngaga animation .. enggi aku sekadar animated gif aja .. simple flashing fonts .. utai baka nya aja .. diatu dah enda nemu agi .. nadai hari.

    Nuan bisi meda cherita cina Time and Tide? Aku macha review, iya empu action sequence terror dia .. so aku bisi ka nginjau cherita nya ila .. agi nganti turn ba Rental Queue ari Netflix.

    ReplyDelete
  3. bedau aku meda ia, nganti bisi ari ila, sibuk aku diatu enggau pengawa sekula. bisi cerita baru gak Memoir of Geisha, ila nganti dah bisi di pasar meli dvd cetak rompak. hehe nganti dah bisi gi duit meli ukai ke cetak rompak gak kasih ke industri filem kitai hehe, serba salah gak.

    ReplyDelete

Related Posts Plugin for WordPress, Blogger...