Monday, January 02, 2006

Taun Baru

Sahari tu baru masuk hari kedua dalam taun baru tu. Nadai entu mayoh utai udah nyadi ditu mina ujan aja. Boring endar ga laban hari ti selalu ujan.

Tournament of Roses Parade di Pasadena endang tiap taun di intu kena 1 haribulan satu tang laban ti ujan bangat kena 1 hari bulan nya iya di intu sahari tu. Pama mimit ga sahari tu taja iya ujan, iya enda entu bangat sereta nadai angin. Aku bisi meda mimit parade tu ba TV tang nadai tepeda ka float ari Malaysia. Tiap taun Malaysia Tourism Promotion Board bisi enggau parade tu.

Kemari bangat endar angin ditu. Tiga kali nadai karan, tang mina berapa sikin aja udah nya nyadi baru api. Maya kami pansut shopping kena pukul 4:30 lemai kami tepeda ka 3 iti tiang letrik enda jauh ari rumah kami tumbang. Apu, amat bangat angin nya! Patut 3 kali kijap kijap api ba rumah maya nya! Kami ti shopping nya ngelaban angin enggau ujan! Heheh, semadi Doug agi diau, sereta enggai agi diau ba rumah laban ti boring amat nya meh bekareh pansut!

Ansa kami rindu meda ai mayoh ba tanah dia. Bisi alai saduai nyemarai meh nya dia! Itit kami nadai temu tunga agi. Sida nemu terbai, engka bisi tetemu ka endor bisi ai alai sida tau nyemerai. Bedau lama tu tadi bisi meda siko ba atas pun kayu orang diau sepiak kami.

Selamat Taun Baru, arap ka kita ti agi bujang dara bulih tuah taun tu sereta tetemu ka jodoh! :-) Dinga saduai Cuthess enggau Grace!

5 comments:

  1. http://iwin.nws.noaa.gov/iwin/ca/flashflood.html

    Flood alert - bisi kena baru menoa kita dia Puteri?

    ReplyDelete
  2. Lemai kemari bisi surut ai ba nanga simpang kami, tang sahari tu ampoh baru jalai dia .. ujan datai ka tengah hari tadi.Agi ujan datai ka pagila, and ba bukit as low as 3000 ft elevation, snowing din.

    ReplyDelete
  3. Ninga aku utai dipadah nuan nya Puteri. Arap ke bulih meh taun baru tu... hahaha...

    ReplyDelete
  4. Nemu endar Puteri ngasoh tua belaki, Grace engka bisi tetemu ke Bujang Pakan tang aku ditu A.A always avaiable, tusah kaka ngiga taste aku nadai ba muka bumi Sarawak. Haha joke aja. Auk ngarap ke doa nuan nyadi meh, but no rushing on this year hehe, scaryyy!

    ReplyDelete
  5. Apu, nama taste nuan Cuthess? Ka ka orang bansa ribai? Kitu ga nuan ngiga iya! Hahaha .. orang bujang kelala aku ditu, kelalu tuai, enggai recommend ngagai nuan.

    ReplyDelete

Related Posts Plugin for WordPress, Blogger...