Tuesday, February 28, 2006

Enda Chukop Duit

Ari enam nyin kemari, udah pulai shopping, kami menyanak bisi ngetu ba stesen minyak, ka ngisi minyak kereta.

Ba sekeda stesen minyak kami ditu, enti mayar ngena cash, murah 2 sen minyak se gilin. Rega minyak kami ditu pen enda sebaka ari stesen ka stesen .. ngiga meh endor ti nyual minyak murah agi enti ka jimat duit mimit! :-)

Ba stesen endor kami ngetu nya tadi, rega minyak pengabis murah ari stesen bukai ti udah di pansa kami lemai nya. Mayoh kereta nganti ka ngisi minyak dia, laban ti murah ari endor bukai.

Leboh Doug nyimpan duit kena mayar minyak ba mesin duit, dia aku tepeda siko lelaki ngena slipar, ngena tanjut mirah pandak, serta ngena t-shirt mansang ngagai Doug. Bulih tahan siko tu, enda chelap, ko aku dalam ati diri. Peda aku orang tu tadi bejako enggau Doug, udah nya aku lalu meda Doug nyua $1 ngagai iya. Udah iya nerima duit nya, orang tu lalu mansang tama ngagai kedai stesen minyak. Udah nya, iya lalu ngisi minyak dalam kereta iya. Tang peda aku, iya mina ngisi $2 aja! Apu, enda datai se gilin nya!

Leboh Doug ngisi minyak ba kereta kami, aku alu nanya iya pasal lelaki ti di beri iya duit nya. Ko Doug, siko nya tadi madah ka diri iya mina bisi $1 lalu nanya Doug enti iya ulih meri iya $1 da, awak ka ulih ngisi se gilin. Iya madah ka diri pansut nadai mai wallet iya.

Sinu ga ati aku meda iya, engka enda ulih pulai enti enda chukop minyak ba kereta. Kereta iya bansa Trooper model lama. Aku lalu ngasoh Doug nyua iya $3 da, laban orang tu tadi agi bediri berimbai enggau kereta iya, engka agi nganti enti bisi orang bukai alai iya minta duit! Mansang meh Doug ngagai orang tu tadi lalu nyua iya $3 da. Udah nya mansang ga iya baru tama dalam kedai stesen minyak. Udah iya ngisi minyak rega $3, iya pen alu mupok. Apu, amat tusah iya nya .. $2 enda datai se gilin minyak ulih di isi, tambah $3 da, pama meh nya.

Aku mina sekali aja suba udah meda orang (bala anembiak)minta duit kena ngisi minyak kereta sida. Enggai kami meri sida duit .. enda nemu meh, tak enda sinu ati meda sida nya suba! Heheh. Tang siko tu, gamal iya ukai baka orang ti nadai kerja .. baka orang ti beguai pansut ari rumah enda ingat mai wallet! Ka ga aku nulung orang baka nya.

Nya meh, sekeda ulah orang ba menoa tu!

5 comments:

  1. Ba Malaysia rega minyak diatu RM1.92/liter...adus!
    nadai salah nulong enti ketegal orang nya tinggal dompet.
    aku paling enda rindu enti orang tak minta duit sengapa lebih-lebih agi enti benong kitai makai ba kedai. terhegeh-hegeh meh sida ngulur ka jari, sedang ka ari segi gaya tubuh sida tak gerai nadai apa nama. Malasss!
    hehehe....

    ReplyDelete
  2. Amat encelegit, ditu lain bansa orang ke minta duit utai ke lain pendiau. kasih kadang-kadang tang enda tau ditulung selalu enggai ke nyadi balat agi. culture orang putih sigi lain agi, sida manah agi selalu ringan tulang and nadai kakang nulung orang bisi kesedaran tentang tanggungjawab dan nilai kemanusiaan. suba aku ba Univ bisi siko orang negro minta diut ba kami sekaban coz ia madah kena romoak ba sempadan thailand bukit kayu hitam danok 25 minit pejalai ari kampus, kami kutip duit meh bala iban baru pulai ari church, bala org melayu tempatan ngambi duit nya pulai baru tinggal mimit aja then sida meri duit nya pulai ngagai kami baru sekeda ia coz. sida madah nya selalu nyadi. ba thailand sapa nemu engka ia berutang tegal indu, cukup-cukup tambang aja meh tudah pg Kl.

    ReplyDelete
  3. Dat's kind of you. Well i was saved by someone once, when I really had to answer the call of nature in a shopping complex. My stomach was really growling like a dragon due to the 'pressure build up' and there I was in front of the public toilet with someone who would not let me in coz she does not have 'change' for my RM5 which was all I had that time as I wuz out of coins. She wuz adamant in not letting me in when a good samaritan who was also going in the toilet so my predicament and sense of urgency...also I was pale in the face :) he paid the 20 sen for me and I believed he laughed at the speed I went into the toilet and do what needs doing :) I forgot to than him but I believed the groaning sounds I made in the wash room was a 'thank you' enough... keker..

    ReplyDelete
  4. hahaha!! Nasib bisi good samaritan dia, otherwise you would have to pay RM5 just to go to the toilet to relieve yourself!

    ReplyDelete
  5. Apu... enti aku baka laki nya enda aku berani minta duit ba orang pelaba aku. Semadi aku meda sida mai van gereja ka ga aku... hehehe...

    ReplyDelete

Related Posts Plugin for WordPress, Blogger...