Sunday, April 16, 2006

Cencaluk

Udah bekau aku ka macha post Encha pasal iya ti ngirum cencaluk ngagai menyadi iya ba Johor, tengok asai ati aku ka makai cencaluk mega! Ba Asian supermarket ba Sacramento ditu aku sigi kala meda cencaluk di jual dia, tang nadai bisi ati ka nguji.

Lemai kemari aku tepeda ka cencaluk ba supermarket nya, hey Buatan Malaysia!, alu ka meh aku nguji iya!

Aku bisi mega tetemu ka tahu goreng, kangkong, enggau suntong rangkai. Ila aku ka ngaga rojak kangkong suntong! Bisi gambar iya ila, F2mia!

Tu meh gamal cencaluk dempa kami ba Amerika! Cencaluk import ari Malaysia.

Lauk Tengah-hari Hari Easter

Orang kiroh sembiang maya Hari Easter, aku kiroh nyumai! Heheh. Nadai nurun sembiang kami menyanak sahari tu laban hari ujan .... enggai mai anak ngelaban ujan, tambah mega, service kedua sahari tu nadai bisi child care. Saduai enggai dudok jenoh, enda ulih dibai sama sama dudok sembiang.

Lemai kemari aku bisi meli kangkong, bisi mega meli itit panggang. Demalam udah belauk ka itit nya, tang laban ti agi bisi, bantai baru ke-empa tengah hari tu! Ooii, nyamai endar itit panggang nya! Diatu nyau nemu agi aku ngoreng kangkong belacan .. heheh, puas ga ati makai iya!

Kangkong pandok kami ba menoa Amerika! :-)


Itit panggang gaga cina ba menoa Amerika!

9 comments:

  1. Amai ngasuh tetenguk cencaluk. Aku udah dua minggu ka meli cencaluk, tang lalu nadai stok ba kedai menoa kami ditu. Diau ba menoa Malaysia mega aku tu, tang tau nadai stok cencaluk. Baka ni kita di Amerika manduk cencaluk?

    ReplyDelete
  2. wah sodap nyer...yummy yummy encaluk nuan puteri...aku lalu bedau ka makai encaluk udah bekau ke operat 5 bulan lepas agi takut anang guai makai utai ke bebau ko pesan orang rumah so aku tenguk aja meda orang makai encaluk belacan..wakk...tenguk aku..nganti bulan depan baru aku ka nguji makai semua utai nya laban dah masuk 6 bulan ulih dah kut..

    ReplyDelete
  3. Seminggu enda ngabas kitu...macam2 ada!!

    ReplyDelete
  4. nyau nyadi blog pemakai meh enggau nuan tuk puteri...tauk mukak kedai makai nuan bak us din puteri...nganti ngabang ke us ila ulih ngetu makai bak kedai nuan...

    ReplyDelete
  5. Kasih nuan enda tetemu ka cencaluk ba Sabah din empidan ..
    Nadai mayoh macham chara makai cencaluk ditu .. tambah chabi, ai limau, gula mimit laban masin, udah lah .. tau ga di tabur atas babi pepat alu steam .. ishh sedap! :-)

    Wah, dara, tan nuan nagang diri enam bulan enda makai sekeda utai! Aku suba c-section, nadai lama bepenti! haha.

    Encha, sigi iya macam macam ada! :-)

    F2mia, temporary aja tu nyadi blog pemakai .. semadi nadai cherita bukai! Tengah hot diatu nguji pandok utai .. panas panas tai ayam aja tu! heheh.

    Bedau chukup landik ka mukai kedai makai, tang enti nuan ngabang kitu, bisi aku nyendia pemakai special ka nuan! Heheh.

    ReplyDelete
  6. nemu ngagak penganan nuan...ngagak kue gik puteri...

    ReplyDelete
  7. Enda aku nemu ngaga penganan, sahari tu tadi ka ngaga kuih pisang, alu ga enda nyadi, laban ti ngaga pulut undang baka hari kutai .. heheh, agi belala'!

    ReplyDelete
  8. hahahahahahahahahaha

    ReplyDelete
  9. Nama ti ngasoh nuan ketawa, Guruh? Meda enchalu nya pia?

    ReplyDelete

Related Posts Plugin for WordPress, Blogger...