Wednesday, April 05, 2006

Teberayan

Nama utai ti kala di peda kita teberayan ba tengah jalai? Aku jarang pen meda utai teberayan ba nanga jalai di Malaysia din .. bangkai ukoi, tauka mayau endang selalu di peda .. nye nadai temu gamal agi .. kasih.

Tang ba menoa kami ditu endang selalu meda utai teberayan ba nanga jalai besai. Ba radio kami ditu endang bisi hourly traffic report .. madah pasal accident ka, traffic jam ka, chemical spill kah, tauka utai ti teberayan ba nanga jalai.

Sahari tu aku ninga pasal tilam teberayan ba nanga jalai. Bala orang ti dreba kereta anang enda berati ka tilam tu enggai ka ngelanggar tilam, enggai ka enti salah hari bulan tau accident laban tilam tu.

Kelimpah ari tilam, tangga enggau kerusi selalu teberayan. Kadang kadang tin chat, meja, sofa, enggau bag (luggage). Kati ko utai tu tau teraberayan? Iya ga enda di tanchang enggau manah, bai dreba laju, puput angin, terebai lah utai tu ari belakang truck!

Utai bukai ti selalu di peda ba nanga jalai baka kulit tayar (tyre treads), axel, exhaust pipes .. heheh. Kami duai Doug kala pen ngelanggar axle, akai, merinsa laban tayar kereta kami pecah laban nya! Pedis endar ati!

Sekali kami pulai ari San Francisco, nye ka ngelanggar kerusi! Nasit ulih di seliah, enti enda abis pen kereta penyik laban ti ngelantak kerusi! Kelalu mayoh kereta ba depan, ni ulih meda nama utai ba depan din!

Sekali mega aku mai kereta enggau kawan aku, nye ka ngelantak panggal! Heheh, au ah, panggal! Enda meh kitai nemu engka bisi orang pindah ....

Baka sida jelu ti kena langgar, sida mayau enggau ukoi, mina ba residential area aja. Enti ba jalai besai jelu siga di peda mati ba jalai ... road kill, baka sida skunk, apu bau iya! Heheh. Sida possum, rabbit ...

Enti pasal sampah di buai tisi jalai, ah, tu enda iboh sebut. Enda jauh ari rumah kami ditu utai ti selalu di buai orang iya nya tilam, sofa lama, peti ais, kereta lama .. kami nyangka orang ti ngerja utai tu iya nya pendatang haram. Laban ba menoa sida din (Mexico) baka nya sida enggau utai ti enda di guna sida .. buai ba tisi jalai aja. :-(

Ok, naka tu aja, cherita semadi nadai. :-)

6 comments:

  1. bau skunk nyuka baka bau 'PETAI' but I love petai ;(

    ReplyDelete
  2. Sangka aku di Malaysia & menoa tunga kitu (ASEAN - nitih ka dibantai maya seminar di Korea suba) aja mayuh muai sampah sebarang, laban sistem ditu endang agi bedau maju. Nemu nya menoa tunga kita kia agi bisi ga bakanya.

    Au, engka sida ka datai nya lalu enda ulih ngubah pendiau nitih ka pendiau orang ka diau mendam menoa kita din neh.

    ReplyDelete
  3. bisi ga utai teberayan puteri..ba jalai ngagai rumah antyku bisi aja utai teberayan ..sekali kami pulai ari church ari minggu siti sofa bangku kayu teberayan ari lori engka orang nya ka nganjung ke rumah orang kini betul2 depan kereta kami nama gik kena kereta uncle aku mujur kami enda kelalu semak enggau lorinya..nama gik lalu kena bumper depan kereta utai lain nadai jai semina plat kereta aja tanggal..lucu ya orang nya enda sedar utai teberayan laban sida majak bejalai nyadi kami tok tadi lalu ngetu uncle aku munyi hon pen enda ninga...nya aku madah mesti orang nya iran laban spfa bangku ya nadai siti ni enda dah teberayan...

    ReplyDelete
  4. Mag, jauh manah bau petai ari bau skunk!!

    Empidan, enda kira dunya maju tauka enda enti udah bansa ti ka muai sampah sebarang alai ... enda meh iboh ka orang bukai. Enti meda along the train tracks, endang kamah endar laban sampah .. dini dini aja menoa sigi baka nya magang.

    Haha, Dara, kasih org ti ngorder furniture baru .. kurang siti! Ditu endang nye ka ninting hari bisi aja utai teberayan .. tangga enggau tilam most common .. kadang kadang camper shells (tutup pickup truck) pen nemu pelanting ari truck! Tu baru bahaya!

    ReplyDelete
  5. Kala ninga cerita apai saloi? Ko indai saloi, maya seduai apai aloi mandi ba tisi sungai, telaboh sabun iya...."apooo, teberayan utai aku".... hehehehe...Nya meh tudah apai saloi tusah amai ati iya lalu nyelam penyelam ngiga utai bini iya nya....bendar ia deka nyelamat utai bini ia nya...

    ReplyDelete
  6. heheh, Desmond, nuan tu mayoh cerita! Kasih tudah nyau utai! hahaha

    ReplyDelete

Related Posts Plugin for WordPress, Blogger...