Monday, May 08, 2006

Makai Malam

Demalam kami menyanak bisi ngetu makai ba restoran Vietnam udah kami pulai shopping. Asa asa ati aku laban restoran tu diatu diempu orang baru.

Ukai mina nya, menu iya nadai mayoh macham tambah mega bisi karaoke dia. Sendat seput aku ninga orang belagu jako Vietnam ngena nyawa ti nadai endar di anjong! Enti sida ti udah dudok dia dulu ari kami belagu maya aku baru tama kia, engka nikal aku enda nyadi makai dia. Tang laban ti udah dudok, udah ngorder enggai nyadi aku ninggal restoran nya ... enggai ngaga hal.

Nasit endar utai diorder aku umbas iya ga asai iya. Enti enda, lebu endar asai ngetu makai dia. Enda kala aku makai ba restoran bisi karaoke ... selalu iya enti ba restoran-bar endang bisi ga sekeda bisi karaoke tang selalu iya karaoke start udah pukul sembilan malam enda maya orang benong makai. Teringat endar aku ka maya aku gawa ba Vietnam kelia. Endang asai aku agi ba Vietnam din leboh aku ninga orang ti bekaraoke jako Vietnam! :-)

Sigi enda aku nganjong diri pulai makai ba restoran nya ila! Naka iya meh nya!

2 comments:

  1. Kakaka, ketawa aku macha cerita kita ninga orang Vietnam belagu karaoke. Nyau ngingat ka aku empu begulai enggau sida Vietnam maya kami nemuai ngagai Korea taun 2005 suba.

    Amat kasih ga aku ninga nyawa sida belagu, udah ga maya nya welcoming dinner by Korean Gov. Tang aku rindu ga meda sida 'besemangat' belagu taja pen nyawa enda berapa. Sempat ngajar/ngulu ka aku belagu ga sida. Enti baka nyawa ka dinga aku nya, amat munyi ko Puteri, sendat rekung maya makai.

    ReplyDelete
  2. Lucu org Vietnam belagu pia?? Bedau kala ninga, teringin ka ninga...sampai sendat seput/rekong...gegege.

    Puteri,
    asoh unggal empidan ngaga blog. Kitai ka meh ninga/macha cerita iya pasal org vietnam karaoke..:)

    ReplyDelete

Related Posts Plugin for WordPress, Blogger...