Tuesday, June 06, 2006

Anak Ansa


Ansa kami diatu udah beranak. Sebelas iko anak ansa! Lebih lima puluh igi teluk ansa nya, tang lebih ari empat puluh igi digumpul kami serta dempa.

Udah nya kami ka nguji meda enti teluk nya tau nyadi anak. Kami bisi macha ba internet, ko orang, taun keterubah teluk ansa "infertile". Nguji aja lah kami, meda enti nyadi. Sebulan ansa indu meram teluk dua belas igi. Sigi aja teluk enda mechah.

Ari sida sebelas iko nya, siko enda entu sihat maya iya mechah. Engka iya dudi sekali mechah. Tambah mega, hari sida mechah, hari ujan. Tudah ka enda entu dapat, enda ulih bejalai, mina ranggak ranggak begetar ba babas enda entu ulih nitih sida bukai. Meda nya baka nya, dibai kami kedalam rumah, simpan dalam kutak udah nya di engkah lampu berimbai iya dia, ngambi ka ngangat iya.


Siko nya meh nyadi "ayam" saduai diri menyadi! Nya ko aku, enti bisi penyakit avian flu, sigi baka nya meh bala kitai mensia kena jangkit. Besium ka anak ansa ulah saduai iya!

Bisi endar dagin ansa dempa dudi ila! Heheh, engka manggang ansa Thanksgiving ila .. enda iboh manggang manok kulok. Kasih sida ansa! :-(

4 comments:

  1. ui .. nyamai amai nya nti dipanggang ..!! slurp!!

    ReplyDelete
  2. Enda kala aku makai ansa, amat nyamai ari itit kah? Aku rindu makai itit panggang .. slurp! Heheh.

    ReplyDelete
  3. boleh tahan ansa enggau itit ba lidah aku aaa tang enda telaban ka babi enggau lelabi ....wuawuawua

    uji nanam buah rian ka, buah rambutan, dabai ka...uji tanam ba US dia bakani enda kini

    ReplyDelete
  4. Ba endor kami ditu sigi enda ulih buah rian idup ditu .. maya winter, kelalu celap tang ba Florida enggau ba southern California bisi orang nguji nanam .. ka tumbuh tang enda nemu bebuah ka enda.

    ReplyDelete

Related Posts Plugin for WordPress, Blogger...