Wednesday, June 28, 2006

Cherita Semadi Nadai

Seminggu minggu tu aku kiroh bejait, benong ngaga quilt ngena kain batik. Batik ti dijual ditu endang manah amat, nadai aku udah meda dijual di Malaysia din. Tang aku bisi ga ngena batik buatan Malaysia, dibeli aku di KL dua taun ti udah. Engka minggu dudi tu ila tembu quilt tu.

~ ~ ~

Hari kami ditu majak panas. Seminggu minggu tu tadi pengangat hari ditu manggai 40 degree Celcius. Kitai di Malaysia din enda kala ngasai pengangat baka tu. Ko kawan aku ari KL ti bisi ngabas kami ditu maya summer, "Nadai nemu utai pengangat tu, ukai alai diau menoa kita tu". Haha. Amat, enti nadai air-con sigi merinsa diau ba menoa tu. Tang ma mata panas udah padam, jampat endar hari chelap. Ba langit din nadai entu awan, nya iya jampat chelap ma hari udah malam.

~ ~ ~

Minggu nyin tadi anak aku bisi enggau orang sakit HFM. Huh, sakit HFM?! Au, sakit hand, foot and mouth meh tudah saduai. Aku pen enda nemu dini alai saduai bulih penyakit nya. Nasib saduai nadai ngerampit bala nembiak ba sekula sida. Ko doktor penyakit nya nadai tau nganu .. mudah ngerampit orang tang nadai nganu. Duncan bisi ga angat tubuh, tang mina dalam nyawa iya aja bisi meletur. Udah Duncan gerai Denice ga kena, tang enggi iya ba mulut/nyawa, kaki enggau jari. Tubuh iya nadai ga tabin laban nya.

~ ~ ~

Dua hari tu aku gila bedownload ka lagu Indonesia .. Naff, Ada Band, Nidji, Gigi, Sheila on 7, Radja etc. Heheh, ukai ori lah .. cetak rompak! Sempat ga bulih album terbaru Siti, Transkripsi. Heheh.

~ ~ ~

Naka tu aja cherita semadi nadai. :-)

6 comments:

  1. Wah...ngaga quilt ngena batik da, rajin amat nuan wai.

    Amat angat menua kitak, enti nyau sampai 40 DC.

    Kasih anak nuan neh...nasit udah gerai. Ba Sarawak diatu start baru meh penyakit nya. "Antu" endar ko aku. Rawan ati beribun ka anak mit.

    Rindu ninga lagu "Biarlah Rahsia"....:)

    ReplyDelete
  2. Ba ditu pen angat meh. udah seminggu-minggu tu nadai ujan, munyi ka mekit ga aku, amat ta manggai 38 celcius empai lama. enda nemu meh baka ni ba swk din.

    ai! bisisakit nya ga din pia??? kumbai aku nadai meh.

    ReplyDelete
  3. Au ah, begaga ka quilt batik! Heheh. Ila ma udah tembu aku ngambar iya.

    Guruh, sigi bisi penyakit HFM ditu tang nadai bansa ka nganu. Ko doctor, it is not dangerous. So nadai lah irau baka kitai ba Sarawak din. Penyakit tu sigi jampat nyangkit orang bukai nya ditu enda iboh di isolate ma anak udah sakit .. impossible to stop ma udah start.

    Heheh, aku pen rindu ninga lagu Biarlah Rahsia. Aku nadai entu minat Siti, tang sekali tu, album iya sedap amat di dinga.

    Wah, amat angat nya enti manggai 38 celcius. Enda kala aku ngasai pengangat nya di M'sia din. Ni humidity tinggi agi, amat parai ma angat baka nya. Ditu taja iya angat humidity iya quite low.

    ReplyDelete
  4. hehehe .. download aja wai .. nti udah bc ba depan mata, terkam jak neh .. ukai bermaksud nyukung piracy ..

    ReplyDelete
  5. Heheh, atie, thanks for the link to the downloads!! Amat, ka pen meli ori iya ga nadai ditu! Whatever is available lah, amat thankful ga! :-)

    ReplyDelete
  6. wooh..lagu Dygta manah ga ahh..lagu indon ga..hehe..aku rindu diri ga ninga nya..selalu ya aku ngambi ari LimeWire meh..

    ReplyDelete

Related Posts Plugin for WordPress, Blogger...