Sunday, June 18, 2006

Jako Peranchis

Bonjour. Comment ça va?
(Hello. How are you?)

Aujourd’hui est le jour de père. Le jour de père heureux a mon père.
(Today is Father's Day. Happy Father's Day to my father.)

Haha, nya iya aku nguji nulis ngena jako peranchis! Anang ketawa bala kita ti macha blog aku sahari tu.

Amat ngumba endar betulis ka utai ngena jako peranchis, kada ka nemu?! Heheh. Sekumbang aku bisi iPod aku begiga ka utai ti tau di download, alu bisi tetemu ka podcast alai kitai tau belajar ka jako peranchis, Beginner French.

Hari enam tu tadi aku bisi bejako enggau petunggal aku ti diau ba menoa Peranchis. Aku bisi madah ka iya aku ka belajar bejako peranchis .. haha, aram meh ko iya, ila aku ngajar nuan! Haha. Mupok meh nya.

Kati ko aku tau belajar jako peranchis enti nadai orang enggau aku bejako peranchis? Amat pedis. Siti chara kena aku meransang ka diri iya nya bepasang ka tv peranchis ba internet. Haha, mina ngelala seleka dua utai disebut orang dia! Ba penemu aku nya siti ari jalai aku pritis ninga jako peranchis ... engka tak bisi ngait utai didinga aku ila! :-)

Macha tulis jako peranchis pedis amat sepi aku. Laban tulis jako peranchis tu ukai ngena bahasa baku. Lain spiling iya, lain ga sebut iya. Munchong mulut besebut ka sekeda leka jako peranchis! Ka endar ngasoh diri ketawa ngeripit utai dipelajar.

Rindu ga ah, belajar jako bukai. Aku bisi ati ka belajar jako jepun ga .. engka dudi ila meh. Haha.

Salut.
(Hi/Bye)

6 comments:

  1. Kala sida tourist datai ari menoa Perancis nemuai ke rumahpanjai kami suba.... ko siko ari apai tuai ke berandau enggau sida iya....chara sida ia berandau baka ke dichekak urang maya berjako....

    ReplyDelete
  2. Haha, nyelai ga nya didinga apai tuai ba rumah panjai kita nya.

    Ba aku, jako peranchis ngasoh mulut munchong ma nyebut utai .. tambah mega sida selalu besepu ka mulut ma udah enda nemu nama ka disebut agi .. aku ka pen nunda ulah sida nya .. nya aku ngasai bisi dianjong belajar jako peranchis! Ngumba ka diri! Heheh.

    ReplyDelete
  3. Kala meh aku belajar jaku Perancis maya agi belajar tang seperti biasala belajar untuk lulus munyi ko urang.

    Vous voir !

    ReplyDelete
  4. Wah, nemu meh nuan jako Peranchis, Guruh! Heheh, tau di ansing enggau aku ila .. aku diatu mina nemu seleka dua ... haha.

    ReplyDelete
  5. Wa... ok nya. Mimit mimit ulih ka jako French. Hehehe... And I am still struggling with my Iban. Wakakakka.... It's a little like French to me. But I believe with a little practise I could get the hang of it. Laban kati ka practise ditu. Nadai bisi orang Iban except for my friend Sheila who will jako Iban with me whenever we meet up. EHehehe....

    ReplyDelete
  6. Pajak ka dia meh Poison .. whenever you meet up with Sheila, speak Iban only! Heheh.

    My french lessons tergendala .. cannot focus on lessons .. too busy with other things. :-(

    ReplyDelete

Related Posts Plugin for WordPress, Blogger...