Thursday, July 13, 2006

Pengawa Ujung Minggu

Yee Haw!

Ujung minggu tu tadi kami menyanak bisi ka Nipomo/Santa Maria ngagai sida entua aku. Lemai hari kami datai kami bisi bejalai ngagai sida ipar aku. Dia kami dibai ipar aku nepan keldai iya .. heheh, maklum lah sigi enda kala nepan kuda tauka keldai ... nepan gajah kala aku! Rindu bala anak dibai nepan keldai. Ipar aku nya sigi rindu nupi kuda enggau keldai.

Yee haw, ko daddy saduai Denice!

Gamal orang baru iya nepan jelu dikumbai keldai!

~~~~~~

Party

Kebuah kebendar kami ka Nipomo iya nya ngintu hari pengada (belated birthday party) Doug. Apai indai iya bisi ngatur siti party ka iya, ngangau bala pangan enggau kaban. Manah endar ga party nya ... utai dempa umbas iya, bisi ngundang 2 iko penyanyi kena merindang bala ti bisi datai.

Sekeda pangan Doug ti dibisi datai, tujuh taun aku nadai betemu enggau sida, mina maya kami ti ngintu party kami ti baru jadi melaki bini suba kami ti bisi betemu.




~~~~~~


James Dean Memorial



Sapa kitai enda kala ninga nama James Dean? James Dean sigi pelakon lima-puluhan ti tebilang. Tu meh gamal memorial James Dean ba Cholame. Tiap kali kami ka Nipomo kami endang mansa menoa tu. James Dean mati semak ditu, kira 900 ila ari pun kayu tu. Tempat tu endang selalu bisi tourist lebih agi tourist ari menoa Jepun.

~~~~~~

Dreba Palau

Kami selalu ngetu ba siti tempat dikumbai Avenal leboh kami ka serta pulai ari Nipomo. Leboh kami ninggal Avenal dia Doug meda sebuah kereta laju nitih kami ari belakang, dreba ba tengah jalai. Udah nya iya alu overtake kami nye ka ngindas kami da. Apu, sigi mabuk dreba nya ... ma ba tengah ma ba tisi jalai, dreba enggau naka pengelaju iya.

Doug alu ngasoh aku manggil 911. Aku nadai kala pen manggil 911 (nadai kebuah ga ngelama tu!) tang meda dreba nya mai kereta iya enggau naka pengelaju, mai kereta kidu kidu belah jalai, enggai ga kami meda orang bukai bebadi laban iya.

Engka bisi lebih 20 batu udah nya baru kami bisi meda kereta orang mabuk nya ba tisi jalai, ditan polis. Tempik jari kami duai Doug meda iya ditan polis. Enti enda amat bisi bebadi orang laban iya.


7 comments:

  1. Bah....tau nyadi Rodeo Rider enda lama agi :)dah nya baru ke Texas nemuai ngagai Cowgurl Mag... :)

    ReplyDelete
  2. udah tauk nyadi cowgirl meh tu munyi ko Desmond.

    kira penuh ga masa ujung minggu laban utai bakatu ne.

    bah ukai nadai limit ka speed ba highway dia????

    ReplyDelete
  3. Gamal ti tau nyadi Rodeo Rider, haha! Nepan keldai nya pen di-iring ipar aku... takut kena buai ari penuduk!

    Normal speed limit ba highway is 65 mph but orang selalu mai laju ari nya, datai ka 100 mph. Tang enti meda polis lubah lah orang ... drunk driving sigi pantang orang meda, mesti 911 di kangau. Mayoh orang mati ba jalai laban drunk driving.

    ReplyDelete
  4. kah kah kah .. nepan kuda .. nti bala kami ditu nyebut 'nepan kuda' udah corrupted meaning ..

    ingt aku suba first time nepan kuda, wah .. geli bluweks .. asai ka labuh jantung

    ReplyDelete
  5. aisey, atie, nepan kuda kita nya lain macam .. hehehe!!

    Aku actually takut meda kuda .. enggai semak, enggai ka kena tendang tauka kena gigit .. such huge teeth! Enti udah ditepan takut kena buai ari penuduk .. enggai patah tulang eh. Ipar aku nya udah labuh tinggang kuda, patah lengan .. sampai diatu, lengan iya enda straight!

    ReplyDelete
  6. nepan kuda manah ka pinggul,perut & pah....kami ditu nadai kuda...ka meli iGallop nadai ga duit..kehkeh.

    mentas amat bangsa ribai neh, udah tuai pan agi ngaga party ke anak sida...Enda ingat kemaya last nyambut birthday aku...nadai bisi orang ingat pan.... :(

    ReplyDelete
  7. Orang sepiak kami ditu bisi meh nupi kuda .. aku apin kala nepan kuda! Heheh, mina keldai nya, ukai gajah kala ga aku ba Cambodia, heheh.

    Sida entua aku taja udah 70 taun umur, agi cergas, selalu raun sebelah Europe .. bisi medua kali setaun. Sida ga orang ke bisi, ulih lah sponsor party ka anak!

    ReplyDelete

Related Posts Plugin for WordPress, Blogger...