Tuesday, September 26, 2006

Kisah Malang Mag

Enti kita bisi macha blog Mag, tentu kita nemu sida sebilik udah pindah ari Texas ka Utah. Pagi tu tadi aku bisi chat enggau Mag, alu dia iya bisi madah ka perengka sida ti dibai dalam truck (rented moving truck) abis kena churi orang ... enggau truck nya sekali!

Sinu amat aku ninga Mag becherita pasal nasit sida sebilik. Pagila sida pindah ngagai rumah sewa ari hotel, tang nya meh perengka ti dibai ari Texas nadai agi kena ngemenoh ka rumah. Sida pinggai mangkuk, periok pen lengis. Enda iboh sebut sida kerusi mija. Endang lengis, nunda ka jako Mag.

Truck ti dichuri ditemu polis ba siti tempat- endang ditinggal sida penchuri ba siti tempat. Tang nya meh nadai utai agi, kosong. Nasit endar ga kereta ti ditarit belakang truck enda ulih dibai pencuri laban bateri kereta nya mati. Enti bateri nya idup tentu kereta nya pen lengis.

Amat sinu ngenang nasit sida Mag. Tang bisi endar ga ati bala ti gawa enggau Larry (laki Mag) tetarit ninga cherita sida, alu bisi meri sida gift cards. Bisi ga utai ulih dibeli ngena gift cards ti diterima ari pangan ti kerja enggau Larry. Lempong ga mimit penusah sida sebilik laban tulong orang.

Kita tau macha cherita pasal kisah malang sida Mag ditu tauka meda video berita ditu. Endang pansut ba TV enggau radio meh cherita perengka sida Mag ti kena churi.

7 comments:

  1. owhh kasih endar sida neh..naka meh penusah ati..wat a bad day!! *hugs*

    ReplyDelete
  2. sinu ninga... :(
    pencuri..endang sigi ngiga ulih.
    hmmm...

    ReplyDelete
  3. Anonymous2:47 AM

    apu, kasih amai meh sida ia sebilik, enti nyema ulih nulung ka aku nulung, tang bakani ka nulung. engka tau announces dalam internet kini....

    ReplyDelete
  4. Apooo kasih amai meh tudah bala sida endu Mag neh..Nama nya ngena rental(U-Haul tauka Ryder)!? Bisi insured utai sida iya endu Puteri?
    Arap ka sida menyanak mujur meh.

    ReplyDelete
  5. Nya lah, amat kasih endar ..

    Utai sida dibai ngena Budget truck, lalu nadai di insured. Ko Larry, meda nya in transit, enda tepikir ka tau nyau baka nya .. truck dichuri ba hotel parking lot.

    Mungkal meh sida iya, ka pen enda, utai nyau abis lengis. Naka iya perengka sida sebilik, abis nyau magang, datai ka gari. Mina gari ba tubuh aja agi tinggal ... amat terok endar.

    Enda meh aku nemu chara tau nulong, tang meri gift cards, nya one of the ideas enti diau ba US ditu .. baka gift cards ari Walmart, Target, Sears, kini, tau alai sida bebeli ka gari, furniture, utensils, washer dryer ...

    Ko Mag saduai Larry, forget about the loss, and just move on. Amat, enti bekenang ka utai ka nyau amat ngasoh diri pedis ati aja.

    ReplyDelete
  6. Hey guys, thks for your support. We have to be strong especially for our kids. nadai ko enggau meh, minta Petara meri pengerai, pengering to move on.
    God Bless those ppl who took our stuffs

    ReplyDelete
  7. uji gigak enggau manang kitai ditu..pelaba ka aku bisi tetemu ka barang ke lenyau nyak...hehehe!!
    bak din nadai urang psikik ke nemu begiga barang ti lenyau ka??

    ReplyDelete

Related Posts Plugin for WordPress, Blogger...