Monday, September 25, 2006

Promo

Sahari tu aku ka promote dua iti blog . Keterubah iya blog Entayang. Entayang endang ukai orang baru iya betulis ka blog tang baru diatu numboh blog ngena jako Iban.

Aku endang sigi ngelala Entayang ari iya agi mit suba. Tang aku lama udah enda meda iya laban sida sebilik pindah ka Kuching, tambah mega aku mindah kin kitu. Tekenyit aku meda gamal iya diatu ... udah besai serta dara endar! Heheh, nyau ka belaki da pen!

Au ah, belaki ka orang bansa ribai ari Australia meh Entayang taun baru tu ila. Manah endar awak ka darah kitai Iban bisi bechampur enggau bansa orang bukai. Ila kitai meda, tinggi besai bala anak Iban! Heheh.

Abas meh blog Entayang ngambi ka bela nemu pendiau kitai Iban ba menoa Australia.

Blog kedua iya nya dikumbai Mr Manager. Aku endang lama udah bekelala enggau Vernon a.k.a. Mr Manager. Tang nya meh laban sida sebilik pindah ka Kuching udah bekau apai iya pencen ari Shell ba Lutong suba, nya kebuah lama enda betemu. Ngelama tu aku endang nemu iya bisi account ba Myspace tang laban aku ti nadai account Myspace, enda ulih ninggal komen dia.

Pagi tu tadi aku nitih link Mr Manager ba blog Entayang, nya ti ngasoh rindu endar asai ati laban bisi ulih ninggal ka pesan ba chatbox Mr Manager alu bisi nerima balas ari iya. Gaga amat ati laban amat lama endar kami ti nadai betemu.

Kelia maya agi di Miri din, kami endang sama bisi enggau orang belagu ba choir St Columba's church enggau Good Shepherd Church di Lutong. Tambah mega, maya Christmas kami bisi enggau Christian ari church bukai belagu maya Christmas Festival. Nya Vernon nanya aku enti aku agi ingat belagu ngena part alto. Heheh, agi ingat alto part sekeda christmas carol aja.

Vernon sigi landik endar pasal muzik .. bemain ka piano, organ enggau cello. Tambah mega nemu conduct choir enggau pemain muzik. Bisi sekali iya datai ka rumah aku ba Lutong din, konon ka meri aku voice training. Heheh, nadai ulih diajar laban ti lekik lekik ketawa! Haha, kada Vernon ingat ka nya?!

Enti kita ka nemu pasal pendiau selebriti Malaysia anang enda ngabas blog Mr Manager. Vernon bekelala endar bala sida selebriti Malaysia. Engka kita enda nemu, Vernon meh manager penyanyi tebilang Ning Baizura.

Oooiii, kitai mina meda ba tv tauka macha ba news pasal persanding Siti, tang Vernon endang bisi kena undang! Peda gambar ba blog iya!

Vernon, it's great to meet you again! Entayang, pajak ka dia betulis ka blog ngena jako Iban!

8 comments:

  1. Hi hi hi hehehe wahhh bc org promo ke kami duai vernon neh..thanks Doris..enti nuan enda nulung..enda bekelip bungai aku..here i come!!!

    ReplyDelete
  2. Wah..."Entayang"...
    manah amat munyi nama...
    bisi iya ngabas blog aku...tq wai.

    "Mr. manager"
    selalu aku ngabas blog tok tang meh enda perasan iya nya orang Iban. Blog tok endang glamour. Aku nemu blog tok ari sultanmuzaffar.

    ReplyDelete
  3. That's the least I can do, Entayang! Sigi ka ngemansang ka jako Iban ba dunya siber.

    Pama nuan Encha, bisi nitih perkembangan selebriti Malaysia! Heheh, rindu ati bisi betemu baru enggau Vernon. Amat lama kami nadai udah betemu.

    ReplyDelete
  4. Doris! You still remember that time we had singing lessons in Lutong! Funny!

    Thanks for the promo. It's good you clarified my race! It's stated clearly in my profile that I'm Iban but Malays think I'm Chinese, and Chinese think I'm Malay, and Ibans have no idea that I'm Iban!

    ReplyDelete
  5. Haha, Vernon that was funny, that so called singing lessons! Nadai endar nyawa dianjong ni nya ka nyadi!

    I'm not surprised that those in Semananjung are confused about what race you are. As for the Ibans who have no idea that you are Iban, ahh, nya lah selalu agi bejako Iban! Enti aku betemu enggau indai nuan, endang dibai aku bejako Iban iya .. I remember how she likes to speak Iban with me too.

    ReplyDelete
  6. Anonymous2:49 AM

    good blog! selalu ga aku hinggap ba blog dua iti nya semina ke enda ninggal ke comments laban enda nemu nama utai ka dicomments

    ReplyDelete
  7. wombat11:56 PM

    rindu ati maca blog dalam basa iban..

    selamat berkenalan

    ReplyDelete
  8. Selamat bekenalan Wombat. Suah ka agi meh ngabas blog aku tu!

    Sigi amat rindu betulis ka blog dalam jako Iban. Nadai entu orang enggau aku bejako Iban ditu, so kena muai ka pengelengau, nya meh betulis ka blog ngena jako Iban.

    ReplyDelete

Related Posts Plugin for WordPress, Blogger...