Thursday, October 26, 2006

Cherita Ari Miri

Balat ga pengangat hari ditu! Heheh, lama udah enda nyepi pengangat ba menoa asal eh. Enti nadai air-con tak merinsa endar tindok malam.

Tudah anak endang basah pala laban peluh. Malam tindok enda bepua taja bisi air-con ba bilik. Aku bebungkur lah tindok dalam bilik air-con. Kena sakit batuk enggau chelap angat aku berapa hari udah datai ba Miri. Tang diatu tau dikumbai udah gerai sakit batuk. Mina batuk mimit aja tang nyawa agi raguk.

Doug mina seminggu aja di Miri. Enda sempat iya ngena jamban duduk ti digaga ba bilik mandi baroh kami ditu. Itu orang putih tidak pandai pangsai pakai jamban Iban, ko apai aku madah ka cina ti ngadu jamban nya! Heheh. Jamban duduk ba sadau agi tau dikena tang nya meh, nyau kiroh niki tiap kali ka ngena jamban. Hari Doug datai ba California din, jamban pen tembu digaga ditu.

Aku alu ngasoh cina ti ngaga jamban nya ngechat dapur enggau bilik tindok ti alai kami menyanak. Dinding bilik tindok nya nadai temu gamal agi bekau menyadi aku enggau sida menyanak diau dia suba. Tiap kali kami datai, besebut ka ngechat dinding tang selalu enda sempat, tang sekali tu hari kedua kami datai aku alu ngiga orang ngadu samoa utai ti patut diadu.

Aku bisi meli katil beringkat ka bala anak. Tang nya meh, laban katil nya tinggi nyau datai jari Duncan kipas angin ba ceiling! Enggai enda nukar ga kipas angin nya. Ni alah pala Duncan kena kipas angin! Udah ga Duncan endang sigi rindu bejelangkit ka utai! Doug meh tukang tukar kipas angin.

Sahari tu aku kiroh niki bank, tiga bengkah bank. Nutup account, nginsil standing instruction etc. Tusah endar ga bisi bank account ditu, laban enti enda dikena nyau nyadi inactive. Manah agi tutup, enda agi kiroh.

Naka tu aja dulu. Ila nyambung baru cherita.

7 comments:

  1. Selamat datai ngagai kita menyanak Puteri. Ooh...kasih tudah nuan kena sakit batuk datai ditu. Engka nya kebuah aku lalu enda tepeda ke nuan pansut suah, naka sarinya suba leboh nuan besiul ngagai aku! Hai Langgai! Lawa kami duai Puteri deh... besiul nama nyapa pangan. Au, endang amat munyi jako nuan ke pasal maioh endar pengawa dikerja nama datai ba menua diri. Taja pia, arap ke nuan udah nginsur gerai lalu mujur dalam semua pengawa. Ila tua becerita, nganti betemu...senyum....

    ReplyDelete
  2. Endu, pia meh..nyaga diri manah manah keh! Sigi ga angat ehhh! Bala kami tu suba nyau beteganjang ahhh hehehehe..enda lah..bisi chap krukudail ahh. Hahahhaa ketuchum aku ninga nama jamban ahhh..bala aku pan bakanya meh!! Nyau kelama lapa enda nemu neh! Runggi runggi aja macha newspaper ahh..Bah..nama berita ari Miri deh? Pia meh..anang enda merindang diri bisi dimenua.

    Mupuk aku..

    ReplyDelete
  3. Amat LF, alu nadai dah betemu, becherita sekumbang hari nya! Heheh, besiul meh tuo ma nyapa pangan diri!

    GT, heheh, thank goodness for tanjut chap krukudail!! Ni alah bala sida aki meda kitai ganjang!

    Kemaya kita menyanak pulai ka menoa? Kapa enda sampal eh! Ukai nya suah. Kami menyanak baru iya ninting taun bisi pulai.

    Berita ba Miri ditu sigi manah selalu, mina iya kasih ka bala anak ma nyabak madah diri ka pulai ... me home, mama, ko Duncan. Daddy work, ma ditanya dini alai daddy saduai. Heheh.

    ReplyDelete
  4. Anonymous8:48 PM

    Akai dai endu..enti nitihka pinta sigi pulai tiap taun meh tang enggai nyadi amai perugerim tu..siku chuti siku enda..sekula semina nganti summer..tejanggul belama. Tu ka kediri kin Christmas tu..anak lelaki ti tuai ka enggau..nyuruh nganti iya bisi chuti..kasih ga ninga. Seminggu dua ukai ulih utai enti bisi tuju kitai nemuai. Kasih bala nembiak neh..bala aku suba enda laban rindang begagaika manuk sabung ti lepas! Rindu mandi sungai..nyau getar getar mulut sida iya chelap enggai meh pulai..gila berendam bala aku..nyau besewa ka jet ski ba Damai jamah bala aku..indai sida lebih agi deh..apoooo ya..besagamka ikan tuman sebelah tisi parit tengahari raya..akai daii...enggi aku ti tuai(lelaki) nya akai dai..nyau nanya berapa umur ulih masuk kelab malam! Mati kitai..nyau bebaika kaban bukai meh iya siku nya..nyau betesau nanya kaban sapa deka enggau!!! Baru setaun jagung udah hmmmmm begaru pala aku deh endu.

    Mupuk dulu..ahhhh Daylight Saving Time betukar malam tu...Fall backward sejam ahhh....

    ReplyDelete
  5. Heheh, GT, pama endar bala nuan nya! Nyau besagam ka ikan ba tisi parit din! Haha. Ni ka ti ka niki kelab malam agi! Apooo!

    Nya lah tusah ma bala anak udah besekula ila. Diatu agi ulih dibai barang maya tang ma udah start sekula ila enda ulih agi, mina maya summer meh ulih mindah.

    Bisi ga munyi ti ka diau ba menoa kedung bala anak agi mit meh .. meda baka ila!

    ReplyDelete
  6. Eee bes mai dah menjejak kaki di Miri resort hehe..jampat2 gerai..

    ReplyDelete
  7. Apu Puteri lama nadai macha blog nuan. dah di miri nuan menyanak neh. manah meh nya. aku aku kerja diatu minggu terakhir skula minggu depan. sibuk enggau persiapan and nganti visa aku. takut endar enti enda bulih. dahlah aku enda ulih post utai ba blog lama udah. ah kitu neh nuan ke sibu diau ba aku lantang ditu aku kediri ba rumah, madah aja maia nuan avaiable tauke bisi mansa menua.auk arap nuan gerai enggau bala anak-anak.

    ReplyDelete

Related Posts Plugin for WordPress, Blogger...