Monday, October 02, 2006

Udah Bekemas!

Kami menyanak angkat lemai pagila. Kami ngena kereta ka San Francisco, udah nya kereta ditinggal ba hotel. Hotel nya endang bisi nyendia bas kena mai bala ka padang bilun. Maya Doug pulai nganjong kami ila baru iya bemalam ba hotel nya, enti enda bakanya enda ulih ninggal kereta ba hotel parking lot. Manah ga baka nya laban iya murah agi ari ka mayar parking ba parking lot ba padang bilun San Francisco.

Ati sigi rindu ngenang diri ka pulai tang leboh ngenang bala anak ti lelak nganti ti ka angkat nepan bilun, amat lembau endar. Tetap bekerauh bala anak laban lelak, ngiga tusu .... akai endang stress aku! Bilun kami angkat pukul 1.30 pagi kena 4 October.

Kami ngena Cathay Pacific lalu betukar bilun ba Hong Kong. Ba Hong Kong, nganti empat jam sebedau bilun kami angkat ka Kuala Lumpur. Taja lama nganti ba Hong Kong, jam kami datai ba KLIA baka ti ngena MAS. Kami diadang datai pukul 12.30 tengah hari kena 5 October.

Ba KL kami bemalam dua malam ba hotel sebedau kami pindah ka rumah pangan aku. Pangan aku enda ulih ditepat sebedau nya laban ipar iya agi dia, mina pulai ka Miri kena hari enam nya.

Rindu endar asai ati ngenang ka sida pemakai ti bisi maya bulan puasa tu! Heheh, peda aku hotel endor kami diau bisi Buffet Buka Puasa. Mali enda makai dia, eh, enggai ka puni! Hahaha.

Nganti udah di Malaysia ila, baru bisi hari nulis entry baru ba blog tu! Anti perkembangan terkini ari Malaysia! Heheh.

4 comments:

  1. Pleasant Journey!!Hope to see u in Miri ;)

    ReplyDelete
  2. Arap pejalai kita menyanak pulai ke Malaysia lantang serta selamat.

    Ila betemu! he..he..he..

    ReplyDelete
  3. Anonymous5:12 AM

    Have a great trip home endu..aku engka one month next year tu..bala ka enggau magang!

    ReplyDelete
  4. Wah!! Jeles lah aku. Hope you and kids have a safe journey. JErebu maya tu wai.

    ReplyDelete

Related Posts Plugin for WordPress, Blogger...