Friday, November 17, 2006

Cherita Bulan Sebelas

Apu bulan tu alu bedau bisi entry baru! Heheh.

Nadai entu bisi cherita nya lah nadai bisi nulis post baru. Tambah mega bala anak endang enggai jauh ari aku. Kini kini aku mindah dalam rumah, ditith saduai ... datai ka tama enggau aku ka dalam bilik mandi!

Ujong bulan nyin tadi bisi ga aku enggau orang ari Good Shepherd Church, Lutong, ngerami ka gereja nya genap 7 taun nyadi parish sereta ngerami ka Bishop Made Katib ti ka pincin. Rindu endar aku meda pemansang gereja Good Shepherd. Mayoh endar main sida anembiak enggau sida besai tuai kena merindang bala ti bisi datai pengerami malam nya.

~~~~

Maya aku di KL kutai aku bisi meli marik. Tang nya lah tusah endar nusok marik laban bala anak ka endar ngachau. Nadai ulih dudok manah aku, saduai alu ka enggau bejengkau ka marik! Nadai mayoh utai digaga aku. Tang rindu endar ga meda utai ti ulih digaga. Aku bisi tetemu ka marik dikumbai melon quartz. Rindu endar meda tenggak ti udah tembu digaga ngena batu nya.

~~~~

Aku bisi mega mai pattern baju enggau kain ari California. Aku minta tulong pangan aku siko ti landik bejait. Baju siti digaga aku tak enda manah gamal maya dikena. Ko kawan aku nya, jait ba senentang perut enggau punggung kelalu sendat nya lah enda manah dipeda ari belakang! Heheh. Indai aku bisi injin jait lama tang aku enda rindu ngena nya. Bekareh aku meli injin jait Singer bansa ka mit ti ulih dibai mindah kin kitu.


~~~~

Siti aja utai enda ngelantang ati aku sekali tu. Apai aku enda entu pengerai. Kasih aku meda iya. Ujong taun dulu iya bisi kena tan ba spital laban penyakit kencing manis. Udah bekau nya pengerai enda baka sebedau nya. Diatu iya enda ulih bejelai jauh, kaki enda entu ulih nyingkang jauh. Iya madah ka diri selalu pedis pala. Ko iya, sigi baka injin nyau udah enda manah agi. Majak jai, ko iya.

~~~~

Duncan nemu lelengau ka rumah kami di California din. Ma iya enda lantang ati, iya selalu nyebut ka pulai. Kadang kadang iya nemu ngiga daddy iya. Madah ka diri ka pulai enggau daddy. Kasih tudah. Denice nadai kala besebut ka utai baka nya. Mina iya selalu mansut ka pemingking iya! Stress endar ma ninga anak nyabak sereta ngingkak minta utai!

~~~~~

Bisi kita macha pasal orang ka begau pasal cherita bansa kaban kitai ti masuk kristian? Heheh. Aku enda ketinggalan nitih cherita baka nya. Bisi mega enggau orang ngeroh ai ba blog sekeda bansa orang nya ti bejai ka bansa diri ti masuk kristian. Bejai ka pengarap dipegai kitai tu meh sida dia.

Aku bisi meda video kesaksian siko lelaki bansa M ti udah nyadi kristian. Lelaki tu bekunsi ka kesaksian (testimony) iya ba siti gereja ba Kuching. Enda aku nemu gereja ni nya tang mayoh bala Iban ba gereja nya. Rindu endar aku ninga kesaksian iya. Bisi endar meri peransang ngagai kitai ti lama udah megai pengarap kristian.

~~~~~~

Pun bulan baru tu ila aku ka ke KL. Siko pangan lama aku enggau aku kin ila. Kami duai alu bemalam ba pangan kami ba KL din, pangan ti alai kami menyanak selalu sangkai ma ka KL. I need some R & R! Without the kids! Heheh. Mujor endar laban Doug mereti sereta setuju ka pengawa aku tu.

Naka tu aja sekali tu.

6 comments:

  1. ni gaya miri deh??bendar shopping di KL??Kemaya kitak menyanak pulai dehh

    ReplyDelete
  2. Miri biasa aja. Bisi keluar a few times, makai. Anak enda ulih dibai selalu!

    Ba KL kutai nadai entu shopping laban anak jet lag, enda ulih dibai keluar lama. So December tu ila baru aku shopping! heheh.

    We leave for California on Jan 10. Doug arriving on Jan 4.

    ReplyDelete
  3. ok..enti sempat betemu ba Miri kitai ila ok..

    ReplyDelete
  4. Pama meh bisi ga brita di tusoi nuan sekumbang ke datai di Miri. Aku munyi ko nuan nya meh, bangat kelalu kiroh, kicoh ke bala uchu aku. Enda tentu tau engkebut, kia aku kia ga seduai iya, enggai tentu tinggal.Sekumbang nuan ke udah datai, lalu bedau becerita panjai tua neh? Laban tua ke jarang ayan serta pansut sama maia, nya meh kebuah enda betemu. Sinu amat! Taja pia, arap ke kita menyanak rindu-rindu maia keditu.

    ReplyDelete
  5. hai Doris, sori aku lama enda nyenyuk kitu, blog aku empu lama enda dijenguk mega. Im leaving UT Dec 19th, will be in Kch on the 21st. I cant wait betemu enggau family. LEngau endar ga ka makai tubu, daun ubi enggau macam2 agi.

    ReplyDelete
  6. Rindu ga ninga berita kita menyanak nujur pemisi di menua kaban..

    ReplyDelete

Related Posts Plugin for WordPress, Blogger...