Sunday, January 14, 2007

Chelap Bulu!

Selalu iya maya winter kami ba California ditu nadai entu chelap laban kami nadai ampit enggau orang besnow. Mina ba bukit din aja bisi snow. Tang taun tu, kami bisi "Big Freeze". Empat malam beturut turut temperature kami ditu a few degrees below freezing.

Big Freeze tu lebih agi affect sida ti nanam citrus .. bala sida buah orange rosak laban kelalu balat chelap. Ko kawan aku tadi, iya bisi meda icicles dripping from citrus trees! Ai dalam dulang alai ansa kami ngirup meku nyadi ais! Heheh, enda ulih ngirup sida semadi ais nya lela dalam panas.

Aku enda tan pansut maya hari chelap lebih agi enti bisi angin. Duncan kena renga enggau angat tubuh laban tiga hari iya bisi bemain ba luar dalam chelap. Engka mega sudden change in weather. Denice nadai apa nama mina eczema (penyakit kulit gatal) iya bisi pansut sebelah lengan enggau kaki.

Pagi tadi maya kami nurun sembiang beguai tama ka kereta laban kelalu chelap. Pulai ari gereja baka nya mega! Heheh. Kitai baru pulai ari menoa angat kati enda tekakah laban hari chelap!?

4 comments:

  1. Kasih nuan, maia ba Miri, hari balat angat, maia pulai ke California, hari chelap.

    Diatu ba Miri, musim hujan. Siang hari nadai ujan tapi malam hari balat endar ujan.

    Brita bisi madah ngasoh penduduk ti diau sebelah Miri, Betong, Kuching n Sri Aman, bejaga, irau enggai ke banjir.

    Kami sebilik irau amai, tiap tahun mesti kena banjir ba Good Shepherd.

    Semina 2 tahun tu udah ti ditiki tinggi rumah endor paderi diau, pama ga nadai ai masuk ngagai bilik, tapi bilik dapur sigi penuh ulih ai.

    A few years back, seluruh rumah ditiki ai, kala kami menyanak pindah tengah malam ngagai conference room laban rumah kena banjir.

    Bekau banjir, nibuh dikira agi, sigi ngambi 3-4 hari mersi ke rumah.

    Tahun 2002 kami menyanak pindah ngagai conference room udah mid night service, orang begaut ka pulai ke rumah udah sambiang, kami begau ngelari ke diri mai barang masuk conference room.

    ReplyDelete
  2. Amat celap menoa tu diatu...Utah celap agi ari California..taja mata panas terik tang very deceiveing....tengahari pan below freezing. Enda nemu kati bala anak aku tan amat bemain snow maya tu. Rindu endar ga sida sleighing and snowboarding. Aku sekumbang datai ditu bendar makai belacan ti dibai aku, diatu ezcema aku pansut mega, sebaka kami duai Denise. Anyway, keep warm and enjoy the winter

    ReplyDelete
  3. Lee Ching, agi tiki ai rumah kita diatu? Kasih endar kita tepaksa pindah ma ai niki.

    Heheh, Mag, sigi chelap agi kita dia ari kami! Sahari tu udah pama mimit hari .. ulih bediri ba luar mina ngena sweat shirt.

    Amat deceiving endar gamal hari ... meda nya panas terit asai ka enda chelap neh!! Tau kena sunburnt bala orang skiing maya ari panas baka nya. Boleh tahan endar anak nuan, tan ngelaban chelap ... sigi baka anembiak, more resilient ari kitai besai tuai tu.

    ReplyDelete
  4. Nasib nadai taun tu, laban nadai hujan maia ai pasang.

    Malam kelmari, aku bisi meda brita ngasoh penduduk ti diau ba Timur n Selatan Tawau bejaga laban bisi alarm madah ke menoa nya deka ditempuh Tsunami.

    Di Sulawesi bisi tanah berenyang.

    Kami ba Miri ditu, 2 hari beturut hujan lebat. Baka pagi tu tadi, bala anak lalun nurun skula. Jalai ba Post office Lutong, ambuh ai, nya ti ngejong ke traffic jam.

    ReplyDelete

Related Posts Plugin for WordPress, Blogger...