Friday, March 16, 2007

Beterima Kasih Endar

Aku arap bala kita ti bedau belaki tauka bebini, kita tulih ka entua ngemanah enggi aku!

Tu meh gamal van diberi sida entua aku ka kami. Peda pemesai van nya! Lantang endar ma mindah ngena van tu. Bala anembiak ulih rindang laban bisi TV enggau video player dalam van tu.

Sida entua aku nadai entu ngena van tu agi nya lah sida meri nya ka kami. Saduai mina dua iko aja tang enti ngira moto ba rumah saduai baka ka rami orang diau ba rumah nya. Diatu agi meh saduai bisi empat buah moto. Van tu kedua iya moto diberi saduai ka kami. Dulu agi ari tu, van mit agi ari tu diberi saduai ka Doug. Nya meh dikena Doug nurun kerja ninting hari.

Diatu nyau rumah kami ti baka workshop! Moto lama ti enda bejalai agi dah empat buah! Heheh. Agi tau dikena, mina enda pass smog emission test ..

Nyengkaum van ti baru diterima kami nya, err, empat buah meh moto kami diatu. Motorsikal (big bike) bisi sebuah .. utai diberi pangan kami ka Doug.

Lemai kemari entua aku bisi telipon ka aku. Iya madah service hand phone aku deka diputong sementara. Kebuah iya? Iya nganti handphone aku enggau model ka baru! Ah, nya meh gamal phone baru aku .. Motorazr V3XX. Hari enam tu lagi baru aku nerima handphone tu, maya kami betemu ngambi Denice. Handphone aku ti kena aku diatu endang diberi iya mega. Kebendar iya kami tu bisi enggau orang behandphone laban entua aku ti nyangkong kami dalam family plan phone service iya. Kami tu mina ngena aja, nadai ngeluar duit sesen.

Maya kami menyanak pulai ka Malaysia taun dulu, endang bisi tulung entua aku. Enti kitai ngira, bala anak ti selalu agi meri apai indai duit. Enggi kami ditu, apai indai nulung anak! Makai gaji ga Doug nya. Eh, anang nulak rezeki! Beterima kasih aja laban nya berkat Tuhan enti kitai sebilik ka nulong kitai! Enti sida entua aku datai nemuai endang asai ka Santa Claus bisi datai. Ni lah gari, ni lah ayam ka bala anak. Nya lah bala anak rindu endar ma aki ini saduai datai.

Nah, arap ka bala kita betuah baka aku maya belaki bebini! :-)


Bookmark and Share

Dikarang Puteri kena 3/16/2007 10:30:00 AM

8 iti jako balas:

  1. puteri..bestnya...untung amat nuan bulih entua mentas bakanya....ba menua kitai ditu(enda nemu org lain) nyampau bisi bakanya...bejai menantu bisi meh...betuah mai nuan neh...hope so..
    ReplyDelete
  2. Wah? Aku ka sebuah. hehe. Pama mai neh. :p
    ReplyDelete
  3. puteri

    semua nyak berkat ari Tuhan magang.arap ka kita sebilik terus mujur selalu!

    amat nyak, arap ka bala ka belaki bebini ila mujur magang.

    lo
    ReplyDelete
  4. Amat munyi ko nuan Dara. Arap ka nuan dudi ila bulih entua ngemanah enggi aku! :-)

    Amat berkat Tuhan, Lo. Besampi ka saduai entua aku diberkat Tuhan enggau umur panjai.

    Chee Kui, enti ka moto lama aku tau ga ... heheh, help me clear my backyard! Honda Accord bisi meh dia, tang model lama lah! Heheh. VW model lama bisi meh dia!! Nya enggai aku meri .. agi tau bejalai, mina ka do a bit of body work aja.
    ReplyDelete
  5. Puji Tuhan laban udah merkat kita menyanak enggau pengelantang lalu besampi meh kitai arap ke Tuhan semampai ngibun pengidup kitai siko2.
    ReplyDelete
  6. puji Tuhan!!!!! nyau aku ke ka nyabak maca sharing nn nya amat benasib meh nuan puteri engi aku opposite cerita nuan nya pan agii jai laban ka enda merii beribu2 tiap bulan
    ReplyDelete
  7. This comment has been removed by the author.
    ReplyDelete
  8. Apu, balat endar nya ka! Kasih endar kita .. diberi pen agi enda beterima kasih. :-(
    ReplyDelete

Subscribe to: Post Comments (Atom)