Thursday, May 10, 2007

Anang Enda Ampit

Kemaya bala kita meda siri TV ari Korea dikumbai Winter Sonata? Aku baru diatu ka meda cherita tu! Aku bisi meli DVD siri tu ari Amazon.com .. kira iya DVD terpakai meh nya laban enti meli baru kelalu mar! DVD tu udah datai tang aku alu bedau bisi hari bepeda ka cherita tu. Aku bisi meda mimit ba YouTube, nya ti ngasoh aku alu ngorder DVD nya! Manah cherita nya ko ati aku. Heheh.

~~~~

Lama endar udah aku nadai begiga ka lagu Iban ba YouTube. Nya meh hari kutai aku tepeda ka mayoh endar lagu Iban udah diupload bala ka YouTube. Iya ka manah dinga aku didownload aku. Ahhhh .. nya lah aku tetemu ka website siti alai kitai tau download video ari YouTube alu tau diupload ka iPod! Oiii, best amat.

Aku bisi mega download lagu gawai ari YouTube ... akai dai, sinu ati ngenang bala menyadi enggau apai indai maya hari gawai tu. Sinu endar ngenang nadai bala Iban bukai enggau begulai ditu. Iya ka ditemu aku, jauh endar ga alai sida diau. Ukai nya baka ti nepan bas tauka express alu datai din!

~~~~

Sapa bisi meda Spiderman 3? Tentu bisi dijual sebelah pasar DVD ciplak! Wayang ka penudi endar dipeda aku ba panggong iya nya Superman Returns. Nya meh, tusah ka nganjong diri meda wayang ... enggai enda ngiga orang ngibun bala anak dulu baru ulih mindah enda bebai ka anak. Cherita Dreamgirls? Aku baru udah meda cherita tu ba DVD, laban ti baru pansut ba DVD. Nya meh, enggai enda nganti iya pansut ba DVD baru ulih meda.

~~~~

Hari minggu tu ila, Mother's Day. Doug ka mai aku dating malam hari enam tang enda tegiga ka baby sitter. Iya ka selalu baby sit anak aku sakit, ditan ba spital. Kasih tudah. Enda aku nemu nama penyakit iya. Duncan saduai Denice sigi rindu begulai enggau iya laban iya siru enggau saduai.

~~~~

Entua aku baru pulai melancong ka menoa China. Bisi bemalam enggau kami semalam sebedau saduai pulai ka rumah sida di Nipomo. Lelak saduai, agi jet lag. Kasih tudah Duncan dani tumu pagi tadi ngangau "Papa? Papa?" Nadai orang nyaut. Sida entua aku tumu angkat ari rumah kami .. aku agi tindok, tang Doug udah nurun kerja. Nyabak tudah Duncan meda aki ini iya udah pulai.

Ko Doug madah ka indai iya, ma apai iya udah enda dapat agi ila, enda ulih mindah jauh, iya ga tau enggau indai iya melancong ka menoa China! Isssshhh, ko aku. Kati aku tu tinggal?! Entua laki tu bisi pedis punggung, pejalai jingka jingka, apin lama udah beputong, tang bisi ga dianjong ka menoa China .. pegeran ati ka mindah meh nya! Enti kitai Iban alu enda mindah agi, madah ka diri enda dapat, takut parai rantau jalai!

Happy Mother's Day!



8 comments:

  1. Selamat Hari Indai nuju nuan Puteri. Bendar amat nuan nyadi "supermom". Pia mega beribun ke bala anak, pia mega begaga ke marik. Rindu amat aku meda marik ke digaga nuan nya. Bemanah gaya sida ya... landik endar nuan... Enti jemah ila nuan bisi datai ke Miri baru, anang enda mai sekeda kitu awak ke aku ulih meda..ni nemu ka meli... :) Keep up your beautiful works.

    ReplyDelete
  2. Happy Belated Mother's Day to you too, PC!

    Au, ila meh aku ngangkut jewelry aku pulai. Dinga aku endang bisi minat bala mensia diatu ... asal aja sanggup meli rega dicharge aku lah! :-)

    ReplyDelete
  3. uishh .. winter sonata ..crita korea..
    balat nyabak. sikit2 nyabak, sikit2 nyabak ..nti nda nyabak ukai crita korea nyak.

    ReplyDelete
  4. puteri happy belated mother's day to u..
    winter sonata..dah lama crita nya..aku pen ngiga cd ya tang mar endar nadai cetak rompak...aku meda ba youtube baru hehe..amai ko ati crita balat nyabak uncle aku madah crita nya crita ai mata..

    ReplyDelete
  5. Apu, balat bangkong mat aku tu ila, eh Ati enggau Dara! Aku tu sigi ka endar nyabak ma meda wayang!

    ReplyDelete
  6. puteri..crita autumn in my heart dah meda ka? uji nuan meda ba youtube bisi...anang nuabak wai...

    ReplyDelete
  7. Apoo... launndar aku ka wish nuan Happy Belated Mother's day arap ka nuan gaga lantang nyadi supermom!

    ReplyDelete
  8. HMMM... MOTHER' SDAY... kami semina check in ba Damai Beach Resort 2 malam.. coincide nggau laki ku mpu Entrepreneurship Course.

    ReplyDelete

Related Posts Plugin for WordPress, Blogger...