Monday, August 13, 2007

Picnic

Hari enam tu tadi kami menyanak bisi ka family picnic diatur company alai Doug kerja. Picnic tu endang diatur tiap taun, tang kami jarang enggau orang. Taun tu baru kedua kali kami bisi enggau. Taun dulu nadai enggau orang kami. Mina taun dulu agi ari nya.

Rami orang ba picnic laban company alai Doug kerja nya besai. Utai dempa mayoh, ai irup mayoh, beer pen bisi, ice-cream, balloons ka bala anembiak, raffles - manah manah prize iya, bemain bingo - kami duai Doug nadai bulih utai. Duncan asa asa ati ka bulih basikal.

Laban ti jarang enggau enda lah kami tingat ka mai tikai tauka pua alai dudok ba park. Orang bebai ka kerusi enggau tikai diri empu. Sekeda bebai ka tent, alai belindung. Tang park ti alai kami bepicnic nya mayoh pun kayu lalu mayoh alai belindung. Hari sahari nya manah amat .. mata hari terang tang bisi angin. Asai ka ukai summer. Kerusi meja endang bisi disedia, tang maya kami datai din udah penuh.

Udah dudok atas rumput, udah start makai sandwich baru Doug tetemu ka alai ba meja. Beguai Doug kin - kelalu balat beguai, anak pen abis nyau! Datai aku ba meja, nanya Doug, ni Denice? Kesal meh ati kami tu tadi, laban Denice selalu enda jauh nitih Daddy, tang sekali tu engka iya enda meda Daddy bilok ba row alai kami ti ka dudok, iya alu bejalai terus. Nya meh kami rauh rauh ngangau iya. Kelalu mayoh orang, nadai ulih peda anak mit bejalai kediri. Nasib Denice nemu nikal, aku alu meda iya. Kesal gamal tudah. Nyabak iya meda Daddy, ngumbai Daddy iya ninggal iya!

Raffle ticket prizes. Nadai bulih utai kami hari nya.

Bemain bingo, 10 iti cards kena main. Nadi bulih utai kami duai Doug.


Tu iya orang bebaris ngambi ai bisa .. free magang, sapa enggai?

Tu sekeda tent alai orang nyendia ai manis enggau pemakai. Mina makai burger, beef sandwiches, hot dogs .. di tunu fresh dia.

Duncan asa asai ati ngumbai kami ka "meli" ka iya basikal. Nadai nasib sahari nya. Nadai bulih utai.


5 comments:

  1. best nye berpicnic...

    ReplyDelete
  2. http://www.threadless.com/submit

    link nyak bisi nganjur competition ngadu logo...nyangka engka nuan ka berminat.

    ReplyDelete
  3. Logo? Aku enda nemu ngaga logo. Peda logo DC Quiltworks .. semadi nadai! Heheh.

    ReplyDelete
  4. Best wai berpicnic musim Summer tu... Kasih meda anak dara nuan nyak...hehehehe....Anak aku dulu hilang dalam supermarket.....hehehehe, kak semput nyawa begiga....

    ReplyDelete
  5. Amat merakemas, kesal ngumbai anak nyau, takut kena kidnap by child molesters! Udah ka ngangau 911 asai ati!

    ReplyDelete

Related Posts Plugin for WordPress, Blogger...