Sunday, August 05, 2007

Tabin

Pagi tu tadi Duncan nyabak laban aku madah kami enda ulih nurun sembiang laban iya agi tabin. "Me like going to church", ko iya enggau sabak. Ari kemari saduai Denice nanya enti hari nya hari sida nurun ka Sunday School.

Saduai enda entu pengarai sekumbang hari lima tu tadi. Batuk, insak enggau angat isi. Nadai dibai ka klinik laban ditu enti enda raya, enda iboh dibai ka klinik. Enggai enda ngaga appointment dulu baru ulih betemu enggau lutur. Mina meri ubat kena nurun ka panas enggau meri ubat sengak (bansa ka panjit ka dalam nyawa) kena ngerai ka batuk. Ubat sengak tu ngasi agi ari ubat batuk.

Arap ka lemai tu lagi saduai nadai agi angat isi alu ulih nuru sekula pagila. Enti enda pedis endar aku laban saduai. Sahari tu bisi Daddy enggau saduai bemain, bisi ga awak kena aku blogging mimit!

6 comments:

  1. Sigi balat renga maia tok sist.
    Aku seminggu lebih batuk2.
    Diatu nya rangkai rekong.
    Bibir pen kering baka ka nda ngirup ai.

    ReplyDelete
  2. Kasih bala kita ti sakit. Doug sakit kutai, lebih seminggu. Nurun kerja sahari, diau sahari bisi niga hari iya diau ... lemik tulang ko iya, nadai energy. Nyawa pen raguk!

    Kuat agi ngirup ai ma rangkai rekong.

    Lemai tu Duncan nyau bagak agi, fever pen nadai agi mina ingus aja agi.

    ReplyDelete
  3. hai :) (aku baru dah nganjung komen ba Puteri's Musings,topik "A conversation")

    kami di kuching dituk dah dua ari kemarau...enti ujan ilak,alu bendar amai gak ujan...maybe weather ngasuh kitai mala aja sakit.

    ReplyDelete
  4. Kasih endar Duncan enggau Denise..angat kitak dia Doris??

    ReplyDelete
  5. Last few days asai ka spring ditu, Debbie. Tang start warming trend weekend tu ila. This year summer ditu a lot cooler than previous years. Bala anak ka endar main ba panas at school. Nyau chelum isi saduai! Ducan baka ka ukai anak org putih!

    ReplyDelete
  6. Maia beketulah nembiak balat ndar renga. anak ku asoh ku stay ba rumah nda tau keluar, leboh maia ke sekula dibekal ku botol besai plain water; ya nang sigi nggai ai bukai, ka plain water aja. sakit pan 2 hari aja jampat gerai laban nyamai diberi makai ubat. batuk udah nadai gik, nda baka ku ke 2 minggu ti udah, batuk sampai berdarah idung. :(

    ReplyDelete

Related Posts Plugin for WordPress, Blogger...