Wednesday, September 12, 2007

Belauk ka daun ubi

Daun ubi, timun enggau serai.

Daun ubi tutuk diguring enggau ikan pusu, bawang burak, lia, enggau chabi.

Lama udah aku enda belauk ka daun ubi. Maya aku pulai ka Miri taun dulu nadai ga indai aku bisi mandok lauk daun ubi.

Nya meh naka pengaga ati aku pagi tadi leboh aku tepeda ka daun ubi! Ngelama tu aku nadai kala meda daun ubi. Engka aku nadai entu berati ka sida sayur ka bisi dia meh! Sayur kailan deh baru diatu aku ke ngelala ni bagi! Nya pen semadi kawan aku ka bisi kitu bulan empat kutai ka madah. Kailan lah nya, ko iya. Ngelama tu aku selalu mut mut, nadai sayur bukai kah, tak mina sayur tebal batang nya! Heheh, selalu aku makai kailan sigi udah dipandok ba restoran nadai lah aku nemu gamal iya ka bedau dipandok!

Hari tiga minggu tu ila nurun baru aku ka pasar. Agi belala belauk ka daun ubi. Dudi tu ila aku ka mandok manok enggau daun ubi bechampur enggau santan. Aku sigi rindu endar makai manok champur daun ubi. :*

Doug nadai kala makai daun ubi, makai lemai tu lagi baru iya nyepi. Aku endang udah belauk ka nya makai tengah hari tu tadi. Tepantup endar nyawa!

14 comments:

  1. Puteri,

    Where did you get the daun ubi? I miss that vege so much!

    -Cynthia J.

    ReplyDelete
  2. apoooooooooo bisi daun ubi menuanya pia? hehe

    ReplyDelete
  3. Jennica, baru iya meh aku tetemu ka daun ubi nya! Bala sida ka datai ari Laos nemu makai daun ubi mega, diulam baka kitai.

    Cynthia, the daun ubi is available here in the summer .. grown by Asian farmers .. want me to send you some, kah? We have a flea market here 2 days a week, Tue and Wed, and on Wed we have a produce market as well. All kinds of vege you can get here .. like the daun peria, and whatever daun that can be eaten! I don't know all of them. I also bought some kangkong today.

    ReplyDelete
  4. nya ia lauk kitai iban, ti dikusuk pan nyamai gureng baka nya maka huhhhhh nyamai

    ReplyDelete
  5. Akai..tetenguk ndar meda gambar nn nya..bc ga sayur bakanya ba menua din neh..nasib endar ga..pama meh bc kena ngemantupka nyawa..

    ReplyDelete
  6. Anonymous6:45 PM

    Baka ka tuai amat daun ubi nya Puteri.


    Empidan

    ReplyDelete
  7. Tuai meh daun ubi nya, Empidan. Iya ga naka nya aja ka bisi dijual! Tau dikenyadi ga nya, eh! Tepantup ka nyawa! Heheh.

    ReplyDelete
  8. daun jabang daun ubi daun empasak...
    rocks!

    Puteri, enti entua ku direbus ya beri serai tutok, bawang putih, gulai tulang babi.

    huhuhu kingkong lalu pun enda nampak!

    haha!

    ReplyDelete
  9. Daun jabang! Heheh, lama aku enda ngena jako nya! Jako daun empasak enda enda kala ngena. Daun singkong?

    Ka aku nguji stail pandok entua nya, Pat!

    ReplyDelete
  10. pama amat org laos nemu mengexport daun ubi ke usa, emmm nayamai amat, aku ditu tusah kak manduk daun ubi, buah ubi pun bertahun tahun enda makai, nemu kebuah sigi buruk tulang kak berapi.

    ReplyDelete
  11. Apu buruk endar nya Cuthess! Anti ila nuan udah pindah ka Canada nya baru nuan tengok amat2!! Tang enti semak menoa baka Vancuvour tauka Toronto enda tansang cina dia, nadai pedis ngiga utai dempa.

    Ubi nya endang ditanam ba California ditu. Endang ka tumbuh, mina musim chelap aja enda ulih .. tang tau disimpan batang alu tanam maya hari udah angat agi.

    ReplyDelete
  12. nya meh sigi buruk, engka agi mit suba puas makai buah ubi. ko Brett enda tusah ngiga pemakai asia ba Edmonton, enti pia lantang ati, ulih tukar tukar menu. tambah enda nemu gilak berapi, kak belajar ila sebedau kahwin.

    ReplyDelete
  13. Enti Brett ukai bansa ka milih, berapi aja stail biasa nuan. Aku nadai meh nemu berapi maya aku baru jadi ka Doug suba! Mina diatu aku ka nemu agi! Heheh. Experiment lah. Aku sigi berapi utai ka diminat aku. Laban enti ka makai western food, ukai nadai restaurant, neh! Nyamai agi pandok sida! Tang bisi ga aku belajar manggang utai, ka sida manok kulok .. Thanksgiving tu ila, manggang manok kulok baru aku. Bisi udah madah sida entua aku, datai ka rumah kami maya nya ila.

    Kemaya nuan ti ka kawin nya? Anang enda madah neh. Kitu nganjong diri honeymoon!

    ReplyDelete
  14. emm, nya meh. Bedayu ditetapkan tarikh, ah ku kin Dec ila baru nemu tarikh, tapi summer between july or august. Honeymoon, bedau difikirkan, kada ia bisi cuti panjai. Anyway thanks, maybe nganti ku dah kerja din ila baru ulih ke USA.

    ReplyDelete

Related Posts Plugin for WordPress, Blogger...