Wednesday, September 19, 2007

Chelap Bulu Nurun ka Pasar

Pagi tadi aku bisi nurun ka pasar (Galt Flea Market). Aku agi belala makai daun ubi nya kebuah nurun laban ka ngiga daun ubi! Bisi ga tetemu ka daun ubi, udah nya bisi ga meli kangkong, pisang kena ngaga chuchur, lia, enggau kachang tanah. Tengok ka makai kachang tanah rebus. Minggu dulu bisi aku meda tang nadai meli.

Aku enda lama ba pasar tadi laban chelap! Maya aku nurun nganjong anak ka sekula endang benong chelap hari tang enti mata panas udah tinggi agi enda ga chelap agi. Tang pagi tu bisi angin niup. Sangka aku enda kuat angin tang leboh aku ka bejalai ba pasar, tak majak angin nya betiup. Abis tekebu sekeda langkau alai sida ka bejual. Laban ka enda ngadang angin ngemalat nya nadai bekena ka baju chelap, mina baju t-shirt panjai lengan naka siku aja. Beguai meh aku ka shopping pagi tu tadi laban ka enda tan chelap.

Mupok meh hari ditu mansang chelap. Ba endor bukai endang udah chelap tang kami ka diau ba California lubah agi hari mupok chelap. Taja iya chelap diatu bisi maya iya angat baru ila sebedau iya betukar musim amat amat.

Kati baka hari ba menoa kita dia? Ujan? Angat? Bejerebu? :-)

11 comments:

  1. puteri..udu ujan di kuching diatu kelebih agi lemai-lemai

    ReplyDelete
  2. Ujan kita dia pia? Kawan aku ka diau ba Florida pen madah sida dia ujan. Enggi kami ditu mina mendung enggau chelap .. nadai bisi ujan. Ujung minggu tu lagi kami ka ngagai rumah entua aku .. 6 jam ngena kereta .. arap ka nadai ujan. Takut dreba jauh enti hari ujan .. selalu bisi accident.

    ReplyDelete
  3. enjoy the weekend d rumah mertua au...anang enda ingat post some pictures and the latest update ari nyin ok..ka meda menua kita dia.

    ReplyDelete
  4. Au, ingat aku mai camera aku sekali tu! Enggau card reader iya sekali awak ka ulih edit gambar sebedau post ka blog!

    ReplyDelete
  5. Puteri,

    Aberdeen didn't have summer this year. Bisi sebulan aja kami angat ditu, nya pun maya bulan 8 tu tadi and that's it. And what was the weather like? 22deg maximum and 15deg minimum. Nya meh aku nyau bejalai endor bukai ngiga mata ari.

    Diatu aku ba London and the weather was great during daytime but starts to get chilly at night.

    Drive carefully & enjoy your weekend. I hope to enjoy mine as well.

    Flo

    ReplyDelete
  6. Puteri, nyamai amat menua chelap neh, amat ko cnahtiq nya, du ujan ditu, global worming cuaca nyu berubah udu amat, ukai musim angin monsun pun tau bak ke tengkujuh, tang bangat panas siang hari lemai ujan perolakan hehe nyu munyi pembaca berita neh. Best amat nti chelap deh maioh outdoor activities ulih digaga.

    ReplyDelete
  7. Flo rugi endar kita nadai summer ka! Ni alah ngenat chelap bulu sepemanjai taun!

    Kitu ka California! Kami ditu selalu panas! Panjai summer kami ditu!

    Ni ke global warming deh? Tak chelap kita dia! heheh.

    ReplyDelete
  8. Cuthess, enti enda entu panas sigi nyamai endar ditu. Mina chelap enggau ujan aja aku enda minat tang ditu, sigi ujan maya musim chelap. Enti ba Canada din sigi snow meh, ukai ujan!

    ReplyDelete
  9. Apu, tekakang chelap nuan datai bulan 12 tu ila! Kitu lah, mai Brett raun ke menoa kami kitu!

    Ni alah bekurung ngenat chelap ba menoa kita nya dia ila!

    ReplyDelete
  10. kami ditu agi celap ahh..nyak aku mesan mami aku ngasuh iya mai baju celap..dah masuk spring tp agi balat celap

    ReplyDelete
  11. Kemaya mami nuan datai Debbie? Amat ah, enggai ka tekakang chelap mami nuan ila! Enti enda ingat mai, nginjau enggi nuan ga! :-)

    ReplyDelete

Related Posts Plugin for WordPress, Blogger...