Friday, October 05, 2007

Radio Iban

Lama endar aku nadai ninga radio Iban. Ukai enggai ninga, enda ulih ninga. Tiap kali aku click ba link, enggai buka link nya. Bisi lah hal pasal "error with external application" .. utai munyi nya. Ngelama tu aku ulih ninga radio Iban enti aku ngena Winamp. Tang enda nemu kebuah iya tak enggai agi bemain ba Winamp ti udah di-install ba laptop aku. Bisi berapa bulan aku nadai ninga radio Iban.

Lemai tu tadi aku bisi download baru Winamp ngagai desktop computer aku ka baru. Nyau ulih ngiga dulu ba Shoutcast Radio baru bisi bulih stisin radio Iban. Amat lelengau endar ka ninga lagu enggau berita ari menoa asal. :-)



Diatu aku benong ninga program Iban tengah hari hari enam. Speaker ti disambung ba computer tu aja ti enda entu berapa. Munyi lagu ti pansut ari speaker nya tau dikumbai semadi nadai. :-) Nganti aku meli baru ila. Tadi aku shopping nadai tingat pasal speaker. Bepeda ka TV flat panel! Enti enda tegal Duncan tekemik ba tanjut endang bisi dibai pulai TV nya tadi! Tudah Duncan enda sempat ka jamban, nyau tekemik ba tanjut. Kelalu lama ditat nyau enda ulih ditat agi.

Aku agi ngiga chara ka meda TV ari Malaysia. Suba aku bisi besebut pasal parabola. Entua aku bisi ka meri enggi iya tang maya kami ka bisi ngagai sida apin lama tu tadi, aku nadai tingat ka nya. Tambah mega kami enda ulih mai iya pulai ngena mini van kami. Enti kami ngena pick up truck kami nya baru ulih mai iya.

Lagu sha la la, sha la la gaga ati, sha la la la oh sulu ... ah nya munyi leka lagu ditebah radio Iban!

9 comments:

  1. rindang endar nuan ninga lagu iban dia neh..hehe

    Aku kenya meh..mayuh endar lagu dah di download..lebuh lelengau..bes ga..suis aja..ati pun teperindang

    ReplyDelete
  2. Au ah, bisi ninga manok engkukok ba background bala ka bepesan ba radio! Heheh.

    Aku bisi meh download lagu Iban tang ka ninga berita Iban ba radio.

    ReplyDelete
  3. bakani kitak download lagu iban ba internet?

    ReplyDelete
  4. Download video clip ari YouTube. Bunyi video clip nya tau di capture ngena software nyadi MP3.

    Lagu melayu mayoh MP3 format tang lagu Iban tusah agi ngiga. Tang video clip sigi mayoh ba YouTube.

    ReplyDelete
  5. ngadu mp3 nemu aku...semina nadai kala tetemu ke lagu iban yg manah2 ba internet...selalu aku download terus ari videoclip then,convert to mp3 dah nyak burn nyadi cd,ulih kena dinga dalam kereta.

    ReplyDelete
  6. Oppss...ukai download terus ari videoclip,tapi ari video cd,then convert nyadi mp3...nyau tersalah sebut vcd alu nyadi videoclip pulak

    ReplyDelete
  7. puteri...enti ka meda live streaming TV ti terang tau abas kito.http://www.syoktv.net
    Lengkap ngau Astro Prima skali.

    ReplyDelete
  8. Anonymous11:32 PM

    Rindu ninga pengeras bala kitai ke di menua tasik ke deka nemu agi ngena jaku Iban. Tau kita nemuai ngagai laman tu http://apps2.emoe.gov.my/bpk/ [klik -- laman baru tebuka ... klik ba Modul P&P .... klik ba apak Bahasa Iban ... bisi tebuka laman baru Jaku Iban ---- ba kolum HOME ia kita bisi meda mayuh elemen siti ari elemen nya Jalai Jaku -- klik nya ... kita tau download Sistem Jaku Iban (dalam PDF)]. Sistem Jaku Iban nya meh ke diakena nembiak dalam sekula kediatu.
    Selamat ngeremai lalu belajarka jaku kitai.
    Kita tau ngirumka kereban ke bukai ngagai aku nengah biaubalai@live.com.

    Pengajar Iban

    ReplyDelete
  9. Terima kasih Pengajar, laban udah ninggal ka link ti tau nulong kami belajar Bahasa Iban enggau betul. Link ka diberi udah di bookmark alu ngarap ka diri ulih berati ka jalai ngena Bahasa Iban enggau betul!

    ReplyDelete

Related Posts Plugin for WordPress, Blogger...