Friday, January 11, 2008

Taun Baru, Gamal Baru

Ahhh, enda udah betukar template blog tu peda kita? Semadi nadai pengawa meh nya, laban bisi endar hari betukar ka template!

Aku ka ngiga ukir Iban ka manah agi tang naka nya aja tetemu aku ba internet ti tau dikena ba header blog tu. Enti bala kita nemu drawing, tau nulong aku neraw ukir Iban. Aku ka ngiga ka panjai awak ka tau dikena ba header - ngambi ka manah agi dipeda meh nya. smile

Bisi endar ati ka begaga ka header ngena Photoshop tang copy aku enda compatible ba computer baru aku tu. Computer lama udah jai. sad Nganti pulai ka Malaysia baru dudi ila, ngiga ka cetak rompak ba Low Yat Plaza di KL din! mrgreen

Bah, ni baka rita kita dalam taun baru tu? Bisi insur? Kami ditu baka selama. Mina Christmas tree kami agi bediri ba ruang tamu rumah. Buruk endar tulang! Baru demalam ngingkas sida lampu pelip, sida ornaments ari pun kayu. Aku ngasoh Doug muai pun kayu nya demalam, tang iya madah nganti iya udah pulai kerja lemai tu lagi. Bela lembau tulang!

Bulan lima tu ila, bisi kami menyanak pulai ka menoa. Bisi endar ati ka ngetu ba Kuching dulu sebedau berangkat ka Miri. Enti nadai penanggul kami menyanak bisi ka ka menoa (Nanga Drau, Saratok) enggau sida apai indai aku ngintu Gawai ba rumah panjai.

Arap ka sekeda kitai ulih betemu maya kami ka bisi di Sarawak tengah taun tu ila! Tang enti bala kita bisi nemuai ka menoa kami ditu, anang enda ngetu ngabas kami! You are most welcome!

11 comments:

  1. Apu, nyau genarau ukir ruai nuan Dor, tu baru Iban amat. Congrats. Arapka ulih betemu enggau kita menyanak maya Gawai ila, enti kita ngena kerita ari Miri ke Saratok, mansa rumah panjai kami, simpang RP (Rh William Bansa, Jln Sg Dijih)kami kira 1.5km ari pasar Selangau on the way to Sibu, mua ari kanan kitai mansang ka Sibu. Kami pulai ke RP belama maya Gawai, there's simply no place like ba RP endur ngintu Gawai.

    Aku bc nemuai ngagai ruai nuan siti, interested aku meda quilt work. Kati aku ulih contact nuan (email)?

    God bless and take k.

    ReplyDelete
  2. Rita, email aku bisi ba Profile Page .. uji peda dia. Beri ka aku lumur HP nuan (in the email), awak ka ulih nguntik nuan maya aku pulai ila. Mansa menoa kita dia meh kami tu ila!

    Nuan bisi enggau org ngaga quilt? :-)

    ReplyDelete
  3. anag enda madah enti bisi datai mansa menua..hehe...
    ka niki Mt. Kinabalu udah gawai tu ila. arap ulih betemu enggau kita menyanak sebedau aku mupok kin.

    ReplyDelete
  4. Puteri,cuma ka madah nadai agi sofware cetak rompak dijual ba Low Yatt Plaza..selalu kena raid.Takut dah sida nyual.Bisi madah stop enda lama sempena Visit M'sia 2007.Aku puas ngiga ari nya.Nasib office mate aku madah ba pekan-pekan mit agi bisi.Sampai agai Seremban aku ngiga bc bulih ba Seremban din.Tang pelaba aku ba menua kitai din engka agi bisi.

    ReplyDelete
  5. Au, Chris, aku nguji betemu enggau bala kita ma bisi mansa ila. Ni enda ngetu ba Miri dulu sebedau niki gunung? :-) Enti bisi, anang enda ngabas aku ba Miri din.

    ********

    licia,

    Rugi endar asai aku enti nadai bulih software ti dikedeka ati! :-( Arap ka ba menoa kitai din agi bisi!

    ReplyDelete
  6. enti bisi daya, sigi ka meh ngabas nuan di Miri. engka aku be'bilun' ngagai KK. bedau temu agi..hehe

    ReplyDelete
  7. Puteri, tukar agin baru nuan, lawa gak ukir iban nya deh. Bisi cerita terbaru nuan? bisi masak masak? ngag anting ke?

    ReplyDelete
  8. Puteri... rumah aku tisi jalai aja ba Sarikei. Enti ke Miri sigi dipansa... Anang enda ngetu ila... ka betemu enggau anak nuan ke kiut.

    ReplyDelete
  9. Chris, enti bisi mansa anang enda madah!

    ********

    Cuthess, nadai aku bisi ngaga antin. Bisi blogging! :-) Tang ukai blog Iban .. blog ka alai bisi bulih duit. Kemaya nuan nikah? Anang enda manggil, engka aku ulih datai ila, enti nya early summer!!


    **********
    Grace, enti aku bisi mansa menoa kita dia, nadai aku enda madah. Ingin ati ka betemu bala kita mega!
    Ila kitai betukar ka lumur hp! Nganti aku meli prepaid card dah aku datai din ila!

    ReplyDelete
  10. Puteri anang enda madah enti nuan dah datai ba amalaysia ni nemu nuanila sempat enggau wedding aku deh

    ReplyDelete
  11. kumangmalai12:58 PM

    bonjour ari paris, france.

    selamat taun baru 2008!

    ReplyDelete

Related Posts Plugin for WordPress, Blogger...