Tuesday, June 17, 2008

Ngabang

Cherita aku ka ngabang ngagai Cuthess saduai Grace lama udah ditusoi saduai. Enggi aku baru sahari tu! Ehhh, internet connection ditu semadi nadai!! Sahari tu aku sempat nginjau laptop menyadi aku. Enggi iya pama agi nerima wi-fi signal! Enggi aku sekejap bisi sekejap nadai! Peiii!!!

Maya kami ka angkat ka Bintangor hari sigi endang udah bemoa. Udah kami datai ba Sarikei ujan pen nyu tebubuh! Nasib iya Doug ka mai kereta. Enti nya aku endang asai ka enda meda utai ma udah mai kereta dalam ujan!



Kami ka dalam kereta nya nadai siko udah kala ka Sarikei. Terus kin, ko orang. Au meh, terus kin, dah datai ba Sarikei, nama nya sungai deh? Ni jalai ka Bintangor? Nasib bisi telipun neh! Nyau tudah Cuthess madah chara ka Bintangor! Paduhal ngena ferry! Nanya cina ba workshop siti, nadai siko nemu madah jalai ngagai ferry! Enda berapa! Jalai ka ditengah nuju ferry ngemit nya baka ka ukai nuju ngagai ferry! Enti Cuthess enda nyebut jalai nya sigi sempit, sigi ka ngiga jalai bukai aku! Amat baka ka ukai jalai nuju ngagai sebarang alai!

Ko Cuthess, udah pansut ari ferry, nitih aja orang bukai. Tentu sida nya nuju ka Bintangor. Nitih meh kami. Dah datai ba pasar Bintangor kami ngetu ba stesin minyak Shell nganti Cuthess ka datai ngulu kami ngagai rumah iya.



Manah endar utai dempa disedia Cuthess! Ni ka babi tunu, manok tunu, asi ruas, sup undang, oii, boleh tahan indu tu nyendia pemakai! Apai Cuthess bisi datai apin lama kami udah datai dia. Bendar endar apai Cuthess ngambar Denice saduai Duncan. Ko aku, iya angan angan uchu iya dudi ila baka gamal Duncan! Heheh.

Maya kami ka deka pulai, Duncan nyabak laban iyaminta siti camera lama apai Cuthess. "I like the one with the flash on top," ko iya. Ni lah orang ka magi iya collection camera lama orang!

Bisi dua jam kami ka ngabang ba rumah Cuthess. Sigi rindu endar ga ulih betemu enggau pangan ti udah dikelala ari blogging neh! Cuthess looks exactly as I had imagined her!



Ari rumah Cuthess kami bisi ngetu ba rumah Grace enggau menyadi iya Fred ba Sarikei. Rumah saduai tu sigi dipansa kami pulai ka Saratok. Nyamai amat ga rumah iya digiga, mina simpang masuk ngagai rumah Grace ka sempit mimit!



Taja Grace jarang ngayan ka gambar diri iya empu ba blog iya, aku sigi endang ngelala nya iya leboh aku ka betemu enggau iya! Hari kami ka datai endang hari Open House iya, so mayoh lah utai dempa! Aku ampit makai bak kut teh ba rumah Grace!



Duncan ka endar dibai Fred betundi! Denice mina nuchok nuchok Duncan aja!

Maya kami ka pulai ka Miri kami bisi ngetu baru ba sida Grace, ngambi tuak. Tuak ti ka diberi Cuthess nyau abis enda ingat dibai pulai! Tuak nya diatu udah datai ba California din, dibai Doug pulai dulu tu tadi.

Aku ngarap ka dudi ila, bala kita ti bisi enggau aku bekelala ari pengawa blogging tau ngabas kami ba menoa California! Simpan duit, bisi chukop ka tambang umbas meh! Rumah kami endang semampai tebuka nerima temuai ari Malaysia!

14 comments:

  1. auk kala ke mansa alu ngabang neh wai. tetenguk meh ka nemuai agai kita kin wai tang ti baka aku tusah amat bala nyu sekurangan diatu nyu ka niki baru ga tambah bilun makin lemi pala patung bai bejalai

    ReplyDelete
  2. Aram meh ngabang ngagai kami din, andan! Ngumba amat ka rega tikit bilun dah melambung!! Nganti maya rega minyak dah turun ila meh bejalai!

    ReplyDelete
  3. Waaaahhh tau meh jemah ila ngusong kita seblik ba Cali. Bisi homestay agi nya neh? Tau start ngumpul duit tok neh PUteri??? ;) Yeah yeahh...

    ReplyDelete
  4. Coki, sigi lama dah buka homestay program kami nya!! Diatu meh berengkah ngumpul duit!

    ReplyDelete
  5. Hi, selamat bekelala. Aku suah amai ngabas ruai nuan tuk, tang nadai kala ngayan ke diri. heheheh...

    ReplyDelete
  6. Selamat bekelala Orchid! Nadai gaga enda ngayan ka diri!

    ReplyDelete
  7. Oh baru bisi post ngabang hehe. Terima kasih, nadai utai best mina nemu nunu aja hehe, udang salah panduk laban sigi enda nemu berapi, ko aku kak ngaga udangmasak butter dahnya apai ke meri pendapat sup aja kuah empa enggau asi pulut, ehhh enda berapa aku makai sup terjun hehe, kak pun enda panduk bakanya aja meh lain drp yg lain hehe. Ny ameh apai ku nya enda bebasa ke orang, nyu enda jenuh ngambi gambar, baka org sakai. Malu meda, ila enda jenuh ia nganbi gambar mentua aku ila lain dro yg lain. Ba rumah gambar uras enggau bala sida sampah pun diambik gambar, kelalu kak. Auk ila betemu baru maia wedding aku. Take care.

    ReplyDelete
  8. huhu.. berjimat cermat.... mesti ngumpul duit..mesti ngumpul duit...<-- motivate diri empu hahahaha...

    ReplyDelete
  9. Mesti lah motivate diri! Aku kelia gaji mit, tapi ulih nyimpan duit kena raun ka France, England enggau Korea!! Sampai 3 taun nyimpan duit, oii!

    ReplyDelete
  10. 4 years later...she met her Prince Charming and they live happily ever after !
    Baka ba cerita fairy tale deh, mestilah bisi happy ending, enda pia?? :)

    ReplyDelete
  11. Hehehe.. Puteri... sigi pedis orang ka tama agai rumah kami nya. Aku sigi ka amat raun tang nadai orang ka enggau. Enti maya cuti sekula mayuh bala kaban nyau pulai ke rumah panjai. Ni ke ka amat bejalai nyau belaki bisi anak. Ka bejalai kediri takut laban ke mit. Pasal $ nya nadai ga mayuh tang lebuh ku nanya Puteri berapa tambang pulai mansang... engka cukup ga kini. Huhuhu.. sapa ka ngulu ke aku?

    Puteri... bisi ku nangkap leka jaku Doug ujung2 udah ia bejaku seleka-seleka.heheh

    ReplyDelete
  12. Puteri, aku enti ka ngagai US sigi California dulu ka tuju. Enti aku kin engka betemu ngirup kopi ba rumah nuan aja tua laban ka aku tu kaki bejalai... kia kitu aku legi. Hehe. Bedau temu kemaya, enti bisi rezeki, sebedau ujung taun tu.:)

    Rindu meda gambar kita sebilik gawai.

    ReplyDelete
  13. EHHH!! ngelala dik Grace neh! la, ya colleague aku maia aku gik sama keja enggau ya suba...adeh, mit mai dunia tok nehhhh..

    ReplyDelete
  14. Felicia, ngelala Grace ari blogging! Grace tu meh peda aku dulu nulis blog ngena jako Iban. Nya ka ditunda aku!

    ReplyDelete

Related Posts Plugin for WordPress, Blogger...