Wednesday, October 29, 2008

Masak masak Part 2

Minggu nyin tadi aku bisi telipun ngagai indai aku. Mayoh macham meh cherita kami duai, tang sempat ga iya nyelit cherita siti - iya madah ipar aku siko (bisi iya nyenguk blog aku tu!) madah ka iya, aku ngaga diri enda nemu berapi maya aku ka bisi di Miri tu tadi. Iya madah aku complain pasal utai dipandok indai aku tang aku empu enggai berapi taja aku "landik" berapi! eek

Sapa enda nemu berapi enti bisi sida perencah Seri Aji kena ngaga asi guring? Tauka perencah Uncle Sun kena nyetim ikan? Tauka mandok Ayam Masak Merah enti bisi perencah Liza's Masak Merah? Sarawak Laksa pen aku nemu mandok! Nadai pedis laban bisi perencah Sarawak Laksa ari Liza's mega! Nasi Ayam? Issh, nadai pedis ngaga nasi ayam! Lebih agi enti bisi perencah Hainanese Chicken Rice kena mandok asi awak ka nyamai agi. Nadai pedis ngerebus manok, udah nya ngunsut enggau garam enggau minya lenga! mrgreen

Nah, tu sekeda gambar utai dipandok aku minggu tu tadi! Indai Val, nuan ka minta recipe? Heheh. Eh, lawa aku diatu, nemu ngaga quiche enggau pies! Nemu ngaga pastry shell? Enda pedis, meli ka sedia ada, enda iboh mungkal ngaga!


Amat stidi aku diatu, nemu ngaga apple pie! Entah, nama kebuah ngelama tu aku enggai nguji? Ngeyamai nya ga ngaga iya! Mina siti aja - dudi ila, mayoh ka agi apple dikena!


Enda nemu nama kebuah, aku tak tengok ka makai quiche bayam enggau ham? Kelia menya aku ka nyepi quiche! Recipe dikena aku tu ari Cooks.Com. Amat muntang endar ka ngaga iya, lebih agi aku ngena Pillsbury pie crust. Enti ngaga kediri empu pie crust nya, sigi enda nemu. Dudi ila, aku ka nguji ngaga chicken pot pie! mrgreen

Lama udah aku ka ngaga oat cookies. Aku sigi enda rindu makai sida ruti tauka biskut ti manis. Cookie tu endang tau dempa orang ka sakit kencing manis laban iya kurang manis. Oi, anang la makai sampai sepuluh igi!! Sigi dua aja, oi. Resipi tu diambi aku ari bup masakan orang ka bisi penyakit kencing manis.


Maya aku gawa di Vietnam dalam taun sembilan puluhan suba, aku rindu amat makai sup manok enggau sup tulang babi dipandok orang Vietnam. Chara aku mandok sup tu, kira ka nunda chara sida di Vietnam mandok sup sida. Sup sida enda tau enda bisi tomato, ngambi ka bisi masam mimit asai iya.


Ah, tu nunda chara indai aku nguring retak! Lauk retak guring tu endang specialty indai aku. Enggi iya mayoh agi minyak! Kicap dikena aku nguring tu, kicap cap Kuda Terbang, kicap dibai ari Miri!

Masakan western pen aku nemu mimit diatu, tang enggai enda bepeda ka bup resipi. Enti nadai bup resipi sigi enda nemu pen aku mandok! Bup resipi ka selalu dibeli aku diatu, endang bup resipi ka manah ka orang ka bisi penyakit kencing manis. Bala kita ti ka nurun berat badan, amalkan masakan orang sakit kencing manis!! Gerenti turun berat badan! Of course la, enti kita berati ka gambar ba post aku tu, enda samoa resipi ti patut dempa orang sakit kencing manis!

Naka tu cherita masak-masak aku ka sekali tu!

10 comments:

  1. Oh Puteri aku baru nemu ngaga pastry apple pie, uji nuan ngaga apple crisp ila senang dalam dunia. engkah maioh apple baka apple pie, enda ibuh pastry, tabur ba atas ia brown sugar campur enggau butter campur and ground cinnamon dahnya bake, asuh tebal cimit brown sugar ba atas, apooo senang udu. Nama kebuah kitai ba rumah enda terfikir nguji utai ke senang.Tadi aku manduk kari manuk enggau cucuk, dahnya tubu masam manis, kenyang makai. Aku dah nemu ngaga piza enggau pastry kena ngaga pumkin pie. Senang aja doh pie, nuan tau nguji ngena crisco/shortening minyak sayur, air cimit, garam and gula cimit, dahnya uli enggau tepung biasa.
    Kami duai dua hari lepas ngaga pizza, Ila ku mantai ke pizza digaga kami duai ba rumah yummy sedap... asai ba Franco tauka asai ia lebih rich hehe. peneka kitai meh.Slurpp aku bisi bahan kena ngaga sup manuk vietnam dik nya, nama utai special agi dicampur nuan? engka ku rajin kak nguji gak. heheh kongsi meh resipi nuan nya, kak ku ngiga perencah ko nuan nya ila.

    ReplyDelete
  2. Wah, pama nuan nemu ngaga pizza, apple crisp etc! Pasal pastry, aku malas uli menguli utai lah. Leceh, tambah mega mengambil masa, ko jako laut! Kena pie crust ti endang dah sedia! Lebih muntang!

    Pasal ngena gula mayoh dalam resipi, anang ngasoh aku ... takut sakit kencing manis, laban bisi purih. Aku bisi meli resipi book - samoa baking ngena Splenda ... artificial sweetener.

    ReplyDelete
  3. boleh tahan utai di masak nuan atasnya!! quiche nya looks yummy

    ReplyDelete
  4. ba Malaysia tu naka pemedis ngiga pastry ke ready made.. apuuuu... tang manah mega, ngambi ke belajar ngadu pastry nda ngena jalai muntang. aku tengok meda sup manok Puteri, imagine aja, digulai enggau asi bubur.. akaidaii... laparrr ku..

    ReplyDelete
  5. Puteri, apo amat nya, enda tau makai gula maioh. Mentua aku ke lelaki ngirup bear n diet cola aja tang pelik dahnya makai apple pie ukai main pemanis nya.

    Coki, ba malaysia nyamai agi meli barang kena ngaga pastry ba rumah, ulih ngena marjerin tang enda manah utk kesihatan ko lutur. aku enda peduli makai marjerin embal aja sampai naik jerawat. nya meh aku pun baka nua terfikir enti empa enggau bubur tentu nyamai laban bisi sup tulang ngot hehe!

    ReplyDelete
  6. *slurrrpppp* lapar dah ku.
    minta resepi sup ayam :-)

    ReplyDelete
  7. akai indai...kluar air liur ku meda...sigi anang puteri tok gak...sigi ngasoh bala kami ditok lapar meda tek sumai nuan... mun dipih gerenti i dolok bak mua pintu...hehehe...tumpang skaki..

    ReplyDelete
  8. Sama tua Doris..enggai aku berbutul butul kicap kuda terbang khas ari Miri..ba Kch enda semua kedai bisi nyual..dah teleba ari mit makai gulai ngena kicap kuda..sampai diatu enti enda ngena kicap kuda..nadai entu umpphhh masakan hehe

    ReplyDelete
  9. catryn6:25 AM

    heh... kicap kuda terbang? nang favourite. t tiap kali ku pli cuti d miri nang berbekal belama kicap nya. bai pli kl. bka ka x kicap ko cda mummy. tp... hakikat ia kicap nya la yg x tau tinggal tiap kali nyuap. adik ku smpi pg india mai kicap kuda terbang. heh3...

    (silence reader)

    ReplyDelete
  10. aduh...rindu aku kak makai sayur retak nuan....samalah kitai, kicap kuda terbang, bisi aku bai pulai kitu every time pulai ari malaysia....memang nyamai kicap ya...kicap rasmi bak rumah parents aku di bintulu nyin..hehe

    ReplyDelete

Related Posts Plugin for WordPress, Blogger...