Wednesday, October 15, 2008

Masak Masak

1. Asi guring ala Thai


Chara muntang - sebungkus perencah Nasi Goreng Thai, dibai pulai ari Miri bulan tujuh tu tadi.

Guring enggau undang enggau suntung ball. Err, bebola suntung? mrgreen

Ditembu enggau buah longan. Sedap!

2. Kway tiaw guring



Tepeda ka kway tiaw ba supermarket china, alu tetenguk ka makai kway tiaw. Tau dikenyadi ga asai kway tiaw diguring diri empu, tang nyamai agi kway tiaw kerang dipasar Miri din!!

3. Tulang babi kicap



Cuthess bisi nyerita diri bisi mandok sup tulang babi kicap. Tetenguk asai ati ninga lauk nya! Dua hari udah nya mandok sup tulang babi kicap ga aku!

Amat munyi ko Cuthess, babi ba menoa ditu bebau, tang enti dipandok enggau rempah, lia, bau enda entu kuat agi. Engka aku diatu nyu udah teleba agi, nyu endar berapa bebau agi sium aku!

4. Kangkung guring


Maya ka suping ba supermarket china kutai, bisi tepeda ka kangkung. Kedung kangkung agi bisi dijual (musim chelap tu lagi nadai agi kangkung), enggai enda meli ga. Anang jeles Cuthess, neh, laban bisi tetemu ka kangkung ditu! mrgreen

5. Teluk Masin


Tu gamal teluk masin digaga Doug. Peda pemesai teluk kuning iya! Maya ansa kami ka beteluk pun taun tu tadi, Doug bisi ngaga teluk masin. Indai aku alu bisi ngasoh iya mai sekeda pulai ka Miri maya iya ka datai ngambi kami pulai bulan tujuh tu tadi. Tujuh igi dibai iya ka Miri.

Gambar teluk masin tu diambi aku ba rumah indai aku di Miri din. Bisi dibagi ngagai sida ipar aku teluk masin ti dibai Doug. Agi bisi teluk masin nya dia. Diempa maya makai asi bubur.

Diatu aku tenguk ka makai karipap sardine!! Bisi meli setin sardine ensanus, hari lima tu lagi ngaga iya! biggrin

8 comments:

  1. Ka ngaga sup tulang babi lemai lagi. Nyu mai tenguk meda lauk2 nuan ditu. mmmmmmmmmmmm

    ReplyDelete
  2. nyamai enda gamal babi kicap nya.... kak ngasuh emak aku mandok babio paklo...

    ReplyDelete
  3. Apu teluk masin nyaaaaaa!

    ReplyDelete
  4. akai2 telu masin nya.... ulih belaya jamah telu masin tu(berebut).

    ReplyDelete
  5. Anonymous10:34 PM

    Puteri, apuu nyamai kang kung panduk dik nya, bisi kami kang kung ditu, tang sarinya aku enda meli. Nya meh tulang babi bau, rempah nama beli nuan nya? amat besai yole telo masin dik nya haha! apu ngiga telo masin tuk ila deh.

    ReplyDelete
  6. Anonymous10:35 PM

    This comment has been removed by a blog administrator.

    ReplyDelete
  7. Minat agi bala kita ka teluk masin nya neh!! Nah... teluk masin digaga orang putih nya! Stidi, enda? :-)

    ReplyDelete
  8. puteri sedap mai gaia telo masin nya dahla besai(maioh) mai kuning ya..sup babi nya pen yummy..adei lapar la..

    ReplyDelete

Related Posts Plugin for WordPress, Blogger...