Friday, November 14, 2008

Suping

Suping? Shopping la, bala Iban enggai enda ngena jako ribai! mrgreen

Enti pasal suping aku sigi ka endar, tang ukai suping sebelah mall tauka ba kompleks. Enggai enggau orang begelut! Enti pasal suping, aku rindu agi nunga computer alu suping online. Tang sida baju enggau kasut enggai aku suping online laban ti ka nguji dulu sida baju tauka kasut. Takut ka enda ngam legik! Enggai muai jam mulai sida gari enggau kasut ti enda ngam!

Enti pasal sida bup, sida marik, sida computer accessories tauka sebarang utai electronics, sigi ari internet meh aku meli utai baka tu. Tang apin lama tu tadi, udah bekau aku ka meda Flo meli kasut but iya ka lawa endar gamal ari internet, nyau aku ngecheck nama stail kasut but ti dibisi dijual ba Amazon. Nadai mayoh ga stail kasut dia, mina siti aja bisi mantup ati aku. Kasut tu tau dibeli ba Macy's tang aku lembau suping ka Macy's laban jauh tambah mega aku enda nemu dreba kin kediri!

Meda kasut but nya nadai tunjik tinggi tambah mega ko orang ka udah meli iya, lembut serta nyamai dikena, alu ngorder meh aku! Amat comfortable endar ga kasut but tu!

Stidi, peda kita? lol

Ujung minggu tu tadi aku bisi mega ngorder dua iti gelang copper. Aku enda nemu kati ko Iban ngumbai copper. Siti ari gelang copper nya bisi magnet. Maya aku di Miri musim panas tu tadi, bala ipar enggau menyadi aku bisi bekena ka gelang magnet. Ko orang copper tau nulung orang ka bisi sakit tulang (arthritis). Aku enggai enda nguji, ngicha ka bau badu pedis!

Ukai semina gelang copper utai diorder aku lemai nya!

Tu gamal utai dibeli aku ari internet mega! TV baru depan TV lama!

Nah, sigi puas ati aku meda 42nd CMA Awards ba TV malam hari empat tu tadi! TV tu diorder ari internet tang diambi ari kedai. Nyamai ga ngorder chara baka nya laban ulih manding samoa brand TV ka bisi ba kedai nya ari internet dulu, udah nya milih ka dikedeka ati. Ari siti aku nerima email madah ka TV nya tau diambi ari kedai - enda ga kena chas shipping and handling enti dianjong ka rumah.

Aku bisi meli mija (entertainment console) alai nudok ka TV tu tang alu apin dianjong. Mija tu dibeli aku ari kedai furniture semak kami ditu. Bisi aku meda ba internet tang murah agi rega mija nya ba kedai furniture china semak kami ditu. Kebendar TV tu ka digantong ba dinding. Udah meli tvmount (ulih ngorder ari internet mega!) alai ngantong TV tang alu apin bisi hari ngantong iya. Nganti mija udah datai, baru tau meda peninggi alai ngantong iya. Enggai nyadi enda digantong laban bala anak ka endar betanda ba moa TV! Ni ka besipak ka bol agi! Chuma pulai hari TV ka baru dibeli! mrgreen

Bah, nama utai dibeli bala kita maya ka suping tu tadi?

6 comments:

  1. Sapa madah pedis ninggal comment? Nama aku ulih deh? *Garu pala*

    ReplyDelete
  2. Aku ulih deh ! hehehehe

    wah, nya gamal tv baru nuan ke dikerandau tuo lemai ensanus ko. Enggi kami enda ulih digantung ba dinding, nadai agi alai...bala anak nyu udah besai ga ditu, semadi ka ngelangkung ke diri, suah ga entepa enda temu tuju depan tv nya. Jadi engkeramba sekejap !!

    ReplyDelete
  3. cuthess4:39 PM

    Hi lama amat nuan nadau update blog. Lawa dik dah shopping kasut. aku lalu enda mindah, engka ngarap ke kasut tahun suba lalu apin dikena udu maia winter kini. Tv flat screen nya, stidi endar ia nadai makai space. Kapa enda Duncan enggau Denise betanda, besai imej dipeda baka meda wayang excited tudah.

    ReplyDelete
  4. Hehehhe..enti aku suping online, i will go for:

    1. mineral makeups
    2. baju (laban baju US besai2 size) Hhahaaahah...
    3. Bup
    4. toys
    5. electronic gadgets

    best bah suping online... best agi bebayar ke credit card udah nya :D:D

    ReplyDelete
  5. Wah! Aku ingat aku aja tek kaki online shopping. Bisi ngak urang sama kaki enggau aku. Balat nuan Puteri, shopping amai nuan bak online...hehe...bedau aku kala meli utai macam tv bekenya. Selalu online shopping for dress, home accessories, baju nemiak, books..ya pun mun bisi special 'online sale'.

    ReplyDelete
  6. Lyana, nya meh gamal flat screen tv aku! Stidi endar esp ditambah enggau 5.1 surround sound speakers! Asai ka ba panggung! :-)

    Cuthess, kasut but nuan nya agi baru, agi bau china, nadai ibuh meli baru. But aku ka dulu, enda comfortable dikena nya ngiga baru. Semadi meda nya low heel ka ga meli ari online. Enti beheel, sorry la, enggai enda diuji dulu laban kaki aku enda tan enti enda comfortable.

    Coki, sampai meli ari US pia, sida gari nuan? Selamat kah datai ba Kuching dia? Aku sida gari sigi enda meli online laban baka kasut, enggai enda diuji dulu. Tapi enti naka t-shirt kala ga aku ngorder, specialty t-shirts aja lah.
    Aku rindu browsing ba pharmacy bepeda ka sida make-up so enggai ngorder online!

    Charlene, sigi rindu ga shopping online, very convenient, especially shopping for my beads and books! Electronics tu nitih ka maya ga, laban selalu bisi online specials.

    ReplyDelete

Related Posts Plugin for WordPress, Blogger...