Saturday, January 17, 2009

Masau jam

Bisi endar ati aku deka meli netbook! mrgreen

Pagi tu tadi, udah ngirup enggau makai bacon enggau teluk, aku masau jam ba amazon.com bepedaka enggau bebandingka netbook ti bisi dijual dia. Aku enggai meli full sized laptop laban berat ... datai ka pedis berang ngangkut sebelah airport ma udah mindah! Netbook ka pemadu lempung dipeda aku enda lebih ari sekilo setengah pemerat iya.

Ngelama tu aku mina bepeda ka ASUS Eee PC 1000HA 10-Inch Netbook enggau Acer Aspire One AOA150-1126 8.9-Inch Netbook. Aku enda sedar bisi brand bukai ti setanding enggau brand dua iti tu. Nya meh aku masau jam aku macha reviews bala ka udah bekena ka netbooks.

Bisi meh siti dua ti narit ati aku, tang aku apin ka meli. Nganti udah maya ka raun baru ila, nya baru ngorder iya! Siti ari nya iya nya MSI Wind U100-432US 10-Inch Netbook. Baru sahari tu meh aku tetemu ka brand MSI!

Diatu enti mina ka bepeda ka email tauka macha news tauka blog iPhone aku agi ulih dikena. Terima kasih ka entua indu aku ka meri aku iPhone nya serta nyangkung aku dalam family plan mobile phone service iya! lol

2 comments:

  1. Sama meh tua ingin ke netbook tu. Maya Grand Sale kami ditu, survey enggau Jenny aku kemari. Ingat ke Jenny? Sida menyanak bisi nemuai kemari, tumu datai pukul 11.00pagi. Udah makai t/hari lalu mupuk shopping ke Europe Valley Shopping Centre, enda jauh ari aku ditu, just 20 mins drive.
    Jenny empu udah meli ga 'Samsung Brand) di Free Duty shop S'pore last summer. Rindu aku meda, rumpas endar. So, ngarap ke bisi tetemu ia ke ka di ati enda lama agi meh....

    ReplyDelete
  2. Berapa rega Samsung nya ba S'pore? Aku macha reviews Samsung nya meh top on the list. Rega iya pen mar agi ari ka bukai. But I think I will settle on the MSI Wind U100-432US 10-Inch Netbook. Sigi bisi pros and cons antara Samsung enggau MSI Wind tang aku ka iya ka manah agi ba wifi connectivity. Pemerat iya pen mina 2.6 lbs which is just 1.17934016 kilograms. Lempung, eh! Nyamai diangkut lebuh ka mindah!

    ReplyDelete

Related Posts Plugin for WordPress, Blogger...