Wednesday, January 21, 2009

Nganti penatai netbook

Ko jako nganti nyu ka mindah baru ngorder netbook! redface Tang ni nya ulih dianti enti nyu ka ninting hari bebanding ka sida netbook ba Amazon.com! Ujung ujung Add to Cart, alu ngorder!

Geng aku siko nanya nama kebuah enda consult enggau iya dulu sebedau aku ngorder? Iya nemu agi pasal computer, kenu. Enti dibanding enggau iya, jauh agi meh iya nemu pasal computer ari aku! Nama kebuah ngorder Asus ko iya? Mit endar nya! Sangka iya ka diorder aku nya bansa ka 8.9" screen. Heheh, tang aku endang udah ngaga research aku empu, bebacha ka reviews orang ka bisi empu netbook - ni macham netbook ka bisi dia - alu bebanding ka rega.

Iya ka dipilih aku, lebih kurang sebaka enggau ka sida ka lebih mar. Tambah mega rega iya jauh murah ari sida brand ka bukai.

Netbook ka dipilih aku iya nya ASUS Eee PC 1000HA 10-Inch Netbook alu aku udah nerima email ari Amazon.com madah ka netbook nya udah dikirum alu dijangka datai ba aku ditu kena hari lima tu lagi.

Tang hari lima tu lagi kami menyanak bisi mindah ngagai menoa sida entua aku, pulai lemai ari satu minggu nyin ila. Enti udah munyi nya enggai nyadi package aku nya ditinggal postman ba moa pintu! Tengah hari tu tadi aku ka pos opis, ngisi pom, ngasuh sida ngetan surat enggau parcel sampai hari dua tu ila.

Aku endang sigi gagit nganti penatai netbook aku nya .... chey, enggai enda minggu nyin ila baru ulih megai netbook nya! mrgreen

7 comments:

  1. Enda sabar meda model netbook nuan nya. Aku pun selalu meda netbook ba office depot, pening meda kelalu maioh pilihan, nadai lebih nadai kurang, tepuk dada tanya selera. Ila dik mantai ke netbook baru dik nya.

    ReplyDelete
  2. Oh netbook..ya ya ba ditu bc sarinya kmi duai ka meli, nganti settle utai bukai dulu.. dlm RM1400++ bekenya... ba PC Image Wisma Saberkas nya manah bah..

    suba ba the spring stok dah abis..tp brand bukai, RM1.5k ajak. berebut mensia meli. Cute gila...

    ReplyDelete
  3. jeles aku eh...enggi aku agi main survey. agi ngiga choice, antara axus enggau samsung or else..hmmmmmmmmm

    ReplyDelete
  4. Cuthess, amat munyi ko nuan, nadai lebih nadai kurang meh netbooks ka dipeda aku ... mina rega ka lain .. enti bisi bida, mina ba gamal iya. Tang enti pasal processor, RAM, HDD endang sama magang ...wifi mina 2 iti pilihan ... ni ko ati meh. Ila meh aku ngambar netbook aku nya ... ka meda ni pemesai keyboard iya.

    Coki, amat murah ga rega netbooks dia. Patut bala nyu meli baka ka meli pisang goreng panas!!

    Lyana, jeles nuan pia? Kita ka mampu agi, ka Samsung nya meh beli! Heheh. Budget aku endang enggai lebih ari $400. Aku meli laser mouse .. nyu lebih mimit ari $400 total iya. Aku enda rindu ngena touch pad, nya kebuah meli cordless laser mouse. Manah mouse tu ... mar endar ga rega iya! Anang enda masang wireless router ba rumah awak ka netbook ulih diangkut kin kitu ba rumah and still be connected to the internet! Ila aku ngabas nuan, enda ngerubut pc nuan! Heheheh.

    ReplyDelete
  5. This comment has been removed by the author.

    ReplyDelete
  6. aku ngena bansa netbook ke diorder nuan nya..memang bez la bagi urg ke bagas online dini2 endur..simpan ja dalam handbag..tang...ia ndai internal cd/vcd player..nya aja la ia utai nadai..tang external cd player endang bc dijual..so far..memang glamer ngena netbook tu..smua urg ka nyeling2..hehe..nama kaler diorder nuan?

    ReplyDelete
  7. dsoulkeeper, nya kebuah iya dikumbai netbook and not laptop. Enti iya bisi cd/dvd drive nyu enda ultra-portable agi iya. Nya pen model nya not the lightest. MSI Wind and Samsung ringan agi.

    Kaler enggi aku ebony black.

    ReplyDelete

Related Posts Plugin for WordPress, Blogger...