Saturday, February 14, 2009

Ngintu Hari Valentine

Ni bisi ka restoran tauka besempuru makai enggau pangan kena nyambut Hari Valentine bala kita?

Kami menyanak enggai enggau orang berebut kena hari Valentine empu, nya kebuah kami nurun makai ba restoran lemai hari lima (Friday, 13th, oiii!)

Seminggu minggu Duncan udah nganti Hari Valentine. Ba sekula sida, bala cikgu bisi ngatur party (tumu sahari), bala anembiak bisi betukar kad Valentine, bisi nerima goody bag (sida chocalate enggau gula batu), alu enda tau tinggal ma bisi pengerami, paint painting. Nya gamal utai ka dichunting ba moa Duncan,


Mayoh amat gambar jantung ba moa Denice! Gaga orang ngenat chunting ba moa!

Maya kami ka nurun ka restoran enggai enda ribut ujan ka hari, Ngena ga hari baka nya, nadai entu mayoh orang ba restoran. Jampat amat pemakai datai! Undang diguring keruk enggau chabi gadung, endang enda tau tinggal ma kami makai ba Rice Bowl.

Peda gamal perut janik tu! Sedap amat! Kerup kerup kulit iya. Kati enda sida nguring tu, neh? Dempa enggau sos chabi manis.

Kerang dalam sup arak. Slurrrp! Tu aja lauk ti abis dempa kami malam nya. Sida bukai bisi tapau bai pulai. Manok stim, enggau ikan guring, enda sempat digambar. Kelalu beguai nyuap maya iya dibantai! mrgreen

Sahari tu, hari Valentine empu, nadai mindah kami menyanak. Doug kiroh gawa ba luar, ngaga kandang ka sida ansa. Kasih tudah ansa, dua iko dempa jelu liar .. enda nemu nama jelu ka makai ansa nya. Mina bulu, enggau sida perut aja agi tinggal. Doug sahari tu bisi meli sangkar (trap) kena nangkap jelu nya ... bisi umpan udah diengkah iya ba sangkar nya. Dua iko dalam dua hari, tudah ansa lesap. Sangka aku iya ka beteluk ka dempa jelu nya. Iya ga ma sida beteluk sida enda begulai enggau raban ansa bukai, nya nyamai endar jelu liar makai iya. Kasih amat, mina tinggal lapan iko aja ansa kami.

Sekali agi, Selamat Hari Valentine!

9 comments:

  1. heheh friday the 13th... creepy eh. puh stidi mat perut jani nya dor ooooiiii empa nggau sos cabi manis gik nya! yumyum...

    balat ah denise suai duncan.. hahhaaha... kitai ke dah tuai tu pan rindu nti dicunting moa. hahahaha..

    apoo naka meh ansa kita diempa jelu liar. nti ba menoa kitai kada nda diempa bayak/biawak/menarat. enti Ular mbih ditelan nada temu bulu.

    ReplyDelete
  2. Kami menyanak nadai meh mindah kini2. Semina ngaga heart shape chocolate cake enggau berapi belauk ke itit dalam wine sos and rice aku tengahari kemari. Nico gawa evening shift. Tumu aku keruk2 di dapur ngambi ke sempat tembu sebedau noon. Udah tu aku mantai ke lauk nya ba blog siti nyin.

    Lesap baru ga 2 iku ansa kita? Keutai nuan bisi madah ke 2 iku ga di pakai ke jelu nadai temu rampang agi deh. Bisi jelu coyote menua kita dia? Kada enda coyote ngereja pengawa tu.

    ReplyDelete
  3. Aiyooooo sedap mat gamal perut babi nyak Doris..apuuu dini meh aku bulih nyak ditu..

    *meliur

    ReplyDelete
  4. Pat, nadai menarat tauka sawa ditu. Tang bisi raccoon, munsang, enggau cayote (ukui kampung). Enda nemu ni bagi sida ka bepakai ka ansa kami.

    Eeeh, amat stidi perut janik nya. Baru iya aku ngorder dish tu.

    ReplyDelete
  5. Lyana, bisi endar dianjung ari ka tumu keruk2 ba dapur! Nyamai endar gamal utai ka dipandok nuan pagi nya! Ka aku nguji resipi nuan nya ila.

    Debbie, amat nyamai endar perut babi nya. Nyu kerup kerup kulit iya! Agi belala asai. Heheh.

    ReplyDelete
  6. Puteri, sehari sebedau Valentine's day aku manduk kediri ketam asam pedas enggau mussels. Aku stim kira 3 minit air didih aja mansau ia tau diempa enggau tabasco campur cuka enggau garam garlic. duh duhh sedap. Tenguk meda udang goreng nya, rangkai amat iko udang nya, asai kak ngaga pagila yummy.

    ReplyDelete
  7. nyum nyum nyum...ta nyamai amat peda mata!!!!..hehe

    ReplyDelete
  8. Untung nuan. Bisi kluar makai...kami menyanak makai bak rumah aja. Ma'am kereput tu ngak nyadi tukang masak on valentine day..hiyaa keno cina

    ReplyDelete
  9. Oh no! Good luck with catching the predator! Aku tension belama enti meda gambar utai dempa ba blog, Puteri. Argh.

    ReplyDelete

Related Posts Plugin for WordPress, Blogger...