Tuesday, February 24, 2009

Pemakai Malaysia & Barat

Siti ari pemakai ka dikerindu Doug iya nya laksa Sarawak. Malam hari minggu tu tadi aku tetenguk ka laksa Sarawak. Meda nya agi bisi perencah Laksa Sarawak Liza, aku alu manduk laksa ka empa malam nya.

Maya aku ngidang pemakai malam nya, ngaga diri tekenyit Doug meda nya laksa. Nuan enda nyium bau maya aku manduk tadi, ko aku nanya iya. Nyium meh aku utai bau rengut serta nyamai tang enda ngadang nya laksa. mrgreen

Tiap kali aku pulai ka Sarawak endang tetap mai berapa bungkus perencah laksa pulai. Enti enda ngira nya berat, nyau ngangkut sebeg!


Lemai kemari aku bepeda ka bup resipi. Meliur meda gambar sida pemakai dia. Nyu tenguk ga meda gambar pork chop. Nyau ga aku ngasoh Doug nurun ka supermarket meli pork chop maya iy ka pulai kerja. Nyu laun mimit kami makai demalam laban nganti pork chop nya mansau. Tang perut puas malam nya! wink

3 comments:

  1. Sedap amat gamal laksa nyak Doris..aku kenya meh, sigi salu mai perencah laksa pulai kitu..mayuh makanan di angkut..sida kastam pan heran..baka ke ba menua sida ya nadai pemakai hehe

    ReplyDelete
  2. Euu sedap amat laksa sarawak nya! oi! aku kala nguji ngaga tang mentua aku enggai makai, ish nadai hal pemakai kitai, kitai aja nemu utai ke special. Home made pork chop? lawa amat dik, nyu ba ke diserve ba Franco Italian Restaurant gamal pork chop dik nya.

    ReplyDelete
  3. Debbie, I thought tusah mai food stuff masuk Australia, even packaged ones? Ditu nadai problem asai ukai fresh .. meat or plants.

    Nya meh, rugi pulai ka menoa enti enda mai sida perencah pulai!!

    Cuthess, nuan nadai mai sida perencah laksa ka Canada tu tadi? Enti sida apai indai nuan datai ila, anang enda ngasoh sida mai!

    Sida steak enggau pork chop nyamai dipandok ... broil aja dalam oven! Mesti ka pandai season iya lah. Pork nyamai diempa enggau mushrooms nya lah sides iya mushroom enggau sweet potato.

    ReplyDelete

Related Posts Plugin for WordPress, Blogger...