Wednesday, March 18, 2009

Cherita Masak Masak

Siti ari pemakaika dikerindu aku iya nya itit panggang. Itit panggang ka selalu dibeli aku ari SF Supermarket enda jauh ari kami ditu, ba nyawa aku, iya ka pemadu nyamai ti kala disepi aku! mrgreen

Tang kemari aku nguji manggang itit nunda resipi pangan aku, Lesley. Tak nyamai endar gamal itit panggang ba blog iya. Tambah mega chara manggang itit nya nadai mayoh macham.


Nah, tu penyadi iti panggang aku. Nyamai gamal iya? Iya ka bendar, itit tu patut dipanggang lama mimit. Agi mirah ba tulang. Nadai ngawa, simpan aja dalam oven maya ka ngangat iya alu mansau manah meh iya! lol

Ba nyawa aku, asai itit panggang aku nya alah ari ka digaga cina ba SF Supermarket. Huh, nganti aku belajar ari cina ba supermarket dia ila! Hehe, enti sida ngasoh aku tama ka dalam dapur sida lah!


Lesley endang sigi landik amat berapi, alu siti agi resipi ka diuji aku pagi tadi iya nya sardine puff ngena roti canai. Taja sardine puff tu manah gamal dipeda, iya ka bendar sardine melut mimit ari kulit iya!! Kelalu mayoh di-isi! Tang amat muntang ga ngena roti canai ngaga sardine puff. Tau digaga baru nya ila, ma bisi meli roti canai ari SF Supermarket.

Turkey pot pie tu digaga aku minggu nyin kemari. Aku tetemu resipi ka muntang amat ba bup mit siti, bup ka ulih aku meli ari library (clearance). Pot pie nyamai digaga alu tau disimpan dalam freezer nganti maya ti ka makai iya.

Enggai nyadi becherita pasal makai enti ka tubuh mengkang slim! mrgreen Ila nyerita pasal diri ti ka keep fit!

9 comments:

  1. Bendar ngunsut mata..... sardine puff nuan 'bajik' ari nggi Lesley. Pie nuan? OMG... very tempting and.. ahhhh... perfecto! Ready made crust kah Turkey pot pie nuan nya? cantik amaaaattt..

    ReplyDelete
  2. Pat, no comment pasal itit aku nya? Hehe, nadai ngena red coloring. Bajik agi puff aku nya? Jeles Lesley legik! Au, ngena ready made pie crust meh aku, laban ka alu enda nemu, tambah mega kiroh, ngaga crust. Turkey breast ka dikena kau digrill aku dulu, sebedau disirap into cubes.

    ReplyDelete
  3. Yummy, yummy itit panggang. Aku ka amat meh makai itit panggang. Tiap kali kami menyanak bisi ngerami pengawa sebilik, enda tau enda itit panggang masuk menu. Ukai mandok kediri, meli ari pasar! He..he..he.. Kudos Puteri laban udah nemu mimit manggang itit. :)

    ReplyDelete
  4. assapai... nelan ai liur aja meda. dah aki ni.

    ReplyDelete
  5. apuuu tetengguk meda itit pangang nuan! Udah aku nyengguk ke blog pangan nuan. padu itit masak mirah cina, amat nyamai itit panduk baka tu.Tau ngena ready made puff kena ngaga pie kena ngaga sardine puff kini ? Ba kami ditu, lalu bedau tetemu ke roti canai. Kelimpah ari kedai cina, nadai kedai Thai enggau tambi ditu. Munyi ke padah nuan keutai ngasuh ngiga frozen canai di kedai 2 iti nya.

    ReplyDelete
  6. Itit nuan????

    laki ku nyo manjung apoooooooooooooooooooooooooooooo.. nyo tetenguk ya meda gambar nuan nya punya pasal.. siapla aku ila diasoh ya manggang itit baka nggi nuan nya. hahahahhhaha...

    ReplyDelete
  7. LF, tau belajar manggang itit ka diri empu! Hehe, enda pedis!

    KM, Lyana, Pat, enti semak nyau ngangau kitai beserumpu makai itit aku nya!! Agi bisi setengah dalam peti ais dia!

    Pat, expert cook baka nuan nya, gerenti nadai beleman manggang itit nya! Lesley dah bisi resipi!

    ReplyDelete
  8. aduh expert cook katanya hahaha.. hmmm.. best eh beserumpu makai itit ba rumah Dor.. hahahah.. sambil ngulam akaidai..

    ReplyDelete
  9. jjack3:43 AM

    bakani cara mandok itit nya? ulih nerang ka ba jako iban?

    ReplyDelete

Related Posts Plugin for WordPress, Blogger...