Friday, March 06, 2009

Goose Whisperer

Bulan dua tu tadi, tiga iko ansa kami nyau ... dipelabaka diempa ukui kampung (coyote). Ba menoa kami ditu endang mayoh ukui kampung, nadai tampak siang hari tang ma malam hari endang didinga kaik kaik.

Leboh kami ka ba Los Osos ujung minggu tu tadi, irau endar ati ninggal sida ansa. Sebedau kami mupok, sida ansa udah dikurung dalam dua iti sangkar. Tang siko enda ulih begulai enggau sida bukai, dipantuk sida ka bukai, alu ditinggal dalam gate ba belakang rumah. Kasih tudah nadai ansa bukai enggau begulai. Irau endar kami enggai ka iya terbai ari gate, alu nyadi umpan coyote!

Nasib ga maya nya, siko ari pangan kami bisi nulong ngemata rumah enggau sida ansa. Panjai cherita siko tu, mina aku ulih nyebut iya kena tendang bini iya ari rumah ....

Enda entu arap kami duai Doug ninga iya nyerita (talifon) madah ka ansa ka dalam gate nya nyu udah bepangan enggau iya, makai ari jari iya, enggau tau diberap iya. Ila nuan ngajar kami kati ko nyinak ka ansa, ko Doug madah ka iya.





Ko Cory, tunduk pala nuan, alu ansa nunduk enggi iya ga, tunduk nuan baru pala nuan alu nunda ga ansa nya ... ansa alu mansang ngagai iya.



Cory ngangau ansa ngagai beledi ai, mansang ga ansa nya alu nyelam pala iya dalam ai, chepuk chepuk ansa nya mandi dia! Amat alit ati aku meda!




Endang jinak endar ansa nya begulai enggau Cory.



Baka enggau anak ukui iya enggau ansa nya .. dipurus iya, ansa tak gaga gamal iya kena purus.


Nah, diberap iya ansa nya, apa agi ansa nya, alu ka nepan belakang iya! Haha, ka bendar ansa nya ngumbai Cory nya ansa indu! Nya kebuah iya ka nepan belakang Cory! Hehe, iya ga maya saduai ka nunduk pala enggau pangan diri, kira ka courtship dance sida ansa!!

Ansa nya enggai meda Doug tauka Duncan bediri semak Cory. Alu meresih ka mantuk saduai! Jeles iya! mrgreen

Anang nganti aku bejinak enggau ansa, wai! Enda ibuh!

7 comments:

  1. Nemu amat ia nyinak ke angsa, enti dog whisperer kala aku ninga. Namalah cara ia nyinak ke angsa nya?

    ReplyDelete
  2. 'The horse whisperer' cerita by Clint Eastwood udah aku meda. Pasal ia ke ngubat (psychogically) jelu kuda ke udah bebadi maya ke belumba tauka anak kuda mati indai. Sinu meda cerita tu, but as always happy ending! Goose whisperer, baru ia aku ninga. Amazing endar sida jelu tu. Manah endar ansa nuan, rindu meda.

    ReplyDelete
  3. :D

    so touching to see a kicked from the house man ulih nyinak ke ansa. Hikmat disebalik Hikmah kisah idup ya. Kasih kan meda Cory and the Goose?

    *my POV is rather different hahahahaha..

    ReplyDelete
  4. Just to inform you, I've been removed to http://wilsonphua2.blogspot.com...

    The apology post is still there...http://wilsonphua2.blogspot.com/2009/03/im-sorry-to-all-iban-race-out-there.html

    ReplyDelete
  5. Wilson, I don't blame you for restricting access to your main blog. What you should have done was to temporarily disable comment on your blog and temporarily remove the chatbox. This will blow over after a month. After a month you can remove that apology post, and hopefully life will go back to normal for you.

    I think more people heard about that post because others also mentioned it somewhere in their blogs or forums ... so those new people leaving their angry comments are not my readers.

    See, there are consequences to your actions, and sometimes these consequences are most definitely not good.

    ReplyDelete
  6. Cuthess, chara iya nyinak ansa nya ... betunduk ka pala, nunda ansa ... peda gambar Cory nunduk pala. Kemari Duncan kena gagai ansa nya, rauh rauh beranda lari! Haha.

    Pat, amat sinu aku meda Cory enggau ansa nya .. sama sama lonely saduai iya. Ma Cory mansa ansa nya, dipurus iya, nadai meh ansa nya ibuh ka iya. Tudah Duncan nyu digagai!

    Lyana, goose whisperer, Cory ka ngumbai diri iya goose whisperer. Amat nemu endar iya nyinak ansa. Endang bekawan manah saduai iya!

    ReplyDelete
  7. Eeeee...
    aku takut amat ke jelu ansa ngau kulok...phobia amat aku...hehe

    kasih gak ku meda unggal wilson nya, nyau ka balat ndar gak jaku bala sekeda. But that's life... every action has a reaction.

    :D

    ReplyDelete

Related Posts Plugin for WordPress, Blogger...