Monday, March 30, 2009

Penusah Iban

Aku baru udah bepeda ka video ba DayakNationTV, bepeda ka gaya kitai Iban diperinsa ka perintah, bepeda ka gaya kitai Iban mina peli-peli mata meda temuda dirampas perintah, enggau rumah panjai diruntuh perintah.

Gambar diambi ari DayakNation.com


Ni meh maya kitai Iban ulih ngetan ka tanah enggau pesaka diri empu ari dirampas ulih perintah enggau ulih kempeni ti udah dikemendarka perintah ngerampas reta nya ari kitai?

Nitihka dipadah Cobbold John ari Dayak Nation, tu meh baru iya meda penyukong ti ukai ari BN lebih mayoh ari penyukong BN maya orang ka nganjong nama/calon ti ka bediri ba pengawa pilih mit ba Batang Ai tu tadi.

Enti berita nya amat, teperansang amat meh aku. Lama endar aku udah nganti bala Iban ngubah ka penemu sida alu badu agi milih orang ka semina bejako tauka besemaya meri pemansang ka menoa pegai Iban tang nadai kala mai pemansang ka udah disemaya.

Kitai Iban enda ibuh beguna ka aktivis baka Harrison Ngau, laban nyadi aktivis mina ngasuh kitai kena tan perintah dibaroh undang-undang ISA. Lebih tampak kitai tu udah fed-up, kitai enggai agi dikemeli ka orang ti bejako ngena dilah dua chabang - lebih manah kitai mandang ka pengeransi enggau pengeringat kitai ngena jalai undi.

Kitai Iban patut ngangkat ka sida Iban ti amat-amat beberat ka pemansang bansa kitai Iban, ukai orang Iban ti mina ka ngemansang ka diri empu, tauka mina ka ngisi periok diri empu leboh ka diberi kuasa megai perintah.

Badu agi kitai ngundi calon ti bediri ngari ka BN laban endang udah ditemu barangsapa ti bediri ngari perintah BN enda ulih nulong kitai Iban, kelebih agi Iban ka diau di menoa petisir. Aku sigi alit ati - diberi duit RM20 - 50 alu enda nyadi milih pengari ari parti pembakang. Murah endar rega undi kitai nya! evil

Sepengelama aku udah enggau orang ngundi, endang nadai kala enggau orang ngundi parti BN. Endang temu calon ka diundi aku nadai jalai menang, enggai meh enda ngundi calon aku nya. Kebuah iya? Awak ka perintah nemu enda samoa orang setuju ka pengawa ti dikerja sida!

Tukar perintah kitai! Badu agi kitai dikemeli ka perintah ti barangmaya tau ngerampas tanah pesaka kitai, ngeruntuh rumah panjai kitai alu nadai peduli pasal peneka kitai! Umbas!

9 comments:

  1. John Cobbold Lusoi.. anak Mr. Lusoi ke ngajar St. Luke kelia.. ehhehee...suba berdiri ba Balai Ringin ngelaban patunggal laki ku.

    ReplyDelete
  2. Anonymous10:02 PM

    au amat ko nuan nya puteri!!! nya meh diatu kemaioh agi bala nyau nyadi member PKR @ DAP. Ba saratok dah bisi meh pengari @ parti PKR (D.Seri Anuar). Event ka nama Batang Ai ka ditukar separat taik mahmud to Air (nyangka nya ai B****pittt ya kini...hahaha). kelalu nadai respect ka culture & adat bansa bukai & kitai Iban pedis amat ka say NO @ nyagka nya nadai daya mega. kenu ko kementerian deko memelihara adat & budaya...tu nya "mulut nyebut patung nda engkebut"... tang diatu bansa kitai Iban jauh udah bulih runding ti ulih @ deka meri pemansang ka semoa, nda baka jabu - bjako baka ai awik (pasang surut) & selfish!!!

    ReplyDelete
  3. http://www.youtube.com/watch?v=RX8in2voMl0
    http://www.youtube.com/watch?v=fzm5BwNH8xM&feature=related

    Udah nuan meda video dua iti tu? Akai daiii......nya ia gamal penemu scientist iban siku tu !!

    ReplyDelete
  4. panas heh topic tu puteri...

    ReplyDelete
  5. Sigi panas topic tu!

    Baru aku meda video nya. Ahh, same old same old lah. Sapa berani bejako, mesti berani tanggung nyawa diri empu!

    Sapa kitai enda nemu sapa dalang dalam wayang kulit ba menoa Sarawak?

    ReplyDelete
  6. Aku nyukong jako nuan nya Puteri. Udah berapa kali kitai meda ulah bala kitai iban ka megai perintah nundi serta ngemula ka bansa diri empu, tang agi ga enda masuk runding bala sekeda kitai.

    Maya tanah tembawai enggau rampa menua ka alai bumai, alai betanam getah, alai begiga ngasu jelu burung ngelamatu nyau deka diambi perintah, nya baru bansa kitai alu mandang ke pengringat diri. Bah? Sapa ka ngundi milih perintah tu suba deh?

    Maya bepilih endang nadai enda sida “si-pandai” bejako madah ka diri ngari ka rakyat alu nulong rakyat ngaga pemansang. Tang ma udah bulih penudok megai perintah, semua jako nya tadi alu lesap! Janji kosong aja. Iya ka dipeda semina iya ngulih ka penyamai enggau pengelantang ka diri empu. Bah? Ni enggi kitai ka bukai tu deh?

    ReplyDelete
  7. sigi baka iya meh nya......

    kdg2 kitai empu ke belik laban ka dikemeli ke bala perintah.......

    ReplyDelete
  8. Amat sigi baka iya meh nya. Kemaya agi mata kitai tu enchelak?

    ReplyDelete
  9. Perintah diatu ngena chara baru...barang sapa ka enda nyukong sida iya ba pilihanraya..tuai rumah deka diganti sesuka ati sida iya..enda sida iya ingat tuai rumah tu ukai peneka ati sida iya nukar tang ari purih rintih tuai ka dulu suba.....

    ReplyDelete
Related Posts Plugin for WordPress, Blogger...