Tuesday, March 31, 2009

Penusah Sarawak

Agi nampung cheritaka tulis aku kemari .. Bisi bala kita meda program ba AlJazeera pasal 12 iti empang ai ti deka digaga perintah menoa Sarawak? Enti kita apin meda ditu enggau ditu alai meda video nya.

Bisi kita ninga James Masing nerang ka kebuah kitai ba Sarawak beguna ka karan 600% lebih ari ka diguna kitai? Malu endar aku ninga bansa kitai bejako nyukong pengawa perintah ti ukai semina ngeruntoh pendiau bala orang menoa petisir tang mai pengaya enggau untung ngagai bala ka endang megai perintah menoa kitai.


Iban baka James Masing enggau Iban baka sida ka ngangkat Taib (peda gambar), sida tu meh ngemeli kitai bansa Iban. Kati enda ngaga jako munyi nya? Ni, bisi kitai ninga sida mantah pengawa kempeni ti ngerampas tanah pegai Iban enggau bansa bukai ka diau ba menoa petisir? Ni, bisi kitai ninga sida mantah pengawa perintah ka ngeruboh rumah panjai kitai Iban? Ni nya kala ninga sida mantah! Iya ga sida ka megai perintah!

Bala Penan ka diau ba rumah panjai ka dipeda ba gambar atas, deka diampuh enggau ai laban kena meri jalai empang ai digaga. Sapa bala Penan ka meda tanah alai bekebun, tanah alai ngasu, tanah alai ngiga pemakai, diampuh enggau ai? Sapa bala Penan ka pindah ngagai tempat ka diberi perintah alu mina nerima tanah se-hectare aja? Kapa utai ngemesai nya?

Bala ka udah dipindah maya empang Batang Ai enggau empang Bakun digaga, nama penguntung sida? Tau nyabut bulu mata, ka sema!


Rumah Jamilah Taib, di Canada, berega CAN$ $9,609,000.

Tang bala ka megai kuasa, enggau bala bini anak, kaban belayan diau ba rumah nyu baka rumah alai sida Queen diau! Kitai Iban, kitai Bidayuh, kitai Penan, diasoh pindah, dirampas tanah, diruboh rumah panjai ...

Sapa empu menoa, sapa megai perintah, sapa kena tekan? Sapa empu undi? Kena undi kitai ngambika pendiau kitai, bansa kitai badu agi dikemeli orang ka tama ka pangkat enggau pengeraja diri empu!

10 comments:

  1. Malu malu malu !! Serta pedis ati !! Malu ke pemesai bansa kitai tak sudi digaga baka puppets. Pedis ati, laban si buban nya majak semajak mutip reta tengkira ke ia empu enggau sida sebilik, suku juru ia, 'nginsap' darah rakyat diri empu baka ulat lemetak !!!!

    Ngarap ke maya ngundi ke ka datai ila, bala pengundi anang saru calun undi agi meh!

    ReplyDelete
  2. tuai kitai iban nyu majakka diri nilat burit raja lanun,nya ia jadi endar arrr...
    endang digiga sida iya kitai ke merinsa.kitai iban diatu enda nyalah2 baka org pelestin....

    ReplyDelete
  3. Pedih ati, malas enggau 'fed-up' mun ka bejako tauka becerita pasal politik kitai bak Sarawak din. Sigi 'meluat ati' mun meda muak sidak YB kitai Sarawak din. Si taik Taib nya iboh padah agi! Nadai nemu pencen urang tuai nya. Taib nya sigi kaki belit. Guna bala sidak YB bansa kitai sigi no 1 ia! YB kitai nya satu ngak, makai taik Taib aja. Semua kerana ka jaga poket enggau nama diri masing masing. Suara rakyat sigi nadai di dinga sekali (ref to bansa dayak). Jadi kuli aja meh bak mata sidak. Mun nadai kitai, sigi parai sidak nya. Beguna ka tulang kitai mun dah ka ngaga utai! Pei!

    Aku tu dah puas meda enggau ninga utai di gaga sidak urang politik tu. Jaik! Nya kebuah aku sigi nadai respect langsung ngagai sida ia (From my true experience).

    P.S. minta ampun mun aku tu terlebih bejako. Tang nya lah dunia politik bansa kitak. Makai sama diri!Urang tek nadai salah nyadi mangsa!

    ReplyDelete
  4. anne..ko mom aku orang ti kelalu mayoh dosa sigi panjai umur laban tuhan meri masa ka repent!!..sigi enda bula..laban orang iban ka kaya makin kaya ka merinsa di lak aja ditindas!.ngrap ka ila semua bangsa kitai muka mata.masa udah tiba kitai ka ngambi semua hak milik aki ini suba..

    ReplyDelete
  5. Anonymous5:19 AM

    Puteri...
    Nama nuan tak nyau maioh nyebut pasal politik? Aku selalu macha blog nuan, laban rindu macha pasal kita ka nupi angsa, anak dua iko setiap holliday, nemuai bejalai ka menua entua, pasal San Luis Obispo, San Sameon, Tracy, Sacto serta alai bukai ba Bay Area...
    Tang diatu... nyau lain topic, manah agi tinggal ka politik tu.

    ReplyDelete
  6. Huh? Mayoh nyebut pasal politik? Eh, nadai nya mayoh, kada bisi medua meniga kali kini dalam setaun aku bisi bejako pasal politik!

    Aku bejako pasal topik tu laban nyaut berita ka dipansut AlJazeera. Utai ka disebut bisi bekait enggau kitai bansa Iban, enggau menoa Sarawak kitai. Aku jarang bejako pasal politik Sarawak laban aku nemu agi pasal national politics Malaysia. Kala macha blog politik aku ba http://puteri.us?

    There are two subjects that can get really get my goat. Politics and religion. Nya ko orang ba menoa tu, never talk politics and religion with strangers and with your family members. Tau ngasoh belaya. ;-)

    ReplyDelete
  7. Pu balat dadak sida pemesai menua kitai tuk, ni ko jako suba kak nyimpan kampung laban ngembuan kayu tropika paling tuai di dunia kelebih agi tuai agi kampung Amazon, dahlah menua mit digaga bakanya gak, jelu antu nadai untak. ataib nya nyu kak parai dak tahun lepas agi kak ngasak kediri nyanyuk. Enti maia kempen nya baru ia, bantai ke magang semua bangunan enggau jambatan, tang ukai ngena duit kerajaan negeri ngaga nya, bagunan kompeni cina serta jambatan syarikat sanyang ke dibanatai, pui tekang pemula. Padah aja kak ngiga jalai membalak semua kampung puang di menua ulu. sumpit enggau burit ia nya awak ke tungkut. pedis ati ku ninga.

    ReplyDelete
  8. Anonymous7:33 PM

    Ris, peda nuan website tu for more sarawak politics and it's so sickening: http://thebrokenshield.blogspot.com/2009_04_01_archive.html

    ReplyDelete
  9. Anonymous8:34 AM

    Puteri, easy for you to talk about politics coz u n ur 2 kids r in the States. But don't forget, not everyone of ur familia is living there. For the sake of those who still breathe in Sarawak, I would prefer for u to just stick to the old topics, (u know... your day in day out Martha Steward stories)

    ReplyDelete
  10. Anonymous, you don't think I'd let that condescending comment go without a response, did you?

    Well, I have given a whole post to that comment. Enjoy!
    http://www.puteri.me/2010/04/me-shut-up.html

    ReplyDelete
Related Posts Plugin for WordPress, Blogger...