Monday, April 20, 2009

Angat Hari!

Hari kami ditu nyau mupok angat.

Hari enam enggau hari minggu tu tadi, keterubah iya aku pansut enda bekena ka jeket leboh pagi hari enggau malam hari. Kemari, keterubah iya aku ngena baju t-shirt enda belengan, alu bekena ka baju pandak lengan leboh ka tindok malam. Ngelama tu aku ngena baju tindok digaga ari fleece.

Peda gamal hari kami sahari tu! Angat agi ari hari di Miri din! Hari nyu udah pukul 6.25 lemai tang pengangat agi 33 Celsius. Nitih ka ramalan cuaca nya, hari angat tu mina meniga hari tu agi udah nya pengangat iya baka ka patut maya musim bunga. Ba menoa California ditu, taja hari angat amat leboh siang hari, tang ma udah malam jampat ga hari nya chelap laban nadai entu bisi awan ba langit din.

Taja diatu udah musim bunga sekeda bala kitai ka diau di menoa Canada din, baka endor sida Cuthess enggau David Rangga, tak agi chelap amat din. Ba Thunder Bay alai David Rangga tak agi bisi salji!! Enda tan aku enti musim chelap ngemanjai nya!

Bala anak nyu bemain ai meda hari nya angat sahari tu. Peda saduai betuchi ka bisin alai saduai ka berendam. Kemari, Denice nyu chelum gamal isi bai bemain ai ba panas terit.

Meda hari nyau mupok angat, aku ngasoh Doug ngechek air-cond ba samoa kerita kami. Parai enti bejalai jauh maya hari angat enti air-con rusak!! Asai ka diau dalam oven! Dua minggu tu ila, kami ka ke Los Osos baru, alu van ti ka dikena udah rusak air-cond. Aku enda sanggup nepan van nya enti air-cond enda bejalai. Ka ringat alu ka nganu orang ma udah angat! mrgreen

Puteri's Signature

7 comments:

  1. Tuk kali ke 4 aku dah ngarang koomen, lalu enda pansut komen aku ba blog nuan, nama kebuah ah? Nguji ngapa.

    ReplyDelete
  2. Ah sorry, tuk ia dah pansut komen sangka ku enda nyadi baru. Nya gamal Duncan enggau Denise bemain neh. Kami ditu dah angat meh ari, bisi 20c sarituk. Orang maioh dah pansut mai ukui bejalai lemai, sida ke biak bemain skate board, bala jiran pansut enggau motosikal kuasa tinggi magang. Pelaba aku sama meh baka ba USA din, nadai moto kapcai mina bisi moto besai aja.Aku nervous selalu diau kediri ba rumah, semampai maioh orang mansa depan rumah, tambah rumah kami ditu nadai berpagar baka ba Malaysia din, takut belama aku. Bisi orang ngetuk pintu salah rumahlah, bisi orang ke ngutip botol recycle kena charitylah, bisi orang nganjung flyerlah, bisi ke Jehovah witnesses, eh macam-macam.

    ReplyDelete
  3. Kami ditu angat meh demalam, sampai pagi tinduk ngena A/C, enda ngena auto timer.

    ReplyDelete
  4. Thunderstorm kami ditu !! Balat endar...takut oiii.......

    ReplyDelete
  5. Cath, aku enda nemu kebuah nuan pedis ninggal komen! Kekadang Blogger tu bisi hal mimit. Udah dibalas komen nuan tadi tang tertekan close browser p'lak! Pedis ati, tebasau aja effort aku!

    Sigi baka diau semak pasar, Cath, kelalu mayoh orang lalu lalang. Tang nyamai ga laban orang enda berani break-in laban selalu dipansa orang rumah nuan, baka rumah apai aku endang tisi jalai amat2!

    Ditu motosikal mit tau dikena sebelah pasar tang enda tau dibai ngagai highway. Pagi tadi bisi aku meda indu siko nepan scooter! Singin aku ka meli scooter! Hahaha.

    ReplyDelete
  6. PT, angat di Malaysia lain .. kelalu balat humid! Tiap kali aku pulai, akai sebulan baru aku enda entu ngasai humidity! Ditu, angat rangkai .. tau bedarah idung gasak rangkai. Dah nya static electricity agi .. ma negu utai alu kena shock! Begedi amat!

    ReplyDelete
  7. Lyana, maya kitai chatting tadi, nadai agi thunder storm neh. Rusak program ma hari ujan!

    ReplyDelete

Related Posts Plugin for WordPress, Blogger...