Thursday, April 30, 2009

Belajar Bahasa Arab

Sapa bala kita nemu bejaku Bahasa Arab? Ibankiih, nuan nemu? Meda nuan ka udah gawa ba menoa Lebanon, nya kebuah nanya.

Pagi tadi aku bisi ngorder CD kena belajar Bahasa Arab. Huh? Bahasa Arab? Nama kebuah enda ka belajar jaku Mandarin, tauka jaku Peranchis, tauka jaku Jipun? mrgreen Ka meh aku belajar jaku tiga bengkah nya tang ka diatu aku ka belajar jaku Arab. Leboh aku berati ka jaku Arab mayuh ga leka jaku dikelala aku laban jaku Melayu mayuh nginjau ari jaku Arab.

Agi aku Pom Satu kelia, aku bisi belajar Jawi mimit. Tang nadai entu masuk untak, nyu abis salah tangkir urup Jawi!! Pelaba aku enti aku belajar tulis Jawi diatu, jampat agi aku nangkap laban nyu mereti agi chara urup nya besambung. Pelaba aku meh!

Sapa kala ninga nama Father Zakaria Botros? Enti enda kala, taip aja nama iya ba YouTube. Mayuh video jaku Arab dikeluar sida Father Zakaria dia nadai dialih bahasa. Aku ka ninga semua jaku ajar iya dia kelebih agi iya ka negu pasal agama rasmi menua kitai.

Uji berunding. Enti aku nemu jaku Arab, alu ulih nyalin (ngaga subtitle) video ti ngundan jaku ajar Father Zakaria ngagai jaku rasmi menua kitai .....


Puteri's Signature

Bookmark and Share

Dikarang Puteri kena 4/30/2009 03:06:00 PM

5 iti jako balas:

  1. Aiyee? Meh belajar bahasa Arab nuan wai? Hehehe...Pama neh wai...nambah penemu bejako ka bansa bukai. Aku bisi meh ati ka belajar jako jerman enggau jipun ila lusa. Semadi enda nambah ka penemu.
    ReplyDelete
  2. Kenu, lah Charlene. Anang2 panas tai ayam aja! Ni nemu ma dah nemu amat ila tau gawa ka CIA kah, FBI kah ... heheh.
    ReplyDelete
  3. Ukai semina bisi sebaka enggau jaku melayu wai..sekeda bisi sebaka enggau jaku kitai Iban arr...chunto ia:
    ila liqa=ila betemu baru.
    maneh=manah.
    maya ke din suba kami endang bisi kelas jaku Arab seminggu sekali(sejam setengah).Tang enda meh masuk...utai ke mudah memimit nya(basic)nyangka tau ga kini dikenyadika....seraya ke ngembal ke utai ngapa hahaa...

    :http://www.geocities.com/uthan.geo/

    Siti agi pansik madah ke bansa Iban tu datai ari semak Mecca di timur tengah, pindah ke Sumatra. Ari Sumatra Iban pindah ke Borneo, napat ke Batang Kapuas sebedau pindah ke Sarawak. Tang taja pia, bisi mega raban bansa Iban ke ukai datai ari Kapuas (non-Kapuas ancestors). Raban sida nya diulu ke Sabatin enggau anak iya Drom. Sebatin datai ari Timur Tengah. Ba naluri aku asai ke bisi pengamat senentang tusut penantai kitai Iban.
    ReplyDelete
  4. ...Siti agi raban ke ukai datai ari Kapuas iya nya dibatak Merom Panggai ke datai ari Gunung Mensuat, semak Mecca di Saudi Arabia. Merom Panggai beranak ke Merom Panggah. Merom Panggah beranak ke Abang Musa. Abang Musa beranak ke Pateh Simpong. Nyau datai be tuboh Pateh Simpong, iya matak bala iya pindah ari Sumatra ke Munggu Merudu, semak Munggu Majista di Brunei. Anak Pateh Simpong ke benama Pateh Rejap bekerja ngumpul chukai di Bintulu; nyadi wakil Sultan Brunei. Anak Pateh Rejap ke benama Raja Rendah diau di Mukah. Ari Mukah, Raja Rendah pindah ke Batang Kapuas sereta diau di Batang Ketungau. Raja Rendah beranak ke Pateh Gurang. Pateh Gurang beranak ke Pateh Iri ke beranak ke Pateh Teliang. Pateh Teliang bebini ngambi Dayang Simba lalu beranak ke Pateh Ambau ke bebini ngambi Remias.
    klik ba Mulai ke pengingat-penantai bansa Iban.
    ReplyDelete
  5. hmmm.. aku agi ulih macha jawi. tang nda la lancar baka kitai macha jako ribai/melayu. enti Utusan malaysia ke dlm jawi nya sigi dibacha aku ba office. aku kelia belajar jawi ari primary satu nyentok primary enam.
    ReplyDelete

Subscribe to: Post Comments (Atom)