Sunday, May 10, 2009

Makai Dim Sum Beserimbai Hari Indai

Pagi tadi bala anak tumu tama ke bilik tinduk aku alu meri kad Selamat Hari Indai. Ni kek, ni bunga, alu ni breakfast in bed aku deh, ko aku beduan saduai. mrgreen Udah kami meri present, ko saduai ga. Sigi amat ga present beg kain digaga ngena gam (ukai dijait!) enggau leka bunga udah ga diberi maya ka ngintu Hari Indai ba sekula sida hari lima tu tadi.

Badu sembiang tengah hari tadi, kami alu beguai mupok ka Rice Bowl Seafood Restaurant di Sacramento. Kada nadai entu utai agi maya dia, ko Doug, meda jam nyau udah pukul satu lalu. Enda patut nadai dim sum agi, ko aku, kada enda penuh orang ba restoran sahari tu!

Sigi amat. Sereta kami datai ba endur parking kerita, meda kerita agi mayuh dia. Bisi nya alai din, ko aku, meda ngemayuh nya ga orang pansut ari restoran nya.

Restoran nya sigi popular alai orang makai dim sum tang laban sahari tu Hari Indai, balat agi pemayuh mensia makai dia. Nyu ngambi lumur dulu alu nganti dikangau baru ulih duduk. Ngemayuh nya ga orang agi datai taja jam nyau udah pukul satu setengah ngalih hari.

Eh, lawa aja kaki manuk nya dia! Bala anak ngerara alu kejik meh saduai meda kaki manuk nya! Kinsil! Indu cina ka ngidang kami agi dia, alu ngasuh iya ngambi kaki manuk nya pulai.

Aku alu ngorder kulat bepuak dagin kena nganti kaki manuk nya.

Duncan mina makai asi pulut ke dibungkus enggau daun lotus, alu Denice mina makai dim sum kerigai babi. Nyamai magang dim sum dia sepi aku, nya meh nyu nagang diri ari ngorder lebih enggai ka leka mata besai agi ari perut! Nyamai tang masin. Bendar neruju ai teh enggai ai chelap. Ka penudi iya aku ngorder agar-agar begulai susu cair kena nuchi mulut laban enda tan agi asai nyawa makai utai masin.

Maya kami pansut ari restoran jam pan nyau udah ka pukul dua setengah alu orang pan nadai mayuyh agi ba restoran nya.

Bah, bakani bala kita ngintu Hari Indai?

Puteri's Signature

8 comments:

  1. Selamat Ari Indai nuju nuan Puteri.

    huhuhu, kasih mih tudah bala kaki manuk dipulaika baru.

    ReplyDelete
  2. Happy mother's day ngagai nuan, lawa kitak makai dum sum, asai kak ngasak ke glutinous rice ba Jumbo Dim Sum pagila. Mother's day tuk tadi sida mentua aku bisi ba Edmonton, lalu ku booking open table, keluar makai ba resturant pemakai orang peranchis The Creperies lalu ngasak ke wine sebotol sida mentua laban ke special occasions belated birthday FIL & Mother's day ngagai MIL. Manah amat restaurant nya ba ruang bawah tanah bangunan lama, asai ba Paris meh makai diak, heheh kada kala ke Paris nemu nyebut aja, hehe. best compliments ngagai The creperies.

    ReplyDelete
  3. Anonymous12:53 AM

    Cath, aku deka bepeluang ari ruai Puteri tu, meri nuan 'Happy Mother's Day' ga! hehe wah! bisi ngorder 'crepe suzettes' nuan ba The Creperies nya?? Ditu mayuh endar creperie tu, endang tebilang di menua peranchis.

    Puteri - aiseh, lawa kita bisi kaki manuk ba restoran cina nya! kami ditu suntuk endar menu ba restoran cina dia. :-( semadi nadai...tambah lauk ga enda tau digulai aji-no-moto (nadai ga tentu ngawa), nya lagi lauk cina di tabak ke daun persley instead of daun sup teleba kitai. iya cina ga empu restoran nya...cihhhh enda berapo !!

    ReplyDelete
  4. ayihhh nama tak jadi anonymous aku pulak??!!!
    saye leeee... Lyana ari Parihhhh !!

    ReplyDelete
  5. I spent the day sleeping off the after effects off FP... Sida parents aku pulai ke rmh pji. Huhu

    ReplyDelete
  6. KM, terima kasih.

    Cath, eee lama dah aku enda makai crepes .. ditu pancakes ... tebal, eh, enda entu minat aku!! Ba Edmonton nyamai, mayuh pilihan chinese food dia.

    Lyana, kasih kita dia nadai restaurant cina menyana. Nasib ga bisi Rice Bowl ba Sacramento ditu!! Endang authentic chinese food dia. Iya ka bukai menu udah diubah to suit American taste ... semadi enggai driba jauh meh enti makai ba restaurant baka tu! Engka problem restaurant cina ba kita dia baka nya ga ... menu to suit french taste, maybe also pedis ngiga raw materials kena ngaga authentic chinese cooking! Biar aku enda pegi enti enda nyamai!!

    Chris, udah gerai manah nuan? Aku tu kala enggau orang food poisoning ... berapa kali enda udah!!

    ReplyDelete
  7. Lyana aku rasa bisi ba menu crepes suzettes nya, tang mentua laki ku order salmon crepe mentua indu order beef stroganoff crepe, brett order lamp shank, aku makai mussels panduk enggau garlic sauce enggau white wine, yummy ila datai baru nguji menu bukai. rega pun umbas ia, restaurant tu nerima award paling romantic ba Edmonton.

    Puteri, nya meh maioh amat restaurant cina ba Edmonton ditu ba China Town. Mentua aku dah alert ila enti sida nurun ke edmonton baru ngiga pemakai cina enggau vietnam ba china town ko sida. Aku enda nguji maioh restaurant, selalu ngagai Sizchuan Castle tang pemuas makai diak nyu leju.

    ReplyDelete
  8. Cath, nuan mesti ngiga restaurant cina ka bisi menu endang original pemakai cina .. enti nuan tetemu ka restoran cina magang duduk dia, nemu nuan pemakai ba restoran nya nyamai!! Baka Rice Bowl kami ditu ... endang siko dua kini, orang ukai bok nchelum! Endang temu asli menu dia. Heheh.

    ReplyDelete

Related Posts Plugin for WordPress, Blogger...