Wednesday, June 03, 2009

Lauk daun entekai

Pagi tadi aku bisi nurun ngagai pasar minggu. Mina ba pasar minggu tu aku tulihka sekeda sayur ka dikerindu kitai Iban. Aku ngiga daun ubi laban kaban kitai Cuthess di Edmonton, Canada din minta kirum. Kasih tudah tenguk ka daun ubi! Tang amat kasih endar ga laban nadai bisi daun ubi sahari tu. Minggu nyin ila engka bisi ko indu bansa Hmong madah ka aku.

Kenu, ma bulih daun ubi, alu dikirum sahari tu mega, ngena overnight UPS, tauka 2-day UPS.

Lebuh ka ngiga daun ubi, aku alu ngerandau indu cina siko. Gap amat gamal indu cina tu. Iya nanya aku enti aku nemu apa nama sayur ka dipegai iya. Nadai aku nemu, ko aku. Kami duai enda entu nangkap nama sayur ka disebut lelaki Hmong ka nyual sayur nya. Indu cina tu rindu nguji sida sayur ka enda dikala dempa iya.

Udah nya aku alu mindah ngagai orang nyual sayur siko da, meda iya biak agi, alu terang agi jako English iya. Paduhal iya bansa Filipino. Macham macham sayur enda kelala aku bisi dijual dia. Nanya meh aku nama sayur ka disebut lelaki Hmong tadi. 'Nightshade' nama sayur nya.

Aku nguji bayam cina (chinese spinach, gambar atas) sekali tu laban laku endar sayur nya peda aku. Slimy sayur tu ko lelaki Filipino nya. Slimy baka kachang lendir. Siti sayur ka laku amat dikumbai Okra Leaves tauka sayulo dalam jako Tagalog. Sayur tu pen slimy, tang bisi manis asai iya, nitih ka dipadah lelaki Filipino nya. Minggu nyin ila, ka aku nguji meli sayur tu.

Aku bisi mega meli dua ikat daun entekai. Asai ka baru iya aku meli daun entekai ditu. Anang enda nguji mandok kediri empu!

Sebedau aku pulai ke rumah pagi tadi aku bisi ngetu ba supermarket alu meli tunjing janik salai. Nitih ka indu Filipino minggu nyin tadi, tu nyamai dichampur enggau daun peria. Aku ka nguji mandok salai tunjing janik enggau bayam cina pagila.

Datai dirumah, perut pen nyu engkeriok, laban nadai udah makai utai. Bak chang tu dempa enggau kupi pagi tadi. Bak chang ulih meli ari restoran Vietnam hari minggu nyin tadi maya ka bisi ka Sacramento laban ti ka meli janik kena ngerami hari gawai.

Nah tu gamal lauk daun entekai kami lemai tu tadi. Diguring enggau undang kering, chabi, bawang mirah enggau bawang putih enggau sayuk jagung alu ditambah ai mimit. Nyamai, ko Doug. Doug sigi nyamai amat enti pasal pemakai. Semua utai ka diuji iya magang. Nadai utai dikenggai.

Nama lauk kita sahari tu?


*Ooooppsss! Tadi entry tu terpost ngagai blog Puteri's Musings!*


Puteri's Signature

6 comments:

  1. Ketenguk meda daun entekai di panduk nuan Dor. Bisi ga urang nyual nya dia neh. Tua apai Maie rindu amat belaukka daun entekai. Enti aku manduk, beri aku ai mayuh agi, ngambi bisi disirut ku apai Maie!

    Gawai tu tadi mayuh amat sayur diempa kami laban diberi bala kaban di rumah:daun ubi, daun mendai, daun rambing, kachang lendir, kasam ensabi. Ba pasar Selangau tak RM6 sekilo rega kasam ensabi! Ipar aku ngaga kediri, nya ke dipakai kami.

    ReplyDelete
  2. Adui, aku tenguk ka kasam ensabi! Murah ka mar, RM6 sekilo?

    Kami ditu enda jauh ari tempat orang bekebun sayur, nya meh bulih endar chukop macham sayur .. utai ditanam orang bansa Hmong ari Loas, orang Vietnam, orang Pilipin. Amat gaga amat bulih sayur baka nya ba menua kami ditu.

    Laban ka baru iya mandok daun entekai nya kebuah iya rangkai! Ila tambah mayuh agi ai, ngambika bisi kena nguah asi!

    ReplyDelete
  3. Amat untung endar nuan dia. Ka urang madah ke aku, tunga ke Marseille kin (south tip of France) baru mayuh macam local foods (raw or cooked) kitai bisi di jual ba Asian market. Asian community mayuh agi din ari ditu. Ngelamatu ma cuti suah di pansa aja menua tu. Lain kali ka ngetu kin ila, ngiga sayur engka bisi tetemu ke bala daun/kantuk buah baka ba Modesto. Balat penyauh shopping ke sayur nya, 8 hours dribing !!!

    ReplyDelete
  4. Wa, sedap jak lauk nya.
    Tang sayau amat aku enda makai sayur ke 'bebulu'..gatal aku gasak nya.
    Apu, nyamai kah kue chang nuan nya?

    ReplyDelete
  5. Lyana, nya meh amat untung diau endur aku ditu .. mayuh Asians ti ka betanam ka sayur ari menua asal. Pedis aku mikir enti pindah ari endur kami diatu. Ba sida entua aku din deh nadai entu bisi nyual sayur bakatu. Enggai nyadi ga driba ngelima jam ngiga sida sayur!! Hehe, ba iya ila anang enda ngetu ma mansa menua ti bisi mayuh Asians .. rugi enda.

    Chris, rugi amat ka enti enda ulih makai sayur ka bebulu!! Enggi aku nya nasib lelaki Hmong nya madah pasal ngitik kulit batang ka lembut daun entekai! Haha, chuma gatal rekung enti enda!

    Umbas iya ga penyamai kue chang nya ... laban ka enda nemu jako vietnamese main sangka aja puak chang nya!!

    ReplyDelete
  6. Puteri, apuu kasih tudah aku lalu nadai gak daun ubi haha! nadai hal gak enti nadai, enti bisi nuan ngirim gak. aku selalu meda lauk chinese spinach nya ba lucky 97 tang empai kala nguji, sarinya aku inga dua iko cina berandau nanya pangan diri, siti ni kailan siti ni bayam nya laban gamal nyu kak sama mina kailan batang ia kerinag agi. sedap ke?

    ReplyDelete

Related Posts Plugin for WordPress, Blogger...