Sunday, November 01, 2009

Halloween

Kemari orang ba menua kami tu ngintu hari Halloween. Pengerami nya dikumbai Harvest Festival ba gereja kami laban Halloween ukai pengerami pengarap Kristian! Hari nya bala nembiak bepekaian nyelai alu ngetuk pintu orang diau ngelingi sida alu minta sidu ruti manis tauka gula batu.


Aku sempat ngasuh saduai tu posing ka aku sebedau kami mupuk ka gereja. Kasih saduai - tu taun kedua saduai ngena pakaian nya! mrgreen Ba saduai asal bisi ngena pakaian Halloween, iya meh nya! Apin entu nemu milih!

Sereta datai ba kompaun gereja aku alu ngasuh saduai enggau orang bebaris nganti nepan kuda. Denice bansa ka takut ka mayau enggau ukui, nya aku tekenyit meda iya sanggup nepan kuda!

Gaga amat saduai betemu enggau sekeda bala ari sekula sida. Anembiak ka ngena pakaian Superman nya classmate saduai. Pengawa ba gereja kami tu endang tebuka ka orang mayuh - barangsapa tau enggau. Pemakai baka sida burger enggau hot dog, sida cotton candy, sida ai irup endang bisi disedia. Pri magang. Orang ka nemu pengawa ba gereja kami nya, endang ninting taun datai.

Gaga amat anak dara kami nya ngeso ka mua ka udah dichunting orang! Duncan enggai kiruh - enggai muai jam, laban iya ka bemain game ngambi ka bisi bulih sida ruti manis/gula batu. Bulih endar iya demalam, semua game ka bisi dia dimain iya magang, mina game nikam basketball aja iya enda. Denice nadai entu bulih sida gula batu laban iya enggai kiruh enggau orang berebut!


Bala sida carousel, sida teacup, sida hay maze, sida hay ride, sida pirate ship, ditepan Duncan magang. Orang enggai rugi! The best Halloween ever, ko iya! mrgreen

Malam nya bisi peristiwa mimit ba neighbourhood kami. Tengah malam kami duai Doug bisi ninga munyi timbak senapang. Udah nya urung pukul 2.30 p.m. bisi ninga munyi siren kerita police, udah nya munyi helicopter bepusin pusin atas alai neighbourhood kami .... aku nadai entu ibuh, laban benung sakit!! Bisi utai salah dempa aku lemai nya!

Pagi tadi, Doug madah iya bisi pansut bejalai nunga jalai besai kami ... bisi tiga buah kerita polis semak dia, ko iya. Ko polis, bisi orang komplen pasal party ba rumah orang enda jauh ari kami kelalu inggar laban jam udah jauh malam. Lebuh polis datai, dia bisi orang ngelepas ka timbak senapang. Ko polis ti datai ngabas orang ka party nya, orang dia nimbak iya. Ni enda begau bala polis datai! Datai ka helicopter polis enggau begau! Peiii!

Nya ko Doug sigi beli orang ka ngelepas timbak senapang .. enda ngira orang tau bebadi .. enti ukai tekena bala sida ka party, orang ti diau semak ga tau bebadi laban ukai tak besai iga kawasan rumah iya nya.

Naka tu aja cherita Halloween kami ka taun tu!

Puteri's Signature

Bookmark and Share

Dikarang Puteri kena 11/01/2009 05:53:00 PM

5 iti jako balas:

  1. meda baju spiderman Duncannya... teringat ke baju spiderman ke dibeli indai ku ka aku suba...paling last org ngena gari ku nya adik ku ke paling biak... nya pan jarak kami duai 14tahun... rindang amai suai ia bermain... :)
    ReplyDelete
  2. aisey, baru nyambut Halloween kitak din neh. Kami ari enam nyun ke mari. Bendar anembiak ngetuk pintu umah meh kul 9 mlm agi meh! minta gula batu. Abis lengis bowl aku..meh di asoh laki, tutup kedai penghujung ia.
    ReplyDelete
  3. Amat nya! Denice enda takut nepan kuda!! Iya ke buyan ke semua jelu....aisehhhh...up up and away Duncan !!

    Taun tu enda enggau celebrate halloween sida anak, laban agi dalam kerita pulai cuti. Pukul 8:00 malam baru datai di rumah! Tang enda berapa halloween taun tu, supermarkets deh nadai didecorate baka taun2 ke udah. Penyelai iya, X'mas decorations udah belabuh ayan! Balat penumu sidak iya ka ngintu X'mas !!
    ReplyDelete
  4. Melorna, nya baru bisi asil meli baju! Mayuh orang ampit ngena! Amat rindang saduai iya malam nya. Nanya enti hari siti agi Halloween! :-)

    Charlene, nyelai ga Halloween kita seminggu dulu hari iya ka endar? Halloween is the day before All Saints Day. Enti kami dirumah, nadai nyendia candy kami! Hahaha, nadai kala datai nembiak ngagai rumah kami!

    Lyana, eh, Spiderman ukai Superman! Nadai up up and away Spiderman! Heheh. Bisi tuping costume nya tang nadai nemu alai agi.
    Enggi kami ditu barang Christmas udah pansut tang decorations sebelah kedai bedau. Pengerami Thanksgiving bulan tu .. and the day after Thanksgiving is Black Friday .. big, big, shopping day!
    ReplyDelete
  5. nya meh... laban indai ku ke kul nyaga bajunya... mina syau aku ndai menyadi indu... semua lelaki magang nda mayuh baju ku ulih dikena bala adik aku... mayuh udah bala gaun2 aku diderma ngagai org ke perlu ke baju2nya tauka diberi ngagai bala anak petunggal aku...
    ReplyDelete

Subscribe to: Post Comments (Atom)