Sushi for Lunch

Pagi tadi aku bisi betemu enggau lutur - positional vertigo, ko lutur. Ari hari tiga minggu nyin tadi aku selalu berasai ka mabuk ... kekadang asai ka bepusin utai dipeda. Pagi tadi asai ka pedis dalam pending kiba, nya beguai ka betemu enggau lutur.

Jam udah pukul 12.30 p.m. maya kami duai Doug pansut ari klinik. Kami duai alu ngagai Staples dulu laban aku ka meli ink jet cartridge ka printer aku. Udah nya kami duai alu ngagai restoran sushi - buffet sushi. Penuh restoran nya, nyu nganti dulu baru bulih penuduk.

Kati enda laku restoran tu, bayar mina $11, penegar makai dia! Peda aku sekeda ka besai tubuh, apu nya baru bendar makai. Enda rugi makai sushi dia. Chapak mit nya, sembilan iti enggi Doug enggau aku! Enda mayuh nya enti dibanding enggau grup orang duduk sepiak kami. Tegar endar sida empat ka duduk ba mija sepiak kami nya.

Iisssh, sedap amat cat fish sushi tu! Udah nya alu ngasuh Doug ngorder chapak mit sashimi. Sekeda utai tau diorder, baka sida sashimi tauka sida tempura. Enti ka ngorder chapak besai tau ga laban sekeda tubuh mayuh ba grup sida, enda tak begumpul ka chapak mit nya!

Nyah, sapa minat makai sashimi? Ikan mata, you, ka bala ti enda nemu! Aku tu sigi rindu amat makai sushi. Baru iya meh kami duai Doug makai ba restoran nya. Suba lain orang ka empu restoran nya tang siti tu manah agi. Amat enda rugi makai dia! Tau makai dia baru ila, ko aku madah ka Doug. Nya meh ko iya, lantang nadai bebai ka anak! Bala anak agi ba sekula maya nya. Doug endang sigi diau sahari tu - off.

Ma bala kita bisi nemuai kitu ila, alu ka makai sushi, dia meh aku mai kita!




P.S. Magaret, aku nganti nuan kitu baru, anjung meh anak nuan kitu!