Veterans' Day

Sahari tu orang gawa ba perintah enggau mayuh sekula diau laban ngintu Veterans' Day. Bala anak udah hari satu tadi ngambi chuti, sahari tu baka selama nurun sekula. Kempeni sida Doug jarang diau ma hari besai bakatu. Nadai mayuh chuti umum sida iya. Kada bisi enam hari aja dalam setaun?

Pendam ti dipansa ninting hari dihias enggau bendera, kena ngingat bala soldadu ka udah dulu ninggal kitai ngetan ka menua.

♪ ♪ ♪ ♫ ♫ ♫ ♪ ♪ ♪

Pagi kemari aku bisi betemu enggau lutur. Pulai ari nyin aku bisi ngetu ba kedai kraft, Joann. Bisi sale dia alu aku meli 4 iti frame gambar laban meda nya murah. Gambar ngambi mengambi tang jarang dituchi! Nyah, tuchi sekeda, simpan dalam frame alu gantung ba dinding! Bisi ga dipeda neh!

Sebedau aku pulai ka rumah aku ngetu ba restoran Jipun enda jauh ari rumah kami .. tak tenguk ka makai sushi! Ngati kediri meh aku makai sushi tengah hari kemari. Ma nyawa udah ka, kapa nganti orang enggau!

♪ ♪ ♪ ♫ ♫ ♫ ♪ ♪ ♪

Sahari tu aku masau jam begaga ka header blog kena musim Krismas tu ila. Ku aku madah ngagai Lyana, 1 hb Disember tu lagi, tau ditukar gambar ba atas blog ... ngambi ka bisi mood kitai ti nganti hari Krismas!

Naka tu aja cherita aku sahari tu. Ka berapi agi.