Thursday, January 28, 2010

Gagit ka Pulai



Bala pangan Cina aku ke diau ba menua kami ditu gagit amat ka pulai ka Malaysia maya musim taun baru Cina taun tu. Louisa, pangan aku ka diau ba South Lake Tahoe, mupuk malam hari lima tu lagi ... pulai ka Kuching.

Aku bakaka enggai alah enggau bala sida Cina. Bakaka ka mupuk sereta enggau bala sida ti ka ngintu taun baru sida!

Iya ke bendar ujung bulan lima tu lagi ti ka mupuk! mrgreen Eh, enggai nyadi enda tumu meli tikit enggaika enda ampit laban bala ti sama berebut rebut ti ka pulai musim Gawai tu lagi!

Ninjik endar ga bisi tikit angkat ari KL ka Miri malam 30hb Mei. Tikit ke murah agi badu enda meh abis. Tumu bala Iban meli tikit pulai Gawai! Taun nyin kemari nadai sempat enggau orang ngintu Gawai kami menyanak laban bala anak apin berengkah cuti maya Gawai. Taun tu sekula baru saduai tumu berengkah cuti - 29hb Mei.

Diatu aku mina ngiga tikit murah ari San Francisco ka KL. Begedi endar aku meda rega tikit mar amat laban maya kami ka angkat ila endang maya peak period laban bala nembiak sekula udah berengkah cuti. mad

Ka pan enda meli tikit mar kena pulai - lelengau ka begulai enggau apai indai, diri menyadi enggau kaban belayan. Kedung kitai agi dapat, kedung kitai agi ulih. Kedung kitai agi bisi apai indai diabas.

8 comments:

  1. hahahha sama tua Doris..nyerumba sida cina ke pulai..aku udah meh meli tikit kena pulai Gawai ahhaha...orang ba upis heran ke aku udah minta cuti, sedangkan I just got back from Holiday 3 wks ago. Aku madah kediri mesti pulai taun tuk laban nyambut Gawai ko aku.hehe

    Terus ke Miri kitak menyanak?

    ReplyDelete
  2. Debbie enti bisi mansa Miri, anang enda madah.

    Au, terus ka Miri meh kami tiga menyanak. Enggai kiruh be-check in ka bags (over weight!) dua kalli.

    ReplyDelete
  3. Lama kitak 3 di miri? Auk enti bisi kemiri ila aku ngiga nuan ari Blaine :)

    ReplyDelete
  4. auk tumu sedia pulai gawai neh wai - nadai agi engau nuan lepak makai mee di lutong dia dah pindah kami menyanak nyu ka sebulan udah - nya meh jarang sesegap ba ruai cyber laban ka agi gagau - barang pan alu bedau datai ari miri

    ReplyDelete
  5. Debbie, we'll be in Miri about 2 1/2 months.

    Dah pindah kita pia, andan! Kini tunga pindah? Ka KL baru kah? Tak apin lama kita ka pulai ka Lutong, alu pindah baru.

    ReplyDelete
  6. Wahhhh pulai maya summer!! Jilis aku Puteri! :-)

    ReplyDelete
  7. Nuan enda pulai, flo? Pulai lah, ila kitai betemu baru!

    ReplyDelete
  8. Ngiga sekali tu kita pulai, ngabang ngagai Sibu!

    ReplyDelete

Related Posts Plugin for WordPress, Blogger...