Friday, February 05, 2010

Dua iku burung



Rindu amat aku meda burung Western Blue Bird ayan baru musim chelap taun tu. Udah bekau musim gugur taun nyin kemari aku nadai kala meda burung tu ayan agi. Pagi tu pama ga angin muput alu pama endar ga sida burung terbai sereta turun ka tanah mutik sida ulat bulu. Gambar tu diambi ari dalam rumah. Enti ga chermin rumah aku nya beresi, enda ga ngawa! Tang tau dikenyadi ga gambar burung sekali tu.

Maya musim chelap ukai nadai burung tang pedis amat digambar. Minggu nyin kemari lebuh hari ujan meresi rami endar sida burung atas tali karan seberai rumah aku. Bekareh aku pansut mai payung mit Duncan. Tang sayau amat, lebuh aku download gambar ari memory card, tak rusak (corrupted) memory card aku nya. Akai pedis amat ati aku! 16 gig memory card rusak bakanya! Gambar ka diambi sahari nya berapa iti aja ulih didownload. Gambar burung ti diambi lemai nya siti nadai meh ulih didownload.

Nasib ga copy semua gambar bukai (bisi 2000 iti) dalam memory card nya udah didownload alu disimpan ba computer enggau ba portable hard drive. Enggai nyadi enda ngaga lebih ari siti copy! Takut hard drive rusak!!

Enggai nyadi enda diganti memory card ka rusak nya. Sekali tu aku meli 2 iti 8 gig memory card awak ka enti siti rusak bisi ga siti agi dikena. Memory card tu baru datai kemari, nya kebuah ulih ngambar utai sahari tu.

Hari sahari tu kira ka enda chelap iga kiraka 15°C tang angin ka pama endar. Hari ka enda chelap nyu nyadi chelap gasak angin. Tang enti tak agi mayuh burung bemain ba tanah dia, ngelaban angin meh aku tu lagi! mrgreen

3 comments:

  1. Amat enda tan memory card nya. Nya aku ka meli siti agi meh. Ke penabat.

    puuuu...nadai peda cermin jendila nuan kamah! heheh manah endar gambar burung diambi nuan nya. Tampak endar ! Baka ka aku selalu, nemu endar burung beposing ke nuan ! hihihi

    ReplyDelete
  2. eem manah amat background effect nuan nya, adjust ngena camera ke ngena software nya? Benung penyamai duduk ba luar pama 15c, enda angat enda udu chelap, kena pancar panas lega amat kulit vitamin d.

    ReplyDelete
  3. Sigi ka burung posing ka aku! Heheh. Amat nyu ngiga senentang ka enda kamah iga alai nge-aim camera!

    Cath, background nadai diadu ngena software. Endang asal camera lens nya ...
    Sahari tu cloudy amat hari alu enda ga chelap iga laban clouds bisi trap heat mimit. Kita dia agi balat snowing?

    ReplyDelete

Related Posts Plugin for WordPress, Blogger...