Wednesday, August 25, 2010

Daun Ubi


Anang jeles, Lyana, meda aku bisi tetemuka daun ubi!

Pagi tadi kami tiga menyanak ngelaban hari angat nurun ke pasar. Minggu nyin tadi laban ti mindah, nadai sempat nurun ke pasar minggu. Nya meh aku nagang diri meli sida sayur. Bansa sayur ti dibeli ukai bansa ti tan disimpan dalam peti ais. Enggai enda dipanduk dalam sahari dua ga nya!

Gaga amat aku meda daun ubi pagi tadi. Agi tingat ke daun ubi enggau upa kechala ti dipanduk ipar aku kutai! Kelimpah ari daun ubi, aku bisi mega meli kantuk peria enggau kangkung. Sigi sayur dikerindu aku magang!

Akai, mayuh macham buah dijual maya musim panas tu! Aku mina meli buah cantaloupe enggau nectarine. Berat dibinching! Udah ga hari angat!

Ninga bala pangan ke diau di Houston nyerita pasal sida ti bulih cangkuk manis, bekareh meh aku ngiga tadi. Amat nadai kala meda cangkuk manis dijual ditu aku. Nya aku ngumbai sida ti datai ari menua China, Vietnam, Laos, Philippines tauka Thailand enda nemu makai cangkuk manis. Tang kati ku tau bisi di Houston deh? Dibeli ari kedai china Hong Kong, ku sida.

Arapka dudi ila bisi meh orang nanam enggau nyual sayur nya!

4 comments:

  1. wahsehhh best mai - enda lyana jilis pelaba aku gagau raun ia hehehe aku jilis ahhhh eran urang malaya enda nemu makai kantuk peria - nitih liur ngenang. Auk cangkuk aja nuan bedau kala tetemu ney-nya meh aku ninga lina belauk cangkuk

    ReplyDelete
  2. Keni nuan manduk daun ubi nyak? Di tutuk ka?

    ReplyDelete
  3. eeeee....geram aku ! tahap ka dui dui nyabak !! baru 2 ari dah ngejang ke rumah diri, balat lelenggau ke utai panduk diri empu ! anang ke sida daun lauk ke dibantai nya deh. setaun baru aku ulih belaban enggau lauk bansa nya. Seluruh peranchis nadai nyual daun ubi enggau daun peria...uhuhuhu :'(

    ReplyDelete
  4. Heheh, Andan, nya iya Lyana udah geram! Sigi tenguk iya!

    Debbie, au tutuk daun ubi nya. Panduk bekuah santan enggau manuk! Lemak and sedap!

    Lyana, dudi ila nuan mai paung ubi. Nguji nanam di menua Peranchis din!! Tanam dalam pasu besai dulu, tau dibai kedalam rumah maya winter! Hehehehh.

    ReplyDelete

Related Posts Plugin for WordPress, Blogger...