Friday, September 10, 2010

Kari manuk gulai entekai



Ku Coki, kari manuk digulai entekai, nyamai. Amat nyamai endar ga kari manuk aku digulai enggau buah entekai!

Lemai kemari aku nadai nemu nama lauk ka dipanduk ke lemai nya tang lebuh aku tepeda ke dua igi buah entekai ti agi kating kating ari pun iya ti ditanam dalam pasu besai, aku alu tingat ke buah entekai (ti diambi kutai) sigi ti apin dipanduk.

Beguai meh aku tama ke dalam rumah, ngambi manuk ari freezer, ngiga paket kari, alu berengkah berapi. Ka nguji ngaga kari manuk gulai buah entekai!

Udah mansau manah meh buah entekai ti digalau aku nya. Maya aku ngambi iya kutai, iya apin entu mansau. Manis agi asai iya laban ti udah mansau manah. Doug alu madah taun ila, tau meh nanam mayuh agi entekai bansa nya laban nyamai endar asai iya dipanduk enggau kari manuk.

Nah, tau meh kita nguji ngulai buah entekai enggau kari manuk kita! Gerenti nyamai! mrgreen

7 comments:

  1. puuuu...alu engkeriuk baru perut tu ! ka nguji ila. enda lama gik musim entekai ba kami ditu..hehehe

    ReplyDelete
  2. Doug ngasuh ngalau leka entekai ngambika tau dikena taun dudi ila .. manis entekai tu - small sugar pumpkin. Anang enda nguji!

    ReplyDelete
  3. Doris, ukai entekai aja tang enggau manuk manuk nuan nampak sedapp..nyau ngenang ke xmas ehheh.

    ReplyDelete
  4. Hahahha.. Dor, patut aku nyo sedekan kolok mee pagi tadi. cheh! au nang nyamai, au sigi agi, ubi gentang ganti nuan ke buah abok/keribang kitai nya. apuu stidii! manis kuah kari uuuu!

    ReplyDelete
  5. Debbie, enda ibuh nganti Christmas manduk kari enggau pumpkin! Heheheh.

    Pat, bisi sedekan nuan, pia?! Hahha, engka maya Lyana nyebut diri lapar meda lauk kari nya! Au, tau ga nguji ngena ubi randau ila. Enda nyadi kuah mee jawa enti kelalu lela ubi randau nya ila?! Heheh.

    ReplyDelete
  6. Aku ti tepaksa nganti xmas laban enda nemu manduk ti sedap. Nganti mami manduk baru sedap ehhe

    ReplyDelete
  7. Oooh! Enggai enda nganti kari mami nuan ga, Debbie! Heheh. Aku ngena perencah kari ayam Maggi ti dalam packet. Otherwise aku selalu ngena perencah kari Thai .. rindu aku flavor Thai curry - yellow curry, red curry, green curry ... chukup macham dalam tin mit. Muntang amat manduk kari diatu!

    ReplyDelete

Related Posts Plugin for WordPress, Blogger...